4 Хаан түрэнүүд 9:3 - Библи

³ шэл соо хэһэн оливын тоһо тэрэнэй толгойдо адхамсаараа: – Эзэн иигэжэ хэлэнэ: «Би шамайе Израилиин хаан болгожо, тоһо түрхибэб», – гэжэ хэлээд, үүдэ нээжэ, гэдэргээшье харангүйгөөр, тэндэһээ зугада. Бү хүлеэ, – гэжэ хэлэбэ.

4 Хаан түрэнүүд 9:3 ပူးပေါင်းရင်းမြစ်များ

3 Хаан түрэнүүд 1:34

Цадоок санаартан, Натаан лүндэншэ, таанад Соломоониие оливын тоһоор түрхижэ, Израилиин хаан болгоһон ёһолол хэгты! Үхэр бүреэ үлеэн, «Соломоон хаан мандатугай!» гэжэ хашхаралдагты!

3 Хаан түрэнүүд 19:16

Нимшиигэй хүбүүн Еһүүе Израилиин хаан болгон тоһоло. Шапаадай хүбүүн, Абээл-Мэхолаагай Элишаае өөрынгөө орондо лүндэншэ болго.

4 Хаан түрэнүүд 8:13

Хазаһээл тэрээндэ: – Иимэ муухай хэрэг үйлэдэхэ аалби? Би танай зараса, амин хайрата нохой ха юмбиб… – Эзэн минии зүүдэндэ бии болоо, – гэжэ Элишаа хэлэжэ эхилбэ. – «Шамайе Араамай хаан болгохо» гэжэ Тэрэ намда хэлээ.

4 Хаан түрэнүүд 9:6

Еһүү бодоод, тэрээнтэй хамта гэртэ оробо. Тэрэ хүбүүн шэл соохи оливын тоһо Еһүүгэй толгойдо адхаад: – Израилиин Бурхан, Эзэн иигэжэ айладана: Би шамайе Эзэнэй арад зон болохо Израилиин хаан болгожо, толгойдош тоһо түрхибэб.

2 Угай бэшэг 22:7

Ёраамда ерэһэн ушарыень Ахазияае һалгаха талаар Эзэн хэрэглээ бэлэй. Ахазияа ерэжэ, Ёраамтай хамта Нимшиигэй хүбүүн Еһүү гэгшын урдаһаа добтолбо. Харин тэрэ Еһүү гэгшые Ахаабай уг удам усадхагшаар Эзэн шэлэн түсэблэн, тоһоор түрхиһэн байгаа.

Египедһээ гаралга 29:7

Оливын тоһо абажа, Аһарооной толгой дээрэнь адхан, тэрэниие тоһолон арюудха.

Даниил 2:1

Навуходоносор хаан хоёрдохи жэлээ зонхилжо байхадаа нэгэ зүүдэ хаража, амар заяагүй боложо, унтажа шадахаа болёо бэлэй.

Даниил 5:18

Үндэр түрэлтэ хаан! Навуходоносор эсэгэдэшни Дээдэ Бурхан хан түрэ, һүр жабхалан, нэрэ хүндэ, алдар суу үршөөһэн гээшэ.

Левит 8:12

Тиигээд тэрэ тоһолхо тоһонһоо Аһарооной толгой дээрэнь адхан, тэрэниие тоһолон арюудхаба.

Матвей 10:16

Һүрэг шононууд руу хонидые тууһан мэтээр Би таанадые эльгээнэб. Тиимэһээ таанар могой мэтэ сэсэн, гулабхаа мэтэ эгээлэй даруу байгты.

Матвей 2:13

Тэдэ сэсэшүүлэй ябаһан хойно Бурханай Эльгээмэл Иосифой зүүдэндэ үзэгдөөд, иигэжэ хэлэбэ: – Ирод энэ хүбүүе алахаяа һанаашалаад, бэдэржэ орохонь. Тиимэһээ ши бушуухан бодоод, хүбүүгээ эхэтэйнь абажа, Египет руу тэрьедэ. Тиигээд минии шамда дуулгатар тэндээ байгаарай.

Матвей 26:7

нэгэ эхэнэр домбо соо ехэ үнэтэй һайхан хангалтай тоһо абажа ерээд, Иисүүсэй толгой дээрэнь адхаба.

1 Хаан түрэнүүд 10:1

Самуил һабатай оливын тоһо абажа, Саулай толгой дээрэ адхаад, тэрэниие таалаад хэлэбэ: – Эзэн Өөрын угай баялигай захирагша болгон, шамда тоһо түрхин ёһолно.

1 Хаан түрэнүүд 15:1

Самуил Саулда: – Шамайе Өөрын арад түмэн болохо Израилиин хаан болгон, тоһо түрхижэ, ёһолол хэхые Эзэн намайе эльгээгээ. Тиимэһээ мүнөө Эзэнэй зарлиг шагна.

1 Хаан түрэнүүд 15:17

Самуил: – Ши өөрыгөө бишыханаар хэды һанажа байбашье, Израилиин обогуудай ударидагша болоо бэшэ гүш? Эзэн шамайе Израилиин хаан болгожо, тоһолоо бэлэй.

1 Хаан түрэнүүд 16:2

Харин Самуил хэлэбэ: – Би яагаад ябахабиб? Саул энээн тухай дуулаад, намайе алахал. Эзэн айладхаба: – Ши эмэ хашараг абажа, «Эзэндэ үргэл үргэхэеэ ерээб» гэжэ хэлэ.

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.