Египедһээ гаралга 12:15 - Библи

¹⁵ Долоон үдэр эһээбэригүй талхаар болгоһон хилээмэ эдигты, анханһаа эхилжэ эһээбэри гэртээ үгы хэгты. Энэ долоон хоног соо эһээһэн юумэ эдиһэн хүн Израилиин хүн гэжэ бэшэ нэрлэгдэхэгүй.

Египедһээ гаралга 12:15 ပူးပေါင်းရင်းမြစ်များ

Эхин 17:14

Энэ ёһолол хэнгүй үнгэрһэн хүниие Би Минии бэшэ гэжэ тоолохоб, юундэб гэхэдэ, тэрэ хүн Минии хэлсээ эбдэһэн болохо.

2 Угай бэшэг 30:21

Иерусалимда сугларагша Израилиин арад түмэн Эһээгээгүй Хилээмэнэй һайндэр долоон үдэрэй туршада угаа хүхилдэн үнгэргэбэ. Левидүүд болон санаартад Эзэниие магтан дуулахада хэрэгтэй хүгжэмэй зэбсэгүүд дээрэ наадан, Эзэндэ магтаал үдэр бүри үргэн байгаа.

Эзраа 6:22

Эһээлтэгүй хилээмэнэй һайндэрые долоон хоногой туршада ехэ баяртайгаар һайндэрлэбэ, юундэб гэхэдэ, Эзэнэй, Израилиин Бурханай, һүмэ барихадань туһалхын тула Ассириин хаанай зүрхэ зөөлэрүүлһэн Эзэн тэдэниие баярлуулаа бшуу.

Египедһээ гаралга 12:8

Мяхыень тэрэ һүниндөө гал дээрэ хууража эдеэрэйгты, эһээлтэгүй талхантай, гашуун ногоотой холижо эдихэ хэрэгтэй.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 23:15

Эһээлтэгүй талханай һайндэр тэмдэглэдэг бай. Египедһээ гаралгын авиив һарада гэжэ тогтоогдоһон сагта долоон хоногой туршада эһээлтэгүй талха эдидэг байхаш гэһэн зарлиг Би буулгаа бэлэйб. Хэншье Минии урда хооһон гартай харагдаха ёһогүй.

Египедһээ гаралга 30:33

Өөртөө гү, али ондоо хүндэ иимэ бүридэлтэй тоһо найруулһан гү, али түрхиһэн хүн усадхагдаха, угсаата арадайнгаа тооһоо гаргагдаха».

Египедһээ гаралга 30:38

Иимэ хангал үнэр өөртөө анхилуулха зорилгоор санзай найруулһан хүн усадхагдаха, өөрын арад зоной тоодо тоогдохоёо болихо.

Египедһээ гаралга 31:14

Субботые сахин байгты: тэрэ хадаа таанадта нангин мүн. Субботые бузарлаһан хүн хороогдохо, тэрэ үдэр ажал хэһэн хүн угсаатанайнгаа тоодо тоогдохоёо болихо.

Египедһээ гаралга 34:18

Эһээлтэгүй талханай һайндэр тэмдэглэгты: Минии зарлигтаһаар, долоон хоног соо, авиив һарада болзор болоһон сагтаа, эһээлтэгүй хилээмэ эдигты, юуб гэхэдэ, Египедһээ авиив һарада гаража ошоот.

Египедһээ гаралга 34:25

Намда үргэл хэхэдээ, үргэлэй амитанай шуһа эһээлтэтэй талхан дээрэ дуһаажа бү байгаарайгты. Паасхын һайндэртэ үргэгдэһэн үргэлые үглөөгүүр болотор орхижо бү байгты.

Левит 17:10

Хэрбэеэ израильшуудай болон танай дунда ажаһуудаг ерүүл зоной хэн нэгэнэй юунэйб даа шуһа эдеэ һаань, тэрэ хүнһөө буруу харахаб, шуһа эдиһэн хүнэй ами наһыень таһалжа, үгы болгон хосороохоб.

Левит 17:14

Юундэб гэхэдэ, бүхы амитанай ами наһаниинь шуһан соонь юм, шуһаниинь тэрэнэй ами һүнэһэниинь мүн гээшэ. Тиимэһээ Би израильшуудта хэлээб: ямаршье юумэнэй шуһа бү эдигты, юундэб гэбэл, бүхы амитанай ами һүнэһэниинь тэрэнэй шуһан мүн гээшэ; шуһа эдиһэн хүн үхэжэ хосороогдохо.

Малаахи 2:12

Иимэ үйлэ хэдэг уладые, Эзэндэ үргэл хэдышье хээ һаань, Эзэн Яковай майханһаа зайлуулха.

Тоололго 28:17

Энэ һарын арбан табанай үдэр – эһээбэригүй талхаар болгоһон хилээмэн зүйлэй һайндэр юм. Долоон үдэр эһээбэригүй талхаар болгоһон хилээмэ эдигты.

Тоололго 9:13

Хэрбэеэ арюун сэбэр байбашье, аян замда ябаагүйшье һаа, харин Паасха һайндэрлээгүй хүн Эзэнэй урда зэмэтэй болохо. Тиимэ зон Паасха һайндэрлээгүй, хууляар зарлигтаһан Паасхын тэрэ үдэр Эзэндэ үргэлөө үргөөгүй һаа, арад зонойнгоо дундаһаа үлдүүлхэ ёһотой.

Матвей 16:12

Һүүлэй һүүлдэ шабинарынь хилээмэнэй эһээбэриһээ бэшэ, харин фарисейнүүдэй, саддукейнэрэй һургаалһаа һэргылэгты гэжэ хэлэһыень ойлгобо.

Лука 12:1

Тоолошогүй олон зоной сугларжа, бэе бэеэ дарахаһаа нааша шахасалдаха үедэнь Иисүүс түрүүн шабинартаа хэлэжэ эхилбэ: – Нюур сахидаг фарисейнүүдэй эһээбэриһээ болгоомжолжо ябагты. Тэдэ һургаалаараа зоной толгой эрьюулдэг.

Лука 2:43

Һайндэрэй дүүрэхэдэ Иисүүс Иерусалимда үлэбэ, гэбэшье гэртээ бусажа ябаһан түрэлхидынь хүбүүнэйнгээ үлэшэһые ойлгоогүй бэлэй.

Хэрэгүүд 12:3

Энэнь еврейнүүдтэ һайшаагдаба гэжэ мэдэхэдээ, баһа Пётрые барижа хааба. Энэ ушар Эһээлтэгүй Хилээмэнэй һайндэртэ тохёолдоһон байна.

Галадуудта 5:12

Танай дунда үймөө татадаг зон таанадһаа холодобол һайн байгаа.

Хуули дабталга 16:3

Эһээһэн талхаар бариһан хилээмэ Паасхын үргэлтэй хамта бү эдигты. Долоон үдэр эһээбэригүй талхаар болгоһон хилээмэ Паасхын үргэлтэй хамта эдеэрэйгты, Египедэй газар дайдаһаа яаралтайгаар гаран ошоходоо иимэ хилээмэ эдеэ бэлэйлта. Эдигты энэ гай зоболонгой хилээмэ, Египедһээ гараһан тэрэ үдэрые амиды мэндэ байһан сагтаа һанан байгаарайт.

Хуули дабталга 16:5

Малаар Паасхын үргэл гансал Эзэнэй нангин үргөө соо хээрэйгты. Эзэн Бурханайтнай танда үршөөжэ байһан газарта хаа-хаанагүй иимэ үргэл хэжэ болохогүй. Үдэшэлэн, наранай орохо үедэ, таанадай Египедһээ гараһан сагта Паасхын үргэл хээрэйгты.

Хуули дабталга 16:8

Эһээбэригүй талхаар болгоһон хилээмэ зургаан хоногой туршада эдигты, харин долоодохи үдэртөө нангин суглаагаа үнгэргэжэ, ямаршье ажал бү хэгты.