4 Хаан түрэнүүд 24:2 - Библи

² Тиихэдэнь Эзэн тэрэниие үгы хэхын тула вавилоонойхидой, араамшуудай, моһаабуудай болон аммоонуудай үй түмэн сэрэгүүдые иудынхидтэ эльгээбэ. Тиигэжэ Өөрынь барлаг болохо лүндэншэдээр айладаһан Эзэнэй үгэ бэелүүлэгдэбэ.

4 Хаан түрэнүүд 24:2 ပူးပေါင်းရင်းမြစ်များ

4 Хаан түрэнүүд 20:17

Ордон соо байгаа бүхы юумэн, үбгэ эсэгэнэрэйтнай энэ болотор суглуулһан бүхы зөөри Вавилоон руу абаашагдаха үдэрнүүд заабол ерэхэ. Эндэ юуншье үлэхэгүй.

4 Хаан түрэнүүд 22:16

«Удахагүй, тон һаядаа Би энэ хотодо, тэндэхи хүнүүдтэ гай тодхор эльгээхэб. Иудын хаанай уншаһан ном соохи бэшэлгэ бүхыдөө бэелүүлэгдэхэ.

4 Хаан түрэнүүд 23:27

Эзэн иигэжэ хэлэнэ: – Би Израилиие газар дайда дээрэһээнь намнагшадал тон адляар иудынхидые баһал Өөрынгөө нюдэнһөө холодхон намнахаб! Би шэлэгшэ Иерусалим хотоһоо арсахаб! Би яагаад израильшуудые Өөрһөө холодхон намнаабиб, эгээл тэрээн шэнгеэр иудынхидые намнахаб! Минии шэлэгшэ хото – Иерусалимһаа арсахаб! «Эндэ Минии нэрэ оршохо» гэжэ хэлэһэн һүмэһөө арсахаб!

4 Хаан түрэнүүд 6:23

Израилиин хаан тэдэниие садатарынь хүндэлөөд, гэртэнь табиба. Садатараа эдеэлһэн тэдэнэр өөһэдынгөө эзэндэ бусабад. Тэрэ үдэрһөө эхилжэ, араамшууд Израильда орохоёо болибо.

2 Угай бэшэг 33:11

Эзэн Ассириин сэрэг тэдээн руу асаруулжа, тэдэ Мэнашшээ гэгшые хүлин уяжа, гэнжэлжэ, Вавилоон руу абаашаба.

Иоов 1:17

Хэлэжэ дүүрээгүй байтарнь, үшөө нэгэ хүн ерэжэ дуулгаба: – Халдей угсаатанай дээрмэшэд гурбан тээһээ добтолжо, ажалшадыеш жадаар хадхажа алаад, тэмээнүүдыетнай буляажа абаа. Би гансаараа амиды үлөөб.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 28:19

Энэ хадаа таанадые дахин-дахин дайран байха. Үглөө бүри, үдэр һүнигүй тэрэ дайран үнгэрхэ. Тэрээн тушаа дуулаһан хүн бүхэн айн-һүрдэн байхал!»

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Ерэмияа 12:9

Мяхаша шубуудта тойруулан тоншуулжа байһан эреэ-маряан шубуун мэтэл шэлэһэн арадни. Ябажа, талын бүхы арьяатаниие суглуулагты! Ерэг, залгиха юумэн олдохол.

Ерэмияа 25:1

Иудын хаан, Ёшияагай хүбүүн Ёякиимэй дүрбэдэхи жэлээ Иудын хан түрэ зонхилжо байха үедэнь Иудын хан түрын бүхы улад зон тушаа мэдээсэл Эзэнһээ би абаа һэм. Энэ хадаа Вавилооной хан түрые Навуходоносорой түрүүшын жэлээ зонхилжо байха үедэнь һэн.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 26:20

Эзэнэй нэрэһээ энэ хотын болон энэ арад үндэһэтэнэй урдаһаа хэлэжэ байһан, Кирьяат-Еариимэй Шэмаяа гэгшын хүбүүн Урияа гэгшэ байһан гэхэ. Тэрэ Ерэмияадал адли иимэ үгэнүүдые хэлэдэг байгаа.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 32:28

Энэ хотые Вавилооной хаан Навуходоносорто, сэрэгтэнь дамжуулхам. Тэдэ тэрэниие эзэмдээд,

Ерэмияа 35:11

Навуходоносорой орон руумнай добтолон ороходо, Вавилооной, Араамай сэрэгһээ тэрьедэн, Иерусалим руу ерээ бэлэйбди.

Ерэмияа 52:28

Навуходоносорой сүлэлгэдэ эльгээһэн зоной тоо бүридхэл гэбэл, энэ: тэрэнэй долоодохи жэлээ хаан шэрээ эзэлжэ байхада, гурба мянга хорин гурбан,

Гашуудал 1:17

Сион гараа һунгана, тэрэниие һатааруулха хэншье байхагүй. Эзэнэй захирхада дайсад Яковые бүһэлөө. Тэдэнэй дунда Иерусалим бузарлагдаһан эхэнэр мэтэ болоо.

Эзэкээл 19:8

Тиихэдэнь бүхы талаһаа үндэһэ яһатад тэрэнэй урдаһаа хамтаржа, урьха тор табиба, иигэжэ арсалан нүхэндэнь орожо баригдаа бэлэй.

Эзэкээл 23:23

Бүхы сэбэр, залуу түшэмэл ноёдые, захирагшадые, алдар суутай зониие, морин сэрэгэй ноёдые Вавилоонһоо, Ассириһээ, Халдейн Пэкоод, Шооһа, Кооһа гэдэг обогуудһаа хамта суглуулан асархаб.

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Аввакуум 1:6

Өөрын бэшэ газар уһа эзэмдэхэеэ дэлхэйн энгээр ябааша Вавилооной хэрзэгы, дошхон арадые Би бодхоохоб.