4 Хаан түрэнүүд 2:3 - Библи

³ Бэт-Ээлдэ байһан лүндэншэдэй зүблэлэй гэшүүдэй түлөөлэгшэд тэдэниие угтаад: – Мүнөөдэр Эзэн минии эзэниие абаашахань гэжэ мэдэнэ гүш? – гэжэ Элишаада хэлэбэд. – Мэдэнэб, һанаагаа бү зобогты, – гэжэ Элишаа харюусаба.

4 Хаан түрэнүүд 2:3 ပူးပေါင်းရင်းမြစ်များ

3 Хаан түрэнүүд 18:4

Эзэнэй лүндэншэдые Изээбэлэй хюдажа байхада, Обадияа зуун лүндэншые таби табяар хубаагаад, агы нүхэн соо нюужа, эдеэ хоолоор, ундаар хангадаг бэлэй.

3 Хаан түрэнүүд 20:35

Эзэнэй захирһанай ёһоор, нэгэ лүндэншэ нүгөөдэ лүндэншэдэ: – Намайе сохи! – гэбэ. Теэд тэрэнь сохихоёо арсаба.

4 Хаан түрэнүүд 2:15

Ерихоон мүрэнэй эрьеһээ тээ саанахана зогсожо байһан лүндэншэдэй зүблэлэй гэшүүдэй түлөөлэгшэд энэ үйлэ хэрэг хараад: – Элияагай һүлдэ Элишаада ороо! – гэжэ хашхаралдаад, тэрэнэй урда ерэжэ, доро дохиһоной һүүлдэ

4 Хаан түрэнүүд 2:5

Ерихоондо байһан лүндэншэдэй зүблэлэй гэшүүдэй түлөөлэгшэд тэдэниие угтаад: – Мүнөөдэр Эзэн шинии эзэниие абаашахань гэжэ мэдэнэ гүш? – гэжэ Элишааһаа һураба. – Мэдэнэб, һанаагаа бү зобогты, – гэбэ Элишаа.

4 Хаан түрэнүүд 2:7

Лүндэншэдэй зүблэлэй гэшүүдэй түлөөлэгшэд тэдэ хоёрые дахан ошолсожо, хараанай газарта үлэбэд.

4 Хаан түрэнүүд 4:1

Лүндэншэдэй зүблэлэй гэшүүн байһан нэгэ хүнэй бэлбэһэн эхэнэр Элишаада ерээд: – Шинии барлаг, минии үбгэн наһа бараа. Ши, барлагни Эзэниие хүндэлдэг байгаа гэжэ мэдэнэш! Мүнөө үри шэридэ ороһон бидэндэ зээлеэр мүнгэ үгэгшэ хүн өөртөө барлаг хэхэеэ минии хүбүүдые абаашахаяа ерээ! – гэжэ уйлан хашхарба.

4 Хаан түрэнүүд 4:38

Элишаа Гилгаал бусаба. Тиихэдэ бүхы орон дотор үлэн хооһон байдал ушараад байба. Лүндэншэдэй зүблэлэй гэшүүд Элишаае тойрон сугларба. – Томо тогоо гал дээрэ табяад, бултанда шэнгэн эдеэ шана, – гэжэ Элишаа Гэһаази зарасадаа хэлэбэ.

4 Хаан түрэнүүд 5:22

Гэһаази иигэжэ хэлэбэ: – Бүхы юумэн һайн. Минии эзэн танда иигэжэ хэлэхыемни эльгээбэ: «Лүндэншэдэй зүблэлэй хоёр залуу гэшүүд Эпрааимай хадалиг оронһоо намда ерээ. Тэдээндэ гэжэ нэгэ талаант сэбэр мүнгэ, һэлгэжэ үмдэхэ хоёр хубсаһа намда үгэжэ хайрлыт!»

4 Хаан түрэнүүд 6:1

Лүндэншэдэй зүблэлэй гэшүүд Элишаада хандажа: – Шамайе тойрожо суглардаг энэ гэр бидэндэ багадана.

4 Хаан түрэнүүд 9:1

Мэдээсэгшэ Элишаа лүндэншэдэй зүблэлэй зарим гэшүүдые дуудажа ерүүлээд: – Бэһэеэ бэһэлэ, энэ шэлтэй оливын тоһо аба, тиигээд Рамоот-Галаад яба.

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Амоос 7:14

Амоос Амацияада: – Лүндэншэ бэшэб, лүндэшын угайшье бэшэб. Мал харууһалжа, шикмаа модо ургуулжа байдаг хүмби.

Хэрэгүүд 22:3

– Би Килики ороной Тарс хотодо түрэһэн еврей хүнби. Тэрэ хотодо Гамалиһээлэй хүтэлбэри доро үбгэ эсэгэнэрэй Хуули ехэ нягтаар сахижа хүмүүжүүлэгдэһэн хүнби. Би таанадтал адли Бурханай урда бүхы үүргэнүүдээ оролдосотойгоор дүүргэдэг һэнби.

Хуули дабталга 33:3

Нээрээшье, Тэрэ Өөрынгөө арадта дуратай! Гэгээн зониинь Тэрэнэй гарта! Тэдэнь һургаал абахаяа хүлдэнь һүгэдэн байна.

1 Хаан түрэнүүд 10:5

Удаань Пилиштын харуулай бүлэгэй байһан газарта, Бурханай Гибаада хүрэхэш. Хото руу орожо байхадаа, тэндэ ятаг, хэнгэрэг, лимбэ, хуур дуугарган, бүжэглэн, үргэлэй обооһоо буужа байһан лүндэншэдэй бүлэгтэй уулзахаш. Тэдэ абарал буулгажа ябаха.

1 Хаан түрэнүүд 19:20

Тиигээд Саул Давидые барихаяа элшэнэрые эльгээбэ. Гэбэшье лүндэншэдэй бүлэгэй абарал буулгажа, Самуилай тэдэниие ударидажа байхые элшэнэр хараад, Бурханай һүлдэ тэдээндэ буужа, тэдэ мүн лэ адли айладал табин байба.