4 Хаан түрэнүүд 5:7 - Библи

⁷ Израилиин хаан тэрэ бэшэг уншамсаараа, өөрынгөө хубсаһые таһар удар шуулаад: – Би үхүүлдэг, амидыруулдаг Бурхан гээшэ аалби? Энэ хүнэй элдиниие арилга гэжэ Араамай хаан намда бэшэнэл! Өөһэдөөшье бодоод үзэгты, өөһэдөөшье харагты! Араамай хаан намтай хэрэлдэхэ арга мэхэ гаргажа байнал! – гэжэ хэлэбэ.

4 Хаан түрэнүүд 5:7 ပူးပေါင်းရင်းမြစ်များ

Эхин 30:2

Зүгөөр Яков уурлажа, тэрээндэ харюусаба: – Би Бурхан юм гүб? Би шамайе хүүгэдгүй болгоо юм гүб?

Эхин 37:29

Рэүбээн бусажа, худаг руу тонгойжо харахадаа, Иосифой үгы байһаниие обёоржо, хубсаһаа урижа, уйлан шаналба.

Эхин 50:19

– Бү айгты намһаа, – гэбэ Иосиф. – Би зарга шиидхэдэг Бурхан бэшэб.

2 Хаан түрэнүүд 1:11

Давид гашуудалда абтан, хубсаһаяа уриба, тэрээнтэй хамта байһан бүхы зон мүн лэ тиибэ.

3 Хаан түрэнүүд 20:7

Израилиин хаан орон нютагайнгаа бүхы удамаршадые суглуулаад, иигэжэ хэлэбэ: – Харыт, Бэн-Һадаад урдаһаамнай муу хэрэг түсэблөөд байна. Һамгадыем, хүбүүдыем, алта мүнгыем хуряан абахам гэхэдэнь, би арсаагүй бэлэйлби!

4 Хаан түрэнүүд 11:14

Атаалияа хаашуулай зогсодог баханануудай хажууда ёһо гуримай дагуу зогсоһон хааниие, сэрэгэй дарганарые, эбэр бүреэнүүдые үлеэгшэдые болон хүхилдэн байһан арад зониие хараад, эбэр бүреэнүүдэй хүнхинэн зэдэлхые шагнаад, хубсаһаяа таһар удхар шууламсаараа: – Урбалта! Урбалта! – гэжэ хашхарба.

4 Хаан түрэнүүд 18:37

Ордоной эрхилэгшэ Хилкияагай хүбүүн Элиакиим, бэшээшэ Шэбнаа, тунхаг зарлагша Асаапай хүбүүн Ёһаа уйдхар гашуудалаа мэдүүлжэ, өөһэдынгөө хубсаһа хахар – шуур татаад, Хэзэкияада ерэжэ, Ассириин түшэмэл ноёной хэлэһэн бүхы үгэнүүдые дамжуулба.

4 Хаан түрэнүүд 5:6

Тэрэ Израилиин хаанда ерээд, иимэ бэшэгтэй бэшэгээ үгэбэ: «…Би энэ бэшэгтэйгээр шамда өөрынгөө үнэн сэхэ зараса Наамааниие эльгээбэб. Энэ бэшэг абамсаараа, энээнэй элдин үбшые арилгыш даа».

Ерэмияа 36:24

Эдэ бүгэдые дуулаһан хаан, мүн түшэмэлнүүдэйнь хэншье айбагүй, гашуудабагүй.

Даниил 2:11

Үндэр түрэлтэ хаанай асуужа байгаа зүйлдэ гансал бурхад харюу мэдэхэ. Харин тэдэ зоной дунда ажамидардаггүй шуу, – гэжэ харюусаба.

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Тоололго 14:6

Орон нютагые шэнжэлэн шалгажа ерэһэн Нүүнэй хүбүүн Иисүүс, Епуннээгэй хүбүүн Халээб тэндэ сугларагшадта гай гасалангаа мэдүүлжэ, үмдэжэ ябаһан хубсаһаа хахар шуу татаад,

Матвей 26:65

Тиихэдэнь ахамад санаарта хубсаһаяа шуу татаад: – Энэтнай Бурханиие доромжолжо байна! Бидэндэ үшөө ямар гэршэ хэрэгтэйб? Мүнөө һая энээнэй Бурханиие доромжолхыень дуулабат!

Лука 11:54

буруу юумэ хэлүүлжэ бариха арга боломжонуудые бэдэрдэг болобо.

Хэрэгүүд 14:14

Барнааба Павел хоёр энээн тухай дуулахадаа, хубсаһа хунараа шуу татажа, зондо гүйжэ ошоод, тэдэниие хорин хашхаралдабад:

Хуули дабталга 32:29

Ухаатай гээшэ һаа, тэдэнэр тэдээнтэй юунэй болохоёо байһыень ойлгохо бэлэйл.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

1 Хаан түрэнүүд 2:6

Эзэн үхүүлдэг ба амидыруулдаг. Тэрэ үхэлэй орон руу эльгээдэг ба үргэн гаргадаг.