Египедһээ гаралга 12:6 - Библи

⁶ Тус һарын арбан дүрбэн болоходо үдэшын боро хараанаар хурьгаяа үүсэлэн гаргаха ёһотой. Израилиин ниигэмдэ хабаатай зон булта тиигэхэ ушартай.

Египедһээ гаралга 12:6 ပူးပေါင်းရင်းမြစ်များ

2 Угай бэшэг 35:1

Эзэнэй хүндэлэлдэ Иерусалимда Паасхын һайндэр Ёшияа хэбэ. Түрүүшын һарын арбан дүрбэдэхи үдэр Паасхын хурьган үүсэлэгдээ һэн.

Эзраа 6:19

Баряанһаа бусаһан зон нэгэдэхи һарын арбан дүрбэндэ Паасха хэбэ.

Египедһээ гаралга 12:14

Энэ үдэрые дурсажа байгты. Хойшодоо үеын үедэ энэ Эзэнэй һайндэр гэжэ тэмдэглэжэ байгты. Энэтнай таанадта хэтын тогтоол болоно.

Египедһээ гаралга 12:17

Эһээлтэгүй талханай һайндэр гэжэ тэмдэглэгты. Энэ үдэр Би таанадые Египедһээ гаргаһан болоноб, ушар тиимэһээ хэтын тогтоол болгон энэ һайндэр хойшодоо үеын үедэ тэмдэглэжэ ябаха болонот.

Египедһээ гаралга 12:18

Түрүүшэ һарын арбан дүрбэдэхи үдэрэй үдэшэһөө хорин нэгэнэй үдэшэ болотор эһээнгүй бариһан хилээмэ эдидэг байхат.

Египедһээ гаралга 12:47

Израилиин зон бүгэдөөрөө сахин бэелүүлхэ ёһотой.

Египедһээ гаралга 16:1

Элиимһээ Синай тээшэ зориходоо, Израиль угсаатан тэдэ хоёрой хоорондо байдаг Сиин губида ерэбэ. Египедһээ гараһан сагһаа хойшо хоёрдохи һарын арбан табанай үдэр бэлэй.

Египедһээ гаралга 16:12

– Би Израиль угсаатанай гэмэрэлдээ сонособоб. Тэдээндэ иигэжэ хэлэ: «Үдэшэндөө мяха, үглөөдэрынь садатараа талха хилээмэ эдихэт. Таанадай Бурхан болодог Эзэн гэжэ тиихэдэ мэдэхэт».

Египедһээ гаралга 19:1

Египедһээ гараһанһаань хойшо гурбадахи һара эхилбэ. Тэдэ Синайн губида ерэжэ тогтобо.

Египедһээ гаралга 29:39

Нэгыень үглөөгүүр, нүгөөдынь үдэшэлэн үргэдэг байхаш.

Египедһээ гаралга 29:41

Хоёрдохи түлгэн хурьгаяа үдэшэлэн мүн лэ үглөөнэй шэнги тиимэ талхан, үзэмэй дараһан архи сэржэмтэйгээр үргэхэш. Энэ хадаа Эзэндэ таатай анхилма үнэр, Эзэндэ үргэгдэһэн бэлэг мүн.

Исай 53:6

Бидэ булта хонид мэтэ төөрижэ, хүн бүхэн өөр өөрын замаар ябаа. Харин Эзэн маанадай гэм зэмые бултыень Тэрээн дээрэ тохоо!

Эзэкээл 45:21

Түрүүшэ һарын арбан дүрбэдэхи үдэрһөө эхилээд, саашадаа долоон хоногой туршада таанад Паасха гэжэ һайндэрые һайндэрлэхэ ёһотойт. Тэдэ долоон үдэр эһээбэригүй талхаар болгоһон хилээмэ эдигты.

Левит 23:5

Түрүүшэ һарын арбан дүрбэдэхи үдэр, үдэшэлэн Эзэнэй Паасха.

Тоололго 28:16

Түрүүшын һарын арбан дүрбэдэхи үдэртэ Эзэнэй Паасха юм.

Тоололго 28:18

Түрүүшын үдэр нангин суглаагаа үнгэргэгты, ямаршье ажал бү хэгты.

Тоололго 9:11

Хоёрдохи һарын арбан дүрбэнэй үдэшэлэн һайндэрлэг. Тиихэдээ тэдэнэр хониной мяха, эһээбэригүй болгоһон хилээмэ эдиг, гашуун амтатай үбһэ ногоонтой хамта эдиг.

Матвей 27:20

Гэбэшье түрүү санаартан, ахамадууд Бараббаае сүлөөдэ табихыень, харин Иисүүсые үхэлэй саазада хүртөөхыень гуйгты гэжэ улад зониие идхаба.

Матвей 27:25

– Тэрээнэй үхэлдэ бидэ, манай үри хүүгэд зэмэтэй байха, – гэжэ улад зон баран харюусаба.

Марк 15:1

Үүр сайха үеэр түрүү санаартан, ахамадууд, Хуули заадаг багшанар яаралтайгаар Зүблэлэй гэшүүдтэй уулзажа хуралдаба. Тэдэ Иисүүсые хүлижэ, Пиладта абаашажа тушаагаа.

Марк 15:11

Теэд түрүү санаартан Бараббаае табихыень Пиладһаа гуйгты гэжэ улад зониие идхаба.

Марк 15:25

Тэрэниие хэрээһэндэ хадахада үглөөнэй юһэн саг боложо байгаа.

Марк 15:8

Улад зон сугларжа, урданайнгаа заншалаар хаалтада һууһан нэгэ хүниие табихыень Пиладһаа гуйба.

Лука 23:1

Зүблэлэй гэшүүд булта бодожо, Иисүүсые Пиладта абаашаад,

Лука 23:18

Теэд бүхы зон: – Энээниие саазалагты, харин Бараббаае бидэндэ табигты! – гэжэ хашхаралдаба.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Хэрэгүүд 3:14

Бурханай хүнһөө, үнэн сэдьхэлтэнһээ арсажа, харин алууршые табиит гэжэ таанад гуйгаат.

Хэрэгүүд 4:27

Нээрээшье Ирод ба Понтий Пилат хоёр Израилиин арад зонтой болон бусад арадуудтай энэ хотодо үгэсэлдэн, Танай табисуурта, нангин Зараса Иисүүсэй урдаһаа эбээ нэгэдхэбэ.

Нүүнэй Иисүүс 5:10

Израилиин хүбүүд Гилгаалда майхан хүреэгөө түхеэрээд байгаа. Һарын арбан дүрбэнэй үдэр, үдэшэлэн, Ерихооной талада Паасха тэмдэглээ.