4 Хаан түрэнүүд 8:16 - Библи

¹⁶ Израилиин хаан Ахаабай хүбүүн Ёраамай табан жэлдэ хаан байхада, тиихэдэ Ёшапаадай Иудын хан түрые захиржа байхада, Ёшапаадай хүбүүн Иораам Иудын хаан болобо.

4 Хаан түрэнүүд 8:16 ပူးပေါင်းရင်းမြစ်များ

3 Хаан түрэнүүд 22:42

Ёшапаат гушан табатайдаа хаанай шэрээдэ һуужа, Иерусалимда хорин табан жэлэй туршада хааншалаа. Эхэнь Шилхиигэй басаган Азубаа бэлэй.

3 Хаан түрэнүүд 22:44

Ёшапаат Израилиин хаантай амгалан тайбан байха тушаа хэлсээ баталаа.

3 Хаан түрэнүүд 22:50

Ёшапаат наһа баража, элинсэг хулинсагтаяа хамта Давидай хото соо хүдөөлүүлэгдөө һэн. Тэрэнэй орондо Иораам хүбүүниинь хаан шэрээдэ заларба.

3 Хаан түрэнүүд 22:51

Иудын хаан Ёшапаадай арбан долоодохи жэлээ хааншалха үедэ Ахаабай хүбүүн Ахазияа Самарида Израилиин хаан болоһон юм. Тэрэ Израилиие хоёр жэл соо хааншалхадаа,

4 Хаан түрэнүүд 1:17

Ахазияа Эзэнэй Элияада айладаһан аргаар үхэбэ. Тэрэнэй хүбүүгүй байһан тула Ёраам хаан болобо. Ёшапаадай хүбүүн Иораамай Иудын хан шэрээдэ хоёр жэл һуугаад байхада энэ ушар болоо.

4 Хаан түрэнүүд 11:2

Иораам хаанай басаган, Ахазияагай эгэшэ Ёшэбаа алуулха хуби заяатай байһан хаанай хүбүүдэй дундаһаа Ёһаашые нюусаар хулуужа абарба, тэжээһэн эхэтэйнь хамта өөрынгөө унталгын таһалгада асаржа хоргодуулба. Тиигэжэ Ёшэбаа Ёһаашые Атаалияаһаа нюужа, тэрэ амиды мэндэ үлөө бэлэй.

4 Хаан түрэнүүд 3:1

Иудын хаан Ёшапаадай арбан наймадахи жэлээ хан түрэеэ засаглажа байхада, Ахаабай хүбүүн Ёраам Самарида Израилиин хаан боложо, арбан хоёр жэлдэ хан шэрээдэ һууба.

4 Хаан түрэнүүд 8:25

Израилиин хаан Ахаабай хүбүүн Ёраамай арбан хоёр жэлдэ хан түрэеэ барижа байхада, Иораамай хүбүүн Ахазияа Иудын хаан болобо.

2 Угай бэшэг 22:1

Арааб арадай сэрэг Иудын урдаһаа дайлалдажа байхадаа, Иораамай бүхы хүбүүдые алаһан байгаа. Гансал бага хүбүүниинь Ахазияа амиды үлөө һэн. Тиимэһээ Иерусалимай улад зон Ахазияа гэгшые хаан шэрээдэ дэбжэн һуулгаба.