4 Хаан түрэнүүд 8:9 - Библи

⁹ Хазаһээл бэлэгүүдые бэлдээд, Бурханай хүниие золгохоёо гэрһээ гараба. Тэрэ Дамааскын бүхы һайн зүйлнүүдые дүшэн тэмээндэ тээгээд, аян замда ябажа, удангүй Элишаада ерээд хэлэбэ: – Хүбүүншни байһан мэтээр шамайе хүндэлдэг Араамай хаан Бэн-Һадаад намайе шамда эльгээхэдээ: «Энэ үбшэнһөө эдэгэхэ гүб?» – гэжэ һураба.

4 Хаан түрэнүүд 8:9 ပူးပေါင်းရင်းမြစ်များ

3 Хаан түрэнүүд 14:3

Арбан хүбэриг хилээмэ, бообо, зүгын бала абаад, тэрээндэ ошо. Хүбүүнтэй юун болохые тэрэ шамда хэлэжэ үгэхэ, – гэбэ.

3 Хаан түрэнүүд 15:18

Эзэнэй Һүмэ соо болон хаанай ордон соо үлөөшэ алта мүнгэ Асаа абажа, түшэмэлнүүдээрээ Дамааск руу, Араамай хаан, Хэзиһооной аша хүбүүн, Табриммооной хүбүүн Бэн-Һадаадта эльгээжэ, иигэжэ хэлэхые захирба:

3 Хаан түрэнүүд 19:15

– Яба, Дамааскын сүл губи руу ошо. Тиишээ ерэжэ, Хазаһээлые Араамай хаан болгон тоһоло.

4 Хаан түрэнүүд 1:2

Ахазияа Самаридахи өөрынгөө ордоной дээдэ дабхарһаа унажа, хэрэлсынгээ тохойлуур эбдэжэ бэрхэтээд, «Энэ бэрхэтэлгэһээ һайжарха гүб гэжэ Экрооной бурхан Баалзэбүүлһээ һурагты» гэһэн даабаритайгаар элшэдээ эльгээбэ.

4 Хаан түрэнүүд 13:14

Элишаа үбшэлөөд, арай амиды хэбтэбэ. Тиихэдэнь Израилиин хаан Ехоһааш тэрэниие эрьежэ ерэмсээрээ, тэрэнэй дээрэнь тонгойгоод: – Эсэгэ минии! Эсэгэ минии! Израилиин дайшалхы тэргэнүүд тантай хахасаха дурагүйл, – гэжэ шаналан уйлаба.

4 Хаан түрэнүүд 16:7

Ахааз элшэдээ Ассириин хаан Тиглаат-Пилэсээртэ эльгээхэдээ: – Би барлагшни, эсэгэмни байһандал шамда хандадагби! Ерэ, намайе минии дайсад болоһон Араамай хаанай, Израилиин хаанай гарһаа абара, – гэжэ захиба.

4 Хаан түрэнүүд 5:13

Өөрынь һахюулшадһаа хүнүүд тэрээндэ ерээд: – Эсэгэ манай, лүндэншын танда бэрхэшээлтэй юумэ хэ гэжэ хэлээ һаань, хэлэгшыень бэелүүлхэгүй һэн гүт? «Шунга, элдиншни сэбэрлэгдэхэ» гэжэл юрэ тэрэ хэлээ ха юм, – гэжэ байжа аргадабад.

4 Хаан түрэнүүд 5:5

Тиихэдэнь Араамай хаан Наамаанда иигэжэ хэлэбэ: – Тиигэбэл, ши яба. Би шамда Израилиин хаанда бэшэһэн бэшэг үгэхэб. Наамаан арбан талаант сэбэр мүнгэ, зургаа мянган шээкэл алта, һэлгэжэ үмдэхэ арбан хубсаһа абаад, аян замда гараба.

4 Хаан түрэнүүд 6:21

Израилиин хаан тэдэниие хараад: – Эсэгэ минии, би эдэниие алахамни гү? – гэжэ Элишааһаа һураба.

Экклезиаст 3:6

бэдэрхэ олохо саг ба гээхэ хаяха саг; хадагалха гамнаха саг ба хаяха алдаха саг;

Филимондо 1:14

Гэхэдээ би шинии зүбшөөлгүйгөөр юумэ шиидэхэеэ хүсөөгүйб. Баалалтагүйгөөр, харин өөрынгөө һайн дураар һайн хэрэг бүтээбэлшни намда һайшаагдаха һэн.

1 Хаан түрэнүүд 25:8

Өөрынгөө зарасанарһаа асуубалтнай, тэдэ тиигэжэ хэлэхэ. Тиимэһээ минии залуушуулда үршөөл хайра үзүүлыт. Мүнөөдэр һайн үдэр. Бидэ, богоолнуудтаа, танай хүбүүн болохо Давидта арга шадалаараа юушье һаа, үгыт», – гэжэ хэлээрэйгты.

1 Хаан түрэнүүд 9:7

Саул зарасадаа: – Бидэ ошоо һаа, тэрэ хүндэ юу абаашажа үгэхэбибди? Манай сумаануудта эдеэншье дууһанхай. Бурханай хүндэ бариха бэлэгшье байхагүй. Бидэндэ юун бииб? – гэбэ.