4 Хаан түрэнүүд 3:7 - Библи

⁷ – Моһаабай хаан минии урдаһаа эсэргүүсэн бодобо. Ши намтай хамта моһаабуудтай тулалдахаяа ошохо гүш? – гэжэ хэлэхэ захяатайгаар элшэдээ Иудын хаанда эльгээбэ. – Би шамтай ошолдохоб. Ши, шинии сэрэг, шинии морид хайшаа зориноб, би, минии сэрэг, минии морид тиишээ зорихо, – гэжэ Ёшапаат харюусаба.

4 Хаан түрэнүүд 3:7 ပူးပေါင်းရင်းမြစ်များ

3 Хаан түрэнүүд 22:4

Тиигээд тэрэ: – Галаадай Рамоодто добтолхоёо намтай хамта гараха гүш? – гэжэ Ёшапаадһаа асуугаа бэлэй. Тиихэдэнь Ёшапаат Израилиин хаанда: – Ши хайшаа ябахабши, бишье тиишээ ябахаб. Минии сэрэг шинии сэрэгэй хойноһоо ябаха, минии морид шинии моридой хойноһоо зорихо, – гэбэ.

4 Хаан түрэнүүд 13:20

Элишаа наһа бараба. Тэрэниие хүдөөлүүлбэ. Тэрэ сагта үй түмэн моһаабууд жэл бүхэндэ дайгаар добтолон орожо, израильшуудые намнадаг байба.

4 Хаан түрэнүүд 3:6

Ёраам хаан Самариһаа гаража, Израилиин сэрэгүүдые суглуулаад:

4 Хаан түрэнүүд 3:8

Ёшапаат Ёраамһаа иигэжэ һураба: – Бидэ ямар харгыгаар ошохобибди? – Бидэ Эдоомой сүл губиие гаталха ёһотойбди, – гэжэ Ёраам харюусаба.

4 Хаан түрэнүүд 3:9

Израилиин хаан Иудын болон Эдоомой хаашуултай хамта гараба. Тэдэнэр долоон үдэр тойруу замаар ябабад. Сэрэгшэдтэнь ба тэдэнэй хойноһоо туужа ябаһан үхэр малдань хүрэхэ уһан багадаба.

2 Угай бэшэг 18:3

– Галаадай Рамоодто добтолхоёо намтай хамта гараха гүш? – гэжэ Израилиин хаан Ахааб Иудын хаан Ёшапаадһаа асуугаа бэлэй. Тиихэдэнь Ёшапаат Израилиин хаанда: – Ши хайшаа ябахабши, бишье тиишээ ябахаб. Минии сэрэг шинии сэрэгэй хойноһоо ябаха. Би шамтай хамта дайнда ябахаб! – гэжэ харюусаба.

2 Угай бэшэг 19:2

Ханааниин хүбүүн, лүндэншэ Еһүү тэрээндэ дайралдажа, иигэжэ хэлэбэ: – Муу хүндэ туһалжа байһанайш тула, Эзэниие үзэн ядадаг зонтой үелжэ байһанайш тула Эзэн шамда угаа уурлажа байна!