Аввакуум 2:13 - Библи

¹³ Зай, арад үндэһэтэнэй бүхы шадалаа эршэдэн ажаллаһаниинь гал дүлэндэ хосорхо, дэмы һалаха гэжэ Түмэн Сэрэгтэ Эзэн тогтоогоо бэшэ аал?

Аввакуум 2:13 ပူးပေါင်းရင်းမြစ်များ

2 Хаан түрэнүүд 15:31

Хэн нэгэнэй Давидта: – Абшалоомтой нюуса хэлсээ хэгшэдэй дунда Ахитоопэл байна, – гэжэ хэлэхэдэнь, Давид: – Эзэн, Ахитоопэлэй зүблөөе ухаа удхагүй болгожо үгыт гэжэ би зальбарнаб, – гэбэ.

Псалманууд 39:6

Эзэн Бурхамнай! Хэды олон юумэ бүтээгээ гээшэбта! Хэды олон гайхамшагта хэрэгүүдые маанад тушаа түсэблөөт, хэниишье Тантай сасуулмаар бэшэ. Би тэрэ гайхамшагта үйлэнүүдые олондо зарлан хэлэхэб, гэбэшье тэдэ тоолошогүй олон юм.

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 50:11

Гал түлижэ, гартаа гал баряад ябааша таанад! Өөрын галай гэрэл соо, өөһэдын носоогшо галаа барин ябыта, хамаагүй! Минии гар таанадта иимэ юумэ ушаруулха: таанад зобожо хэбтэхэт!

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Ерэмияа 51:58

Вавилооной үргэн хана хэрэм һуури хүрэтэрөө һандаргагдаха, үндэр бартаануудынь дууһан шатаха. Үндэһэ яһатан юуншье бэшэ юумэнэй түлөө ажаллаа, тэдэнэй оролдолгонууд галда дүрөө. Энэ хадаа Би, Түмэн Сэрэгтэ Эзэн, айладхана мүн!

Ерэмияа 51:64

Тиигээд иигэжэ хэлээрэй: «Тон иимэ юумэн Вавилоонтой болохо. Тэрэ доройтожо, Эзэнэй асарха гай һандаралай һүүлээр дахин һэргэн бодохогүй». Ерэмияагай үгэнүүд эндэ түгэсэнэ.

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».