Египедһээ гаралга 12:41 - Библи

⁴¹ Дүрбэн зуун гушан жэлэй үнгэрһэн хойно энэ һүни Эзэнэй сэрэг шэнгеэр жагсаһан арад Египедһээ мултаран гаража ошобо.

Египедһээ гаралга 12:41 ပူးပေါင်းရင်းမြစ်များ

Эхин 50:24

Наһа барахынгаа урда тээ Иосиф аха дүүнэрээ дуудаад, иигэжэ хэлэбэ: – Минии мордохо саг дүтэлжэ байна. Гэбэшье Бурхан таанадта туһалха, энэ орон нютагһаа гаргажа, үбгэ эсэгэнэрнай болохо Абраһаамда, Исаагта, Яковта үгэхөөр тангариглаһан тэрэ орон нютаг руу абаашаха.

3 Хаан түрэнүүд 6:1

Израилиин улад зоной Египедһээ гараһаар дүрбэн зуун наян жэлэй үнгэржэ байхада, Израилиин хан шэрээ эзэлһээр дүрбэдэхи жэлдээ, жэлэй хоёрдохи һара болохо зиив һарада Соломоон Эзэнэй Һүмэ барижа эхилээ бэлэй.

2 Угай бэшэг 14:12

Асаагай, Иудын бүхы зоной хараһаар байтар Эзэн Эфиопиин сэрэгые хюдажа, эфиопиинхид тэрьедэжэ эхилбэ.

Псалманууд 102:13

Эсэгын хүүгэдээ хайрладагтал адли Тэрэ Өөрһөөнь түбэгшөөдэг зониие хайрладаг.

Псалманууд 114:1

Би Эзэндэ дуратайб. Тэрэ минии дуу хоолой, гуйлтыем дуулана.

Египедһээ гаралга 12:17

Эһээлтэгүй талханай һайндэр гэжэ тэмдэглэгты. Энэ үдэр Би таанадые Египедһээ гаргаһан болоноб, ушар тиимэһээ хэтын тогтоол болгон энэ һайндэр хойшодоо үеын үедэ тэмдэглэжэ ябаха болонот.

Египедһээ гаралга 12:51

Тэрэ үдэр Эзэн Израиль угсаатаниие Египедһээ сэрэг шэнгеэр жагсаан гаргаба.

Египедһээ гаралга 13:14

Хожом хэзээ нэгэтэ хүбүүншни «Энэ юун гэһэн удхатайб?» гэжэ асууба гэлэй, тэрээндэ иигэжэ харюусахаш: «Эзэн хүсэтэ гараараа Египедэй дарлалтаһаа маанадые гаргаһан юм.

Египедһээ гаралга 13:16

Энэ хадаа шамда гар дээрэ отолһон, сохо дээрэ шатааһан шарха мэтэ сараа тамга болохо жэшээтэй. Юуб гэхэдэ, Эзэн ашата хүсөөрөө маанадые Египедһээ гаргаа».

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Египедһээ гаралга 3:10

Иимэ ушарһаа Би шамайе фараондо эльгээхэм: Минии арадые, Израиль угсаатаниие Египедһээ гаргыш даа.

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Египедһээ гаралга 6:26

Израилиин хүбүүдые сэрэг шэнгеэр жагсаагаад, Египедэй газарһаа гаргагты гэжэ Эзэнэй зонхилһон Аһароон Моисей хоёр болоно.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Египедһээ гаралга 7:4

Харин таанадай үгэ фараон дуулахагүй. Одоол тиихэдэ Египет Минии гарай хүндые мэдэхэ даа! Минии арад болохо Израиль угсаатаниие сэрэг шэнгеэр жагсаан Египедһээ гаргахаб. Хэһээлтэм шанга!

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Левит 23:43

Танай уг удамууд мэдэхэ ёһотой: Би израильшуудые Египедэй газарһаа гаргахадаа, бургааһаар, үбһөөр хэһэн майхан соо байрлуулаа бэлэйб. Би Эзэн Бурхантнай гээшэб.

Аввакуум 2:3

Тогтоогдоһон саг тушаа үзэгдэл юм. Теэд тэрэнэй удаараашье һаань, хүлеэгөөрэй, заабол бэелдэхэ. Тэрэ болюулагдахагүй, заабол ерэхэ.

Тоололго 23:22

Тэдэниие Египедһээ гаргаһан Эзэн галзуу дошхон бухадал дайсадтайнь тулалдана.

Тоололго 33:1

Моисей Аһароон хоёр израильшуудые ударидажа, бүлэг бүлэгүүд болгон жагсаажа, Египедһээ гаргаһан юм. Тэдэнэр иимэ орон нютагуудые гаталбад.

Иоанн 7:8

Таанар һайндэртөө ошогты. Би тэрэ найрта ошохогүйб, Минии саг үшөө ерээдүй байна.

Хэрэгүүд 1:7

– Таанарта Эсэгын эрхэ мэдэлээр тогтоогдоһон саг болзорой ерэхые мэдэхэ хэрэггүй.

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Хуули дабталга 16:1

Авиив гэһэн һарада Паасха гэһэн һайндэр һайндэрлэжэ, Эзэн Бурханаа хүндэлэгты. Юуб гэхэдэ, авиив һарада һүниндөө Тэрэ таанадые Египедһээ гаргаа бэлэйл.

Хуули дабталга 4:37

Үбгэ эсэгэнэртэтнай дурлаһандаа Тэрэ таанадые шэлээ, Өөрөө асари ехэ хүсөөрөө таанадые Египедһээ гаргаа.

Нүүнэй Иисүүс 24:5

Би Моисейе ба Аһароониие эльгээгээд, Египедые гай зоболонгоор дайрааб, Египедтэ гай тодхор ушаруулааб; тиигээд таанарые гаргааб.

Нүүнэй Иисүүс 5:14

– Би Эзэнэй сэрэгшэдэй ударидагшаб, мүнөө эндэ ерээб, – гэжэ тэрэнь хэлээ. Иисүүс урдань һүгэдэн газарта унаад: – Минии эзэн ноён богоолдоо юу хэлэхэб? – гээ.