4 Хаан түрэнүүд 9:34 - Библи

³⁴ ордон соо орожо, найрлахаяа һуумсаараа: – Үйлөө харламаар энэ эхэнэртэ һаналаа табигты. Яаба хээбэшье хаанай басаган байһан тэрэниие хүдөөлүүлэгты, – гэжэ захирба.

4 Хаан түрэнүүд 9:34 ပူးပေါင်းရင်းမြစ်များ

3 Хаан түрэнүүд 16:31

Набаадай хүбүүн Еробоһаамай нүгэлые даган байхань багадаад, тэрэ Сидооной хаан Этбаалай басаган Изээбэлые һамга абажа, Баалда мүргэдэг болобо.

3 Хаан түрэнүүд 18:41

Элияа Ахаабта: – Ошожо эдеэ хоол баригты, юуб гэбэл, бороогой абяан дуулдана, – гэбэ.

3 Хаан түрэнүүд 21:25

Изээбэл һамганайнгаа үгөөр Эзэндэ таагүй юумэ үйлэдэжэ байһан Ахаабтал адли хүн хэзээ наашашье үзэгдөөгүй бэлэй.

4 Хаан түрэнүүд 9:33

Еһүү тэдээндэ хандажа: – Изээбэлые доошонь хаягты! – гэжэ захирба. Заһаагаа абхуулһан харуулшад Изээбэлые сонхоор доошонь хаябад. Тэрэнэй шуһан гэрэй ханада ба моридто сэсэрбэ. Еһүү тэрэнэй үхэһэн бэе дээгүүр дайшалхы тэргэ морёороо гараад,

4 Хаан түрэнүүд 9:35

Хүнүүд тэрэниие хүдөөлүүлхэеэ ошобо. Теэд тэдэнэр тэрэ эхэнэрэй толгойн, гар болон хүлэйнь яһануудһаа бэшэ юумэ олобогүй.

Эстээр 3:15

Хаанай зарлигай ёһоор элшэнэр шамдан ябажа, зарлиг тарааба. Зарлиг мүн лэ ниислэл хото Сүүзэдэ тунхаглагдаба. Эзэн хаан Һамаан хоёрой амар тайбан үзэмэй дараһан архи уужа һуухада, ниислэл хотын арад түмэн хүл хөөрсэгэнөөн боложо, ехэ һүрдэбэ.

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Исай 65:15

Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.

Амоос 6:4

Заанай яһаар бүтээгдэһэн шэрээнүүд дээр хэбтэн һагад һуужа, зөөлэн үнжэгэн мяхатай хурьга, тарган, тобир тугал зооглон байнат.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!