4 Хаан түрэнүүд 19:4 - Библи

⁴ Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

4 Хаан түрэнүүд 19:4 ပူးပေါင်းရင်းမြစ်များ

Эхин 22:14

Эзэнэй иигэжэ хуса үгэһэн ушарһаа Абраһаам тэрэ газарые «Эзэн хэрэгтэй зүйл үгэдэг» гэжэ нэрлэбэ. Мүнөөшье болотор «тахилгатай уула дээрэ хэрэгтэй юумээр Эзэн хангажа үгэдэг» гэһэн яряа үгэ бии юм.

2 Хаан түрэнүүд 16:12

Эзэн минии доромжолуулагдажа байһые хаража, тэрэнэй хараалай орондо намда һайн һайханиие хэжэ магад.

4 Хаан түрэнүүд 18:13

Хэзэкияа хаанай арбан дүрбэдэхи жэлээ хан түрэеэ засаглажа байхада, Ассириин хаан Сэннахэрииб дайгаар добтолжо, сэрэгүүдээрээ Иудын бэхижүүлэгдэһэн бүхы хотонуудые тойрон бүһэлөөд, һүүлдэнь эзэмдэн абаба.

4 Хаан түрэнүүд 19:16

Мүнөө шэхээ табижа, шагныт, нюдөө нээжэ, харыт! Амиды Бурханиие доромжолхо гэжэ элшэдээ эльгээһэн Сэннахэриибэй үгые соносыт!

4 Хаан түрэнүүд 19:22

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

4 Хаан түрэнүүд 19:23

Элшэдээрээ дамжуулан ши Эзэниие гомодхообош! Ши иигэжэ хэлэбэш: Тэргэнүүд намда олон, тэдэнтэеэ хамта хаданууд дээрэ, Ливаанай шэлэ хүтэлнүүд дээрэ гарааб. Ливаанай үндэр хушануудые, Тэрэнэй эгээн һайн кипарис модонуудые таһа сабшааб. Тэдэнэй эгээн саада орьёлнуудта гарааб, тэдэнэй эгээн буртаг шэрэнгитэй, хүбшэ ойдо орооб.

4 Хаан түрэнүүд 19:3

Хэзэкияа Исайда иимэ мэдээсэл дуулгахыень тэдээндэ даалгаа бэлэй: «Энэ үдэр болбол гай гасалангай, хэһээлтын, нэрэ хүндөө бууралгын үдэр. Нарайлхаяа байһан аад, түрэхэ арга шадалгүй эхэнэртэл адли байнабди.

4 Хаан түрэнүүд 19:30

Иудын уг удамай амиды үлэгшэд дахин доогуураа үндэһэлэн, дээгүүрээ үрэ жэмэс гаргаха юм.

4 Хаан түрэнүүд 19:31

Амиды үлэгшэд Иерусалимһаа гараха, амин бэеэ абарагшад Сион хадаһаа бууха. Түмэн Сэрэгтэ Эзэн энээниие заабол бэелүүлхэл.

4 Хаан түрэнүүд 19:5

Хэзэкияа хаанай түшэмэлнүүдэй Исайда ерэхэдэ,

2 Угай бэшэг 32:20

Хэзэкияа хаан болон Амооцой хүбүүн Исай лүндэншэн огторгой руу, Бурхандаа зальбаран мүргэжэ, туһа гуйба.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Псалманууд 50:21

Тиигээд Та зүб шударга болохын тула үргэл – түгэс шатаалта үргэл, бүтэн шатаалта үргэл – хүсэн абахат. Тиихэдэ үргэлэй шэрээ дээрэтнай залуу буханууд үргэгдэхэ.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Ерэмияа 23:36

Иигээд тэдэ «Эзэнэй хүндэ ашаан» гэһэн үгэнүүдые дуугарха ёһогүй. Тиигэжэ дуугараа һаань, Би айладхалаа тэдээндэ үнэхөөр хүндэ ашаан болгожорхихоб. Улад зон Минии, өөһэдынгөө амиды мэндэ Бурханай, Түмэн Сэрэгтэ Бурханай, үгые ондоо болгоо.

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Ерэмияа 42:9

Би тэдээндэ иигэжэ хэлэбэб: Израилиин Эзэн Бурханда минии зальбархые таанад гуйгаа бэлэйт. Эзэн Бурхамнай иигэжэ айладхана:

Эзэкээл 36:37

Намһаа дахин туһа гуйхыетнай, хонин һүрэг мэтээр олошорхыетнай Би зүбшөөхэб.

Римэйхиндэ 11:5

Мүнөөнэйшье сагта тон тиимэ: Бурханай үршөөл хайраар шэлэгдэжэ абтаһан хүнүүд үшөөл бии.

Римэйхиндэ 9:27

«Эзэн зарга шүүбэреэ газар дэлхэй дээрэ шуумгайгаар ябуулха. Тиимэһээ Израилиин арад зоной далайн элһэндэл адли тоогүй олон байгаашье һаань, тэдэнэй үсөөниинь абарагдаха», – гэжэ Израилиин арад тухай Исай лүндэншэн айладхаа.

Хуули дабталга 32:36

Эзэн Өөрынгөө арад зониие сүүдлэхэ. Тэдэнэр хүсэгүй болоо, Өөртэнь мүргэдэг зон ямаршье туһагүй болоо гэжэ харахадаа, эдэ зониие Тэрэ хайрлаха.

Нүүнэй Иисүүс 14:12

Тиимэһээ Эзэнэй тэрэ үдэр хэлэһэн энэ хадые намда үгэ. Тэндэ Анаагай хүбүүд һууна гэжэ тэрэ үдэр ши дуулааш, тэдээнэй хотонууд томо ба бэхилэгдэһэн; Эзэнэй намтай ябаа һаань, тэрээнэй хэлэһэн ёһоор би тэдээниие үлдэхэб.

Нүүнэй Иисүүс 3:10

Иисүүсэй хэлэһэниинь: – Тэрэ үгэһөө танай дунда амиды Бурхан бии гэжэ мэдэхэт. Танда газар үгэхын тула Тэрэ ханаһаануудые, хээдүүдые, хиивүүдые, пэриззиинүүдые, гиргаашуудые, эмооршуудые, евүүсүүдые үлдэхэ.

1 Хаан түрэнүүд 14:6

Ёнатаан зэр зэбсэг баряад ябагша хүбүүндээ: – Ябая. Бэлгэеэ отолуулаагүйшүүлэй сэрэгэй бүлэг руу дүтэлэн ошоё. Эзэн бидэндэ туһалжа магад. Олоншье, үсөөншье зониие абархадань Эзэндэ һаалта болохо юумэн үгы, – гэжэ хэлэбэ.

1 Хаан түрэнүүд 17:10

Пилишт хүн саашань: – Мүнөөдэр би Израилиин жагсаал сэрэгые доромжолжо байнаб. Нэгэ хүниие ябуулагты, хоюулаа туласалдая, – гэбэ.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:45

Давид пилишт хүндэ: – Ши һэлмэ, бамбай, жада баринхай нам руу ерэжэ байнаш. Харин би шинии доромжолһон Израилиин сэрэгэй Бурхан, Түмэн Сэрэгтэ Эзэнэй нэрээр шам руу ерэжэ байнаб.