4 Хаан түрэнүүд 23:3 - Библи

³ Хаан табсан дээрэ зогсоод, Эзэниие дахан ябаха, энэ ном соо бэшээтэй хэлсээнэй үгэнүүдые бэелүүлхын тула һургаал заабаринуудынь, захиралтануудынь, хуули ёһонуудынь бүхы сэдьхэлһээ, үнэнхэ зүрхэнһөө сахин байха тушаа хэлсээ баталба. Арад зон тэрэ хэлсээе тогтоон абаба.

4 Хаан түрэнүүд 23:3 ပူးပေါင်းရင်းမြစ်များ

4 Хаан түрэнүүд 11:14

Атаалияа хаашуулай зогсодог баханануудай хажууда ёһо гуримай дагуу зогсоһон хааниие, сэрэгэй дарганарые, эбэр бүреэнүүдые үлеэгшэдые болон хүхилдэн байһан арад зониие хараад, эбэр бүреэнүүдэй хүнхинэн зэдэлхые шагнаад, хубсаһаяа таһар удхар шууламсаараа: – Урбалта! Урбалта! – гэжэ хашхарба.

4 Хаан түрэнүүд 11:17

Санаарта Ёядаа арад зоноо Эзэнэй арад болгохын тула Эзэндэ үнэн сэхэ байха тухай хэлсээ Эзэнэй болон арад түмэнэй, хаанай хоорондо баталба. Тиигээд хаан эсэгэдэ үнэн сэхээр алба хэхэ тухай хэлсээ хаанай болон арад түмэнэй хоорондо баталба.

2 Угай бэшэг 15:15

Иигэжэ Иудын улад зоной жэншэдгүй Эзэн Бурханда шүтэхэдэ, Тэрэ Өөрыгөө олгуулба. Зон үнэнхэ зүрхэнһөө Тэрээндэ тангариглажа, энээндээ ехэ баяртай байгаа. Эзэн иигэжэ тэдээндэ бүхы талаһаань энхэ тайбан байдал бэлэглээ һэн.

2 Угай бэшэг 23:13

Атаалияа хаашуулай зогсодог баханануудай хажууда үндэр тайзан дээрэ хааниие, сэрэгэй дарганарые, эбэр бүреэ үлеэгшэдые болон хүхилдэн байһан арад зониие хараад, эбэр бүреэнүүдэй хүнхинэн зэдэлхые, хүгжэмэй зэмсэг бариһан дуушадай магтаал дуулаһые шагнаад, хубсаһаяа таһар удхар шууламсаараа: – Урбалта! Урбалта! – гэжэ хашхарба.

2 Угай бэшэг 23:16

Санаарта Ёядаа арад зоноо Эзэнэй арад болгохын тула Эзэндэ үнэн сэхэ байха тухай хэлсээ Эзэнэй болон өөрын, арад түмэнэй, хаанай хоорондо баталба.

2 Угай бэшэг 29:10

Мүнөө би Израилиин Эзэн Бурхантай хэлсээ баталха гэжэ шиидээб, тиихэдэм Тэрэ бидэндэ уурлахаяа болихо аалам.

Эзраа 10:3

Бидэ Бурхантайгаа хэлсээ баталая. Бурханайгаа хуули заршамые һайхашаан хүндэлдэг танай заабари даган, бидэ бултадаа һамгадаа түрэһэн үхибүүдтэйнь түрхэмүүдтэнь ябуулаябди. Тиихэдэ булта хуулита ёһоороо болохол!

Нэхэмьяа 10:1

Өөһэдынгөө тамгануудые табиба гэбэл: Хахальяагай хүбүүн, засаг баригша Нэхэмьяа, харин тиигээд Цэдэкиия,

Нэхэмьяа 5:13

Би хормойгоо һэжэрэн иигэжэ хэлэбэб: – Хэлэһэн үгэеэ дүүргэдэггүй хүнүүдые Бурхан гэр байраһаань, зөөри баялигуудһаань холодуулаг лэ. Иимэ хүн үгырэн хооһорог! Бүхы суглаан дэмжэбэ: – Болтогой! Удаань Бурхандаа магтаал үргэбэ. Тиигээд булта хэлэһэнээ дүүргээ бэлэй.

Нэхэмьяа 9:38

Ушар иимэһээ бидэ хэлсээ бэшэжэ зохёогоод, манай удамаршад, левидүүд, санаартад тэрэниие өөһэдынгөө тамгануудаар баталбад.

Египедһээ гаралга 24:3

Моисей зондоо ерэжэ, Эзэнэй үгэнүүдые болон тогтоолнуудые бүгэдыень хэлэжэ үгэбэ. Арад угсаатаниинь нэгэ хүн шэнги харюусаа: – Эзэнэй үгэ соонь лэ ябахабди.

Экклезиаст 8:2

Бурханай урда үгэһэн тангаригай бии һэн тула хаанай зарлиг сахигты.

Ерэмияа 34:15

Харин мүнөөл таанад гэмшэжэ, Минии урда үнэн шударга байбат: дүтынгөө зониие сүлөөдэ табибат. Минии нэрээр дуудагдадаг Һүмэ соо Минии урда хэлсээгээ баталбат.

Ерэмияа 34:8

Цэдэкиия хаан болон Иерусалимай улад зон эрхэ сүлөө олгуулха тухай хэлсээ баталба.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Хуули дабталга 10:12

Зай, Израилиин арад зон, Эзэн Бурхантнай таанадта гансал эрилтэтэй: Тэрэниие хүндэлэгты, Тэрэнэй зааһан замаар хододоо ябагты, Тэрээндэ дуратай байгты, үнэнхэ зүрхэнһөө Эзэн Бурхандаа һүгэдэгты.

Хуули дабталга 11:13

Хэрбээ минии мүнөөдэр хэлэһэн захяа заабаринуудые шагнан сахижа, Эзэн Бурхандаа дуратай байжа, бүхы зүрхэ сэдьхэлээрээ Тэрээндэ һүгэдөө гээшэ һаатнай,

Хуули дабталга 13:4

Эзэн Бурханаа шүтэн ябагты, Тэрэниие хүндэлэгты! Захяа заабаринуудыень сахигты, үгыень дуулагты! Тэрээндэ мүргэгты, Тэрээндэ үнэн сэхэ байгты!

Хуули дабталга 29:1

Хорээб хадын хажууда Эзэн Израилиин арад түмэнтэй хэлсээ баталһан байна. Тэрээнһээ гадна Моһаабай газар дайдада нэмэлтэ үшөө нэгэ хэлсээ тэдээнтэй баталхыень Эзэн Моисейдэ захирба. Тэрэнь энэ.

Хуули дабталга 4:45

Египедһээ гараһанай удаа, Иордан голой зүүн бэедэ, Бэт-Пэһоор хотын урдаһаа тулаһан нюруу дээрэ, Хэшбоондо ажаһууһан Сиһоон хаантай эмоор арадай газарта (Египедһээ гарахадаа, Моисей Израилиин улад зонтой хамта тэрэниие диилээ бэлэй) Израилиин зондо Моисей эрхэ нүхэсэлнүүдые, хуулинуудые, ёһо гуримуудые дамжуулаа һэн.

Хуули дабталга 6:1

Эзэмдэхэ зорилготойгоор ошожо ябаһан газартаа сахин байхыетнай Эзэн Бурхантнай таанадые иимэ захяа заабаринуудта, хуули, ёһо гуримуудта һургаха гэжэ намда захиһан байна.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Хуули дабталга 8:19

Хэрбээ Эзэн Бурханаа мартаад, ондоо бурхадта һүгэдэжэ, зальбаржа, тэдэниие шүтэжэ эхилээ гээшэ һаа, заабол хосорхот гээд таанадта мүнөөдэр сэхэ хэлэнэб.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!