4 Хаан түрэнүүд 5:18 - Библи

¹⁸ Эзэн намайе, танай барлагые гансал нэгэ юумэндэ хүлисэг. Эзэнэйнгээ Риммоон һүмэдэ мүргэхэеэ ошоходо, би тэрэниие үдэшэжэ, гарһаань дүнгөөд ябагшаб. Тиимэһээ тэрэ һүмэ соо мүргэхэ баатай бологшоб. Эзэн танай барлаг намайе энэ ябадалыемни хүлисэхэ болтогой, – гэжэ хэлэбэ.

4 Хаан түрэнүүд 5:18 ပူးပေါင်းရင်းမြစ်များ

3 Хаан түрэнүүд 19:18

Гэбэшье Би долоо мянган хүниие Израильда амиды мэндэ үлөөгөөб. Тэдэ бултадаа Баалда һүгэдөөгүй, тэрэниие үнсэн таалаагүй, – гэжэ Эзэн айладаба.

4 Хаан түрэнүүд 17:35

Эзэн тэдэнэртэй үнэн сэхэ байха тухай хэлсээ баталжа: – Ондоо бурхануудта бү ёһологты, бү мүргэгты, тэдээндэ үргэл бү хэгты.

4 Хаан түрэнүүд 7:17

Хаан бэе хамгаалуулагшадай үнөөхи даргые хотын хаалта үүдые харууһалхыень томилбо. Арад зон хотын хаалта үүдэндэ тэрэниие түлхи дайража унагаагаад, дээгүүрнь гэшхэжэ гараба. Тиихэдэнь тэрэ дарга наһа бараба. Эдэ бүхы аюулнууд Элишаагай гэртэ хаанай ерэхэдэ, Бурханай хүнэй уридшалан хэлэгшээр үнгэрбэ.

4 Хаан түрэнүүд 7:2

Бэеынь хамгаалагшадай дарга хааниие гарһаань дүнгөөд, үдэшэжэ ябахадаа: – Тэнгэриин хаабариие Эзэнэй нээгээшье хада, шинии айладхал бэелүүлэгдэхэгүй! – гэжэ Бурханай хүндэ хэлэбэ. – Ши хоёр нюдөөрөө харахаш, зүгөөр ши тэрээнһээ ама хүрэхэгүйш! – гэжэ Элишаа тэрээндэ хэлэбэ.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Ерэмияа 50:20

Тэрэ үе сагта Израильда ямаршье нүгэл, Иудын хан түрэдэ ямаршье гэм буруу олдохогүй. Юуб гэхэдэ, амиды мэндэ үлөөһэн зониие Би хүлисэхэб. Энэ болбол Би, Эзэн, айладхана мүн!

Тоололго 21:15

болон хүнхэрнүүд, Шэбээт-Аар тээшэ зурын һунадаг хүнхэрнүүдэй дээрэхи хаданууд булта барандаа Моһаабай хилэнүүд.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.