4 Хаан түрэнүүд 8:1 - Библи

¹ Элишаа үхэһэн хүбүүень амидыруулагша эхэнэртэ хандажа: – Ши өөрынгөө гэр бүлэтэй хамта аян замда түхеэрэ, ажамидарха нютаг хаана нэгэ тээ бэдэржэ оло. Юуб гэхэдэ, Эзэн долоон жэл соо энэ хизаарта үлэн хооһон байдал заяагаа, – гэжэ хэлэбэ.

4 Хаан түрэнүүд 8:1 ပူးပေါင်းရင်းမြစ်များ

Эхин 12:10

Энэ нютагта үлэн хооһон байдал тохёолдоо һэн. Тиимэһээ Абрам үшөө саашалан, Египет руу түр зуура байха газар бэдэрбэ.

Эхин 26:1

Абраһаамай амиды мэндэ байха үедэ орон нютагтань ехэ ган гасуур болоо. Тэрэнэй наһа бараһанай удаа дахин ган гасуур тохёолдожо, үлэсхэлэн хооһон байдалай үзэгдэхэдэ, Исаак пилишт яһатанай Гэраар хото руу ошожо, Пилишт орон нютагай хаан Абимээлэхэй хажууда ерэжэ байрлаба.

Эхин 41:25

Иосиф хаанда иигэжэ хэлэбэ: – Эдэ хоёр зүүдэн нэгэл удхатай зүүдэн. Бурхан хэхэ гэжэ байгаа үйлэ хэрэгээ танда зүүдээр харуулба гээшэ.

Эхин 41:32

Харин энэ зүүдэн хоёр дахин юундэ танда харагдааб гэбэл, Бурхан энэ ерээдүйе сэхэ хараалаад, һаяар тэрэнээ бэелүүлхэеэ байна.

Эхин 41:54

Иосифой уридшалан хэлэһэнэй ёһоор, саашадаа үлэн хооһон долоон жэл ерэбэ. Энэ үлэн хооһон саг хамаг гүрэн орондо тохёолдобо, зүгөөр Египедтэл нөөсэлһэн талха таряан байжа, зон ядарбагүй.

Эхин 47:4

Тиигээд тэдэ эзэн хаанда иигэжэ хандаба: – Манай Ханаһаан нютагта үлэсхэлэн хооһон байдал тохёолдоо. Ган гасуурһаа уршагтажа, малай бэлшээри үгы болоод байна. Тиихэдэнь бидэ танай нютаг руу нүүжэ ерэһэн ушарһаа ядуухан бидэнэртэ Гоошэн гэдэг нютагта ажаһууха зүбшөөл үгэхыетнай гуйнабди.

2 Хаан түрэнүүд 21:1

Давидай хаан түрэеэ зонхилхо үедэнь үлэсхэлэн хооһон гурбан жэл хойно хойноһоо тохёолдобо. Тиихэдэнь Давид Эзэнһээ ушар шалтагааниинь һурагшалба. Эзэн иигэжэ айладхаба: – Саул болон тэрэнэй гэр бүлэ зоной шуһа урдахуулһандаа зэмэтэй. Тэрэ Гибэһооной хүнүүдые алаа.

2 Хаан түрэнүүд 24:13

Гаад Давид руу ошожо, асууба: – Юу шэлэхэбта? Орон нютагтатнай гурбан жэл үлэсхэлэн хооһон байдал тохёолдог гү? Үгы һаа, дайсадтнай таниие мүрдэн мүшхэжэ, та тэдээнһээ гурбан һарын туршада тэрьедэн байха гүт? Үгышье һаа, орон нютагтатнай гурбан үдэрэй туршада тахал үбшэн дэлгэрхэнь гү? Энээн тушаа бодоод, намайе эльгээһэн Бурханда минии ямар харюу бусаахые хэлээрэйгты.

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:2

Элияа Ахаабтай уулзахаяа ошобо. Самарида үлэсхэлэн хооһон байдал шангадаад байгаа.

4 Хаан түрэнүүд 4:18

Тэрэнэй хүбүүн томожобо. Нэгэтэ тэрэ хүбүүхэн таряа хадажа байһан өөрынгөө эсэгэдэ ошобо.

4 Хаан түрэнүүд 4:36

Тиигээд Элишаа Гэһаазиие дуудажа ерүүлээд: – Тэрэ Шүнээмэй эхэнэрые дууда! – гэжэ захирба. Гэһаази Шүнээмэй эхэнэрые дуудаба. Тэрэ эхэнэр тэдэнэй байһан таһалгада оробо. – Өөрынгөө үхибүүе аба, – гэжэ Элишаа тэрэ эхэнэртэ хэлэбэ.

4 Хаан түрэнүүд 4:38

Элишаа Гилгаал бусаба. Тиихэдэ бүхы орон дотор үлэн хооһон байдал ушараад байба. Лүндэншэдэй зүблэлэй гэшүүд Элишаае тойрон сугларба. – Томо тогоо гал дээрэ табяад, бултанда шэнгэн эдеэ шана, – гэжэ Элишаа Гэһаази зарасадаа хэлэбэ.

4 Хаан түрэнүүд 7:20

Тиигээд лэ Элишаагай хэлэһэн айладхал хүсэлдэжэ, олон зон хотын хаалта үүдэнэй дэргэдэ тэрэниие дайража унагаагаад, үхэтэрынь гэшхээ юм.

4 Хаан түрэнүүд 8:2

Тэрэ эхэнэр Бурханай хүнэй хэлэһэн үгые дуулажа, гэр бүлэеэ абаад, пилиштүүдэй орон нютагта байха газар оложо, тэндэ долоон жэлдэ ажаһууба.

Псалманууд 105:16

Хотон хүреэндэ байхадаа тэдэ Моисейдэ болон Эзэнэй гэгээн хүн Аһароондо атаархаа.

Ерэмияа 25:29

Өөрын хото соо гай тодхор үйлэдэжэ эхилхэдэмни тэдэ хэһээлтэ амасангүй үлэхэ гэжэ гү? Үгы. Тэдэ хэһээгдэхэ, юуб гэхэдэ, дэлхэйн бүхы улад зоной урдаһаа Би дайн дажар эльгээхэм. Энэ болбол Би, Түмэн Сэрэгтэ Эзэн, айладхана мүн!

Левит 26:26

Хилээмэгүй болгохоб. Нэгэ пеэшэн соо арбан һамгад танда хилээмэ бариха, хилээмэ таанадта шэгнээд үгэхэ, таанад тэрэ хилээмэ эдеэд, садахагүйт.

Амоос 4:6

Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Хаггай 1:11

Ган гасуурые Би дуудааб! Газар руу – хадануудта, таряалангуудта, үзэмэй модоной сэсэрлигтэ, оливын мододто, – юрэдөө, газарай ургуулдаг бүхы юумэндэ, хүн зондо, мал адууһанда, хүнэй хэдэг бүхы ажалда.

Лука 21:11

Аймшагтайгаар газар хүдэлхэ, зарим газарта үхэл тахал, үлэсхэлэн зоболон дэлгэрхэ. Һүртэй үзэгдэлнүүд, муу ёрото тэмдэгүүд тэнгэридэ үзэгдэхэ.

Лука 21:22

Юундэб гэхэдэ, Нангин Бэшэг соо хэлэгдэһэн ёһоор тэрэ «Хэһээлтын үдэрнүүд» байха юм.

Лука 4:25

Таанадта нэгэ иимэ ушар хөөрэһүү: лүндэншэ Элияагай ажамидарха үедэ Израильда олон бэлбэһэн эхэнэрнүүд байгаа, тиихэдэ гурбан жэл хахад хура бороо оронгүй, ехэ ган боложо, хүнүүд хаа хаанагүй айхабтар ехэ үлэсхэлэндэ нэрбэгдэһэн юм.

Хэрэгүүд 11:28

Агааб гэжэ нэрэтэй тэдэнэй нэгэн бодожо, бүхы газар дэлхэйдэ ехэ үлэсхэлэн болохо гэжэ Арюун Һүлдын ашаар уридшалан хэлэбэ. Тиимэ үлэсхэлэн Клавдий хаанай захирха үедэ болоо һэн.

Рүүт 1:1

Израилиие хаашуулай захиран зонхилхо үе сагһаа урид тэрэ орондо үлэсхэлэн хооһон байдал тохёолдоо бэлэй. Иудадахи Бэтлэһээм хотын нэгэ хүн һамгантаяа, хоёр хүбүүдтэеэ хамта Моһаабай нютаг руу ажаһуухаар ябаба.