Дуунай дуун 1:3 - Библи

³ Алимши, хайратамни, түргэлыш! Гарһаамни хүтэлөөд гүйгыш! Сэдьхэл зүрхэнэйм хаамни, өөрын таһалгада оруулыш! Инаг шиниимни хажууда ерэһэн бүхы басагад жаргалда умбана. Илдам һайхан дураншни үзэмэй дараһан архиһаа үлүү дэгдээнэ. Эмэгтэйшүүл шамайе харамсаараа эльгэлэн ехэ дурлан байна.

Дуунай дуун 1:3 ပူးပေါင်းရင်းမြစ်များ

Псалманууд 133:2

Эгээл нангин газар руу эрьен, гараа үргыта! Эзэндэ магтаал үргыта!

Египедһээ гаралга 33:12

Моисей Эзэндэ хэлэбэ: – Энэ арадые саашань дахуула гэжэ намда айладахыеньшье айладаат, харин намтай хэниие эльгээхэеэ зарлиглаагүйт. Минии нэрэ һананаб гэжэ намда айладаа һэнта, сэдьхэлдэм намайе тааранаш гээ һэнта.

Египедһээ гаралга 33:19

Эзэн айладаба: – Бүхы һайн һайханаа урдууршни гаргахаб, шинии урда Өөрын нэрэ тунхаглахаб. Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб.

Һургаал 27:9

Һайхан тоһон болон анхилма үнэртэй бодос зосоо баясуулха, нүхэрэй зүбшэл заабари сэдьхэлдэ аятай.

Экклезиаст 7:1

Үнэтэ һайн тоһонһоо һайн нэрэнь дээрэ, түрэхэ үдэрһөө үхэхэ үдэрынь дээрэ.

Дуунай дуун 3:6

Сүл губиһаа хэн ерээб? Ямар эмэгтэй тэндэһээ ерэбэб? Сан табижа, утаа бааюулан, гүгэлэй үнэр анхилуулнам.

Дуунай дуун 4:10

Минии хубита, дүүхэймни! Инаг шиниимни энхэрэлые үзэмэй дараһан архитай сасуулшагүй. Амараг шиниингээ түрхиһэн тоһые анхилма үнэртэй юунтэй зэргэсүүлхэбиб?

Дуунай дуун 5:13

Хасарынь үнэрдэбэл, һайхан үнэртэй сэсэрлиг мэтэ. Урал аманиинь гэбэл, аятай хангалтай тоһо дуһааһан сараана сэсэг мэтэ.

Дуунай дуун 5:5

Инаг тэрэнээ оруулжа асархаяа яаран бодожо, хаалга руу ошоходом, үүдэнэй барюулда үнэртэ тоһон гарһаамни дуһалан байгаал даа.

Дуунай дуун 6:8

Эзэн хаан жаран хатантай, наян һайхан бага һамгатай, басагад тоо томшогүй.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Матвей 25:1

– Тэрэ үедэ Огторгойн хаан түрэ иимэ ушартай адлишуу байха: Нэгэтэ арбан басагад өөһэд өөһэдынгөө зула баряад, хүрьгэн хүбүүе угтахаяа газаашаа гараба гэхэ.

Иоанн 12:3

Тэрэ үедэ Мария тон үнэтэй, һайхан хангалтай нард ургамалай тоһо домбо соо асараад, Иисүүсэй хүлые тэрэ тоһоор түрхибэ. Удаань, Иисүүсые угаа ехээр хүндэлдэг байһанаа гэршэлэн, хүлыень толгойнгоо үһөөр аршаба. Тоһоной һайхан үнэр бүхы гэрээр хангалтаба.

Коринфынхидтэ 2-дохи 11:2

Би Бурхандал адляар таанадта һанаагаа табинаб. Таанадые хүнэй гар хүрөөгүй, арюун басагандал мэтэ гансал хүндэ, Христоосто хадамда үгэхэ гэжэ үгөө үгэһэн байнаб.

Филиппынхидтэ 4:18

Би таанадай эльгээһэн бүхы юумые абааб – тэдэ бүхэн намда хангалтай хүрөө. Таанадай үгэһэн бүхы бэлэгүүдые Эпапродиит намда асаржа үгөө, мүнөө хэрэгтэй бүхы юумэн намда байна. Хоншуу хангалтай уталга Бурханда ехэ таарамжатай зохид байдагтал адли тэрэ танай бэлэгүүд баясуулна.

Гэршэлгэ 14:4

Тэдэ хүнүүд эхэнэрнүүдээр орёоһолдон бэеэ бузарлаагүй, гэр бүлэ болоогүй зандаа үлөө, Үргэлэй Хурьганай ошоһон тээшэ дахажа ябаа. Гансал тэдэ хүнүүд газар дэлхэйһээ абтан абарагдаа. Тэдэнэр Бурханда болон Хурьганда үргэһэн түрүүшын ургасын дээжэ мэтэ.