4 Хаан түрэнүүд 7:16 - Библи

¹⁶ Арад зон хотоһоо гаража, Араамай сэрэгэй хүреэниие тонохоёо ошобо. Нэгэ сатаа шиниисын гурил нэгэ шээкэлээр, хоёр сатаа ешмээнэй гурил нэгэ шээкэлээр худалдабад. Эзэнэй хэлэһэн үгэ бэелүүлэгдэбэ.

4 Хаан түрэнүүд 7:16 ပူးပေါင်းရင်းမြစ်များ

4 Хаан түрэнүүд 7:1

Элишаа арад зондо хандажа: – Эзэнэй үгэ шагнагты! Эзэн иигэжэ хэлэнэ: Үглөөдэр Самариин хаалта үүдэнэй дэргэдэ нэгэ сатаа шэниисын гурил нэгэ шээкэлээр, хоёр сатаа ешмээнэй гурил нэгэ шээкэлээр худалдагдахань, – гэжэ соносхобо.

4 Хаан түрэнүүд 7:15

Тэдэнэр Иордан ошохо замдаа яаралтайгаар тэрьедэһэн Араамай сэрэгшэдэй хаяһан хубсаһан болон зэр зэбсэгүүдэй газарта хэбтэхые харабад. Тэдэнэр Самаридаа бусажа, бүхы хараһан юумэнүүдээ хаандаа хөөрэбэд.

2 Угай бэшэг 20:25

Ёшапаат түшэмэлнүүдтэеэ хамта олзо оложо абаашахаяа ерэхэдээ, угаа ехэ эд зөөри, мал адууһа, хубсаһа хунар ба бусад үнэтэй зөөри оложо, гурбан үдэрэй туршада абаашаашье хадаа бултыень абаашажа шадабагүй.

Псалманууд 68:12

Гашуудалай хубсаһа үмдэжэ, ябаган зугаа болооб.

Псалманууд 68:13

Хотын бартаануудай хажууда нам тухай хэлсэнэ, һогтуу зоной дуун соо дурдагданаб.

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 33:23

Аргамжануудтнай һула болоо, далбагын модо баринагүй, далбагануудые татаха арга байхагүй. Баян эд баялиг хубаарилагдаха, дохолоншье хүн зөөри буляан абахал.

Исай 33:4

Таршаа шумуулдал адляар, танай дундаһаа олзо суглуулаа бэлэй, таршаа шумуулдал адли, тэрэ олзо руу шуумайгаа бэлэй!

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

1 Хаан түрэнүүд 17:53

Израильшууд пилиштүүдые намнахаяа болин бусажа, тэдэнэй хотон хүреэниие дээрмэдэбэ.