4 Хаан түрэнүүд 5:16 - Библи

¹⁶ Элишаа тэрээндэ хандажа: – Би шүтэн мүргэжэ, алба хэжэ байдаг Эзэнэй зүгһөө тангариглажа, шамһаа бэлэг абахагүйб, – гэжэ хэлэбэ. Наамаан бэлэг абахыень Элишаае баалаба. Теэд Элишаа тэрэнэй бэлэгһээ арсаба.

4 Хаан түрэнүүд 5:16 ပူးပေါင်းရင်းမြစ်များ

3 Хаан түрэнүүд 13:8

Харин тэрэ хаанда иигэжэ харюусаба: – Өөрынгөө ордоной хахадыеньшье үгөө һаатнай, би тантай ошохогүйб, энэ газарта эдеэ хоол эдихэгүйб, уһа уухагүйб.

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:15

Элияа хэлэбэ: – Минии шүтэдэг Түмэн Сэрэгтэ Эзэнэй нэрээр тангаригланаб! Мүнөөдэртөөл би хаанда харагдахаб.

4 Хаан түрэнүүд 3:14

Элишаа тэрээндэ иигэжэ хэлэбэ: – Би шүтэн мүргэжэ алба хэдэг, Түмэн Сэрэгтэ Эзэнэй зүгһөө тангаригланаб. Хэрбэеэ би Иудын хаан Ёшапаадые хүндэлөөгүй һаа, би шамайе харахашьегүй байгааб.

4 Хаан түрэнүүд 5:20

Бурханай хүн гэжэ тоологдодог Элишаагай зараса Гэһаази: «Минии эзэн араам Наамаанай асарһан бэлэгые абабагүй. Эзэнтэй хамта тангаригланаб. Би тэрэниие хүсэжэ, юушье һаань, абаха ёһотойб», – гэжэ сэдьхээд,

4 Хаан түрэнүүд 5:26

Элишаа тэрээндэ олиггүй сухалтайгаар: – Минии һүлдэ шамайе дахажа, тэрэ хүнэй дайшалхы тэргэһээн буугаад, шамайе угтахые хараагүй гэжэ һанана гүш? Мүнөө мүнгэ алтатай, хубсаһатай, оливын ба уһан жэмэсэй тужануудтай, үхэр малтай, эрэ ба эмэ барлагуудтай болоһойб гэжэ һанаха саг бэшэ!

Даниил 5:17

Даниил хаанда: – Бэлэг-сэлэг шамдаа үлэг, шагнал ондоо зондо үгөөрэй. Бэшээшые би шамда миинтээр уншажа, удхыень тайлбарилжа үгэхэб.

Матвей 10:8

Үбшэн хүнүүдые эдэгээгты, үхэһэн хүнүүдые амидыруулагты, һэлхэ бузар үбшэнтэниие арюудхагты, ада шүдхэрнүүдые намнажа гаргагты. Таанад түлөөһэгүй абаһанаа түлөөһэгүй үгэжэ байгты.

Коринфынхидтэ 1-дэхи 6:12

Бидэ ямаршье юумэ хэхэ эрхэтэйбди гэжэ зарим хүнүүд хэлэхэ, теэд бүхы юумэн таанадта аша туһатай бэшэ. Би ямаршье юумэ хэхэ эрхэтэйб гэжэ хэлэхэб, теэд би алишье юумэнэй барлагынь болохогүйб.

Коринфынхидтэ 2-дохи 12:14

Гурбадахияа таанадтай ошожо уулзахаяа би бэлэн байнаб, тиихэдээ ашаан болохогүйб. Би алта мүнгэндэтнай һанаарханагүйб, харин өөһэдыетнай бэдэрнэб. Үхибүүд аба эжыдээ алта мүнгэ суглуулха бэшэ, харин аба эжынь үхибүүдтээ суглуулжа байха ёһотой.