4 Хаан түрэнүүд 17:8 - Библи

⁸ Тэдэнэр Эзэнэй израильшуудта үгэһэн газарнуудай уул зоной ёһо заншалые баримталдаг, мүн баһа Израилиин хаашуулай зарлиг тогтоолнуудые сахидаг болошоһон байба.

4 Хаан түрэнүүд 17:8 ပူးပေါင်းရင်းမြစ်များ

3 Хаан түрэнүүд 12:28

Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!

3 Хаан түрэнүүд 21:26

Израильшуудһаа холодуулан, Эзэнэй үлдэн намнаһан эмоор зондол адли, онгонуудта шүтэн һүгэдэжэ, тэрэ угаа муухай юумэ хээ.

4 Хаан түрэнүүд 16:10

Ахааз хаан Ассириин хаан Тиглаат-Пилэсээртэй уулзахаяа Дамааск ошожо, тэндэхи тахилайнь шэрээе хараад, тэрэ тахилайнь шэрээгэй дүрсын тодорхой хэбые санаарта Урияада эльгээбэ.

4 Хаан түрэнүүд 16:3

Тэрэ Израилиин хаашуулай жэшээ даган ябаа. Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, тэрэ өөрынгөө хүбүүе галда шатаан бурхадта үргэдэг байба.

4 Хаан түрэнүүд 17:19

Теэд иудыншье зон Эзэнэй, өөрынгөө Бурханай захяа заабаринуудые сахихаяа болижо, израильшуудтал адляар тэндэхи уул арадуудай ёһо заншал ба шажан мүргэлдэ оробо…

4 Хаан түрэнүүд 17:40

Теэд тэдэнэр Эзэнэй үгые дуулангүй, өөһэдынгөө хэжэ ябаһан урданай ёһо заншал үргэлжэлүүлжэ,

4 Хаан түрэнүүд 21:2

Тэрэ Эзэндэ таарамжагүй хэрэгүүдые хэбэ. Эзэнэй израильшуудта үгэһэн газар дээрэхи уул арадууд мэтээр тэрэ жэгшүүритэй муухай ябадалнуудые үйлэдэбэ.

Псалманууд 106:35

Харин сүл губиин орондо нуур сөөрэм байгуулаа, хуурай газарай һуурида булаг дэлбэрээ.

Египедһээ гаралга 23:24

Харин таанад тэдэнэй бурхадта һүгэдэжэ бү байгты, заншалыень бү абагты. Бурхадыень үгы хэгты, шүтөөн болохо шулуунуудыень бута сохигты!

Ерэмияа 10:2

Ондоо үндэһэ яһатадай ажабайдалые бү һажаалдагты. Тэдэнэй айдаг тэнгэриин дүлгэ тэмдэгүүдһээ бү айгты.

Эзэкээл 5:6

Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

Һошээ 5:11

Израиль гайтай ехэ сохилто абанхай. Ондоо бурхадта мүргэһэнэйнь аша энэл даа!

Левит 18:3

Танай һуужа байһан Египет газарай ёһо заншалаар бү ябагты. Минии таанадые абаашажа ябаһан Ханаһаан газарай ёһо заншал бү баримталагты. Тэдэнэй тогтоолнуудаар бү ябагты.

Левит 26:1

Мүргэхэ шүтөөн, элдэб дүрсэ, шулуун баханануудые өөһэдтөө бү табигты. Мүргэжэ байхаяа зурагтай шулуу өөрынгөө газар дээрэ бү табигты. Би танай Эзэн Бурхан гээшэб.

Михей 6:16

Омрии хаанай болон Ахаабай бүлынхидэй үйлэ жэшээ даган, зүблэлөөрнь ябанаш, тиимэһээ Би шамда гай һандарал ушаруулжа, ажаһуугшадыеш шоодбори болгохоб. Арад түмэнэйм жэгшүүритэй эшхэбтэр байдал таанад дээрэл бууха».

Хуули дабталга 18:9

Эзэн Бурханайнгаа үгэжэ байһан газарта ерэхэдээ, тэндэхи арадуудай хэжэ байһан жэгшүүритэй муухай юумэ хэжэ бү һурагты.