Дуунай дуун 4:2 - Библи

² Дун сагаан шүдэдшни һаяхан нооһоо хиргуулаад, голһоо гараһан хонид мэтэ. Хундан сагаан тэрэ хонид бултадаа эхир хурьгатай, нэгэньшье һубайраагүй.

Дуунай дуун 4:2 ပူးပေါင်းရင်းမြစ်များ

Египедһээ гаралга 23:26

Танай орон нютагта эхэнэр дутуу түрэхэ, үри хүүгэдгүй байха ушар огтолон үгы болохо, үгтэһэн наһаяа дүүрэн наһалха арга Би танда олгохоб.

Дуунай дуун 4:1

Инагни, ши үзэсхэлэн гоёш! Яахын арагагүй уран гоёш! Гивлүүрэй саана хоёр нюдэдшни сагаан тагтаа мэтэ энхэрэн нюугданхай. Хөөбэр үһэнэйш намилзан хүдэлхэнь Галаад хадаһаа уруудан ябааша ямаан һүрэгэй зэрэлгээн мэтэл.

Дуунай дуун 4:3

Уян гоё уралшни улаан тууза мэтэ үнгэ тодо. Булай хөөрхэн аманшни дура буляама һайхан. Унжаһан гивлүүрэй саанаһаа улаа бутарма хоёр хасаршни таһалан хубааһан анар жэмэс мэтэ харахада үзэсхэлэн гоё.

Дуунай дуун 6:6

Дун сагаан шүдэншни һаяхан нооһоо угаалгаад, голһоо гараһан хонид мэтэ үзэмжэтэй. Хундан сагаан тэрэ хонид эхир хурьга гарганхай, һубайрһан нэгэньшье үгы.

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Иоанн 15:7

Хэрбээ таанадай Минии досоо оршожо, Минии үгэнүүдэй таанарай досоо оршобол, юушье эрибэлтнай, Бурхан бултыень таанарта үгэхэ.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.