4 Хаан түрэнүүд 17:6 - Библи

⁶ Һошээгэй юһэдэхи жэлээ хан шэрээдээ һуухада, Ассириин хаан Самариие эзэмдэн абаба. Тиигээд тэрэ израильшуудые Ассири туужа асараад, Гозаан дээгүүр урдадаг Хабуур голой эрьедэхи Халаада, мүн баһа Мидиин хотонуудта нютагжуулха гэбэ.

4 Хаан түрэнүүд 17:6 ပူးပေါင်းရင်းမြစ်များ

Эхин 10:2

Яапэдэй хүбүүд: Гоомэр, Магоог, Мадай, Яваан, Тубаал, Мээшэх ба Тираас.

3 Хаан түрэнүүд 8:46

Нүгэл хэдэггүй хүн байхагүй. Харин Танай урда тэдэнэй нүгэл хэхэдэнь, Та тэдээндэ ехэ уурлажа, дайсадай һабарта оруулба гэлэйт. Дайсад тэдэниие холо, ойрын хариин газар руу баряанда абаашаха.

4 Хаан түрэнүүд 15:29

Израилиин хаан Пээкаагай амиды байхада, Ассириин хаан Тиглаат-Пилэсээр дайгаар добтолжо, Абээл-Бэт-Маһахаа, Ийон, Напталиигай Яноох, Кээдэш, Хацоор, Галаад, Галилей болон бусад бүхы газарнуудыень эзэмдэн абаба. Тэрэ тэдэ газарнуудай хүнүүдые олзолон абаад, Ассиридэ абаашаба.

4 Хаан түрэнүүд 17:23

Эзэн Өөрынгөө бүхы барлаг лүндэншэдээр уридшалан дамжуулһан захяа зарлигуудыень сахяагүй Израилиие Өөрһөө холо болгожо үлдэбэ. Тиихэдэнь израильшууд өөһэдынгөө орон нютаг орхижо, Ассиридэ сүлүүлэн нүүжэ, мүнөө болотор нютагжаһан газартаа ажаһуунад.

4 Хаан түрэнүүд 18:34

Хамаат, Арпаадай бурхад мүнөө хаанаб?! Сэпарваһиимэй, Һэнаагай ба Ивваагай бурхад хаанаб?! Хэниинь Самариие минии гарһаа абарһан юм?

4 Хаан түрэнүүд 19:12

Бусад арадуудай бурхад тэдэниие абаржа шадаагүй юм! Минии үбгэ эсэгэнэр Гозаан ба Харраанай арадуудые, Рээцэп хотынхидые, Тэлассаарта байдаг Ээдэн хотынхидые үгы хээ!

4 Хаан түрэнүүд 21:13

Самариие, Ахаабай гэрые хэһээһэндэл тон адляар Би Иерусалимые хэһээхэб. Би амһарта угаажа аршаад, амһарынь доошонь харуулжа табигшадал, Иерусалимые урбалдуулхаб.

1 Угай бэшэг 5:22

Энэ байлдаан Бурханай байгаа! Олон сэрэгшэд алуулаа! Рэүбээнэй үри һадаһад сүлэлгэдэ туугдан ошотороо һагааршуудай газарта ажаһуугаа бэлэй.

1 Угай бэшэг 5:26

Тиихэдэнь Израилиин Бурхан Пүүлэй, Ассириин хаанай һүр һүлдыень үргэбэ, Тиглаат-Пилэсээрэй, Ассириин хаанай, һүл һүлдыень дэмжэн, Рэүбээнэй, Гаадай, Мэнашшээгэй хахад обогой үри һадаһадые Халаа, Хабуур болон Һараа, Гозаан мүрэн шадархи нютагуудта ябуулаа, тэдэнэр мүнөөшье болотор тэндээ.

Эзраа 6:2

Мидия можын Экбатаана хотын ордон соо нэгэ хуйламал бэшэг олдобо. Тэрээн соонь иигэжэ бэшээтэй байгаа: «Һанахын тулада.

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Исай 10:9

Калноо ба Кархэмииш, Хамаат ба Арпаад хотонуудые би диилэн абаа һэм. Самари ба Дамааскые диилээ һэм.

Исай 13:17

Үзөөрэйгты, Би мүнгэ тоодоггүй, алта сэгнэдэггүй Мидиин улад зониие дуудахаб.

Исай 17:4

Эзэн иигэжэ айладхана: «Яковай алдар солын буураха, баялигынь хожоржо, үгытэй ядуу болохо сагынь дүтэлжэ байна.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 36:17

Һүүлдэнь Ассириин хаан таанадые таанадай орон нютаг мэтэ иимэл орон нютагта, орооһотой ба үзэмэй дараһан архитай орон нютагта, хилээмэтэй ба уһан жэмэстэй орон нютагта абаашаха.

Исай 36:19

Хамаат, Арпаадай бурхад мүнөө хаанаб?! Сэпарваһиимэй бурхад хаанаб?! Хэниинь Самариие минии гарһаа абарһан юм?!

Исай 37:18

Эзэмни, нээрээшье, Ассириин хаашуул эдэ бүхы арадуудые үгы хээ, орон нютагуудыень һандаргаа, хооһолоол.

Исай 8:4

Юуб гэхэдэ, энэ үхибүүнэй «аба, эжы» гэжэ хэлэжэ һуратар Дамааскын бүхы эд баялиг болон Самариин бүхы олзо Ассириин хаанай болохо.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Даниил 5:28

Перес – «Хаан түрэшни хубаарилагдан, Мидиин болон Персиин зондо үгтэбэ».

Һошээ 1:4

Эзэн Һошээдэ хандан: – Тэрээндэ Езрээл гэжэ нэрэ үгэ. Юуб гэхэдэ, Езрээлдэ Еһүү хаанай хэһэн алалга-хюдалгын түлөө Би өөрынь үринэрые удахагүй үгы хэхэб!

Һошээ 1:6

Удаань һамганиинь дахин хээлитэй боложо, басага түрэбэ. Эзэн Һошээдэ: – Басагандаа Ло-Рухамаа гэжэ нэрэ үгэ. Юуб гэхэдэ, Израилиин уладые Би бэшэ хайрлажа, хүлисэжэ байхагүйб.

Һошээ 1:9

Эзэн Һошээдэ айладхаба: – Тэрээндэ Ло-Аммии гэжэ нэрэ үгэ. Юуб гэбэл, Израилиин арад зон Минии бэшэ, Би тэдэнэй Бурхан бэшэб.

Һошээ 8:8

Израиль ондоо арадуудай хоорондо холилдон үгы болоо. Хэндэшье хэрэггүй, эбдэрхэй тогоон мэтэ тэрэ ондоо арадуудай дунда байхал.

Һошээ 9:3

Эзэнэй үршөөһэн газарһаа тэдэ гаран ошохо баатай болохо, Эпрааим һөөргөө Египет руу бусаха, Ассиридэ сээртэй хоол эдин байха.

Левит 26:38

Буса арадуудай дунда хосорхот. Дайсадайтнай газар таанадые залгиха.

Амоос 5:27

Тиимэһээ Би таанадые Дамааскһаа сааша баряанда туун абаашахаб!» – гэжэ Түмэн Сэрэгтэ Эзэн Бурхан айладана.

Амоос 7:17

Тиимэһээ Эзэн иимэ айладал дуулгана: «Һамганшни янхан эхэнэр болохо, үхи хүүгэдшни һэлмээр усадхагдаха, газар хэмжэгшэ газарыеш бусадта хубаан тарааха, өөрөө ши нангин бэшэ газарта хосорхош. Израиль баряанда хариин дайда руу туугдаха!»

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 30:18

заабол хосорхот гэжэ таанадта мүнөөдэр би соносхоноб! Иордан гол гаталан, эзэмдэхэеэ ошожо байһан газар дайдадаа таанад удаан ажаһуухагүйт.