4 Хаан түрэнүүд 8:12 - Библи

¹² Хазаһээл тэрээндэ хандажа: – Та юундэ уйланат? – гэжэ һураба. – Юундэб гэхэдэ, би мэдэнэб, – гэжэ Элишаа харюусажа эхилбэ. – Ши израильшуудта ехэ уйдхар асарха байнаш. Ши тэдэнэй хэрэмүүдые үнэһэн тоборог болготор галдахаш, ши тэдэнэй эдиршүүлтэй элдээрээ тэмсэхэш, балшар багашуулыень хэсэг болотор сабшахаш, жэрмэһэн эхэнэрнүүдэйнь гэдэһые гаргахаш.

4 Хаан түрэнүүд 8:12 ပူးပေါင်းရင်းမြစ်များ

3 Хаан түрэнүүд 18:13

Изээбэлэй Эзэнэй лүндэншэдые алажа байхада, зуун лүндэншые таби табяар агы нүхэн соо минии хоргодуулжа, эдеэ, ундаар хангадаг байһан тушаа танда мэдээжэ гү?

3 Хаан түрэнүүд 19:17

Хазаһээлэй һэлмэһээ зугадаһан хүн Еһүүгэй гарта орожо үхэхэ. Еһүүгэй һэлмэһээ зугадагша хүн Элишаагай гарта орожо үхэхэ.

4 Хаан түрэнүүд 12:17

Тэрэ сагта Араамай хаан Хазаһээл дайшалхы аяншалга гаргажа, Гаадые добтолон абаба. Тиигээд тэрэ Иерусалимые булимтаран абахаяа һанаашалба.

4 Хаан түрэнүүд 12:18

Тиихэдэнь Иудын хаан Ёһааш Иудын хаашуул байһан Ёшапаат, Иораам болон Ахазияа гэжэ үбгэ эсэгэнэрэйнгээ һүмэдэ зорюулжа үргэһэн бүхы алта мүнгыень Эзэнэй һүмын ба хаанай ордоной дараануудһаа оложо, тэдэнээ Араамай хаан Хазаһээлдэ эльгээбэ. Тиихэдэнь Хазаһээл Иерусалимда добтолон орохоёо болибо.

4 Хаан түрэнүүд 13:22

Ёахаазай хан түрэеэ засаглажа байхада, Араамай хаан Хазаһээл дайгаар добтолжо, Израилиие дарамталжа байба.

4 Хаан түрэнүүд 13:3

Тиихэдэнь Эзэн Израильда сухалдаад, тэрэниие Араамай хаан Хазаһээлэй ба Хазаһээлэй хүбүүн Бэн-Һадаадай гарта удаанаар үгэбэ.

4 Хаан түрэнүүд 13:7

Ёахаазай сэрэгүүд үгы хэгдэбэ: оройдоол табин морито сэрэгшэд, арбан дайшалхы тэргэ, арба мянган ябаган сэрэгшэд үлэбэ. Араамай хаан израильшуудые үй бута сохижо, харгын тооһон мэтээр тэдэниие дэбһэжэ байба.

4 Хаан түрэнүүд 15:16

Тэрэнэй урда хотынгоо хаалта үүдые нээгээгүйн түлөө Мэнааһэм Таппууһаа хотые, тэрэ хотынхидые бултыень үгы хээд, Тирцаа хүрэтэрхи бүхы газар дайдые хооһоруулба. Тиихэдээ Мэнааһэм тэрэ хотодо байһан бүхы жэрмэһэн эхэнэрнүүдэй гэдэһые хаха зүһэжэ, зэрлиг муухайгаар алаба.

4 Хаан түрэнүүд 4:28

Тэрэ эхэнэр иигэжэ хэлэбэ: – Эзэн минии, би шамһаа хүбүү эреэ һэн гүб? «Намайе бү мэхэлэ» гэжэ би шамда хэлээ бэшэ гүб?

Исай 13:16

Хараһаар байтарынь нарай үхи хүүгэдынь үхэтэрөө сохюулха, гэр байрануудынь тоногдохо, һамгадынь хүсөөр эдлүүлэгдэхэ.

Исай 13:18

Тэдэ һурша номоороо залуу зониие хюдаха, нялхануудыешье хайрлахагүй, хүүгэдые хайрлаха гэжэ тэдээндэ үгы».

Һошээ 10:14

Хүл үймөөн арад зонойтнай дунда үзэгдэжэ, дайн дажарай нэгэ үдэр Бэт-Арбээлые Шалмаанай һандаргаһандал, эхын хүүгэдтэеэ хамта алуулһандал, танай хэрэм хотонууд һандаргагдаха.

Һошээ 14:1

Минии урдаһаа буһалгаалһанайнгаа түлөө Самари усадхагдаха. Улад зониинь һэлмээр сабшагдаха, нарай нялхануудынь тэһэ хаюулагдаха, хээлитэй эхэнэрнүүдынь хаха зүһэгдэхэ.

Амоос 1:13

Эзэн иигэжэ айладхаа: Аммоон улад зон гэмээ нэмээһээр. Шиидхэһэнээ Би болюулхагүйб. Хилэеэ үргэдхэхын тула хээлитэй эхэнэрнүүдэй гэдэһые Галаадта сүйжэ байһандань

Наум 3:10

Теэд тэрэшье сүлэлгэ руу туугдан ошоо, баряанда ябаа. Нарай нялхануудыньшье гудамжануудай уулзуур дээрэ тэһэ биса сохюулжа алуулаа, хаанай уг удам зониинь үнэ сэн хаюулан, худалдагдаа, бүхы түшэмэлнүүдынь гэнжэлэгдээ.