4 Хаан түрэнүүд 17:4 - Библи

⁴ Һүүлдэнь Ассириин хаан Һошээе урбалта хэжэ, элшэдээ Египедэй Соо хаанда эльгээбэ гэжэ соносхобо. Ушар юуб гэхэдэ, тэрэ жэл бүхэндэ Ассириин хаанда албата татабари түлэхэ аад, тэрэнээ түлөөгүй байба. Тиихэдэнь Ассириин хаан Һошээе баряад, түрмэдэ һуулгаба.

4 Хаан түрэнүүд 17:4 ပူးပေါင်းရင်းမြစ်များ

4 Хаан түрэнүүд 17:3

Ассириин хаан Шалманасаарай дайгаар Һошээдэ добтолон ороходо, Һошээ тэрээнэй мэдэлдэ орожо, алба татабари түлэдэг болобо.

4 Хаан түрэнүүд 17:5

Ассириин хаан Израилиин бүхы газарые эзэмдээд, Самарида ошожо, гурбан жэлдэ сэрэгээрээ тэрэ хотые хүреэлэн бүһэлбэ.

4 Хаан түрэнүүд 18:21

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаанда найдаха гээшэ энээндэл адли юм.

4 Хаан түрэнүүд 24:1

Тиихэдэ Вавилооной хаан Навуходоносор Иудын орон нютагта дайгаар добтолжо, Ёякиимые өөрынгөө мэдэл доро абаба. Ёякиим тэрээндэ гурбан жэлдэ алба хээд, эсэргүүсэн бодобо.

4 Хаан түрэнүүд 24:20

Иерусалимай болон Иудын зоной Эзэнэй уур сухалые аргагүй ехээр хүдэлгэхэдэ, Тэрэ тэдэниие буруушаажа, тэдэнһээ буруу хараба. Цэдэкиия Вавилооной хаанай урдаһаа эсэргүүсэн бодобо.

4 Хаан түрэнүүд 25:7

Цэдэкииягай хараһаар байтар хүбүүдыень алаба, удаань тэрэнэй нюдэ тэһэлжэ, хүрэл гэнжээр гэнжэлээд, Вавилоон руу абаашаба.

2 Угай бэшэг 32:11

«Эзэн Бурхамнай Ассириин хаанһаа бидэниие абарха» – гэжэ Хэзэкияа хэлэхэдээ, эдихэ эдеэгүй, ууха ундагүй болоод үхэхыетнай һанана бэшэ аал?

Һошээ 10:4

Дэмы хооһон үгэнүүдые тэдэ хэлэнэ, хэлсээ баталхадаа хуурмаг тангариг үргэнэ. Таряалангай хажуугаар бии болодог хоротой зэрлиг ургамалдал адляар зарга шүүбэри энээнэйнь түлөө бии болохо.

Һошээ 12:2

Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Һошээ 13:10

Хааниие болон удамаршадые эреэ бэлэйш, теэд тэдэ яагаад улад зонииеш абаржа шадахаб?!

Һошээ 8:10

Ондоо арадуудта бэлэг-сэлэг үгэн, нүхэсөөшье һаань, Би тэдэниие хамта суглуулаад, усадхахаб. Хаанай, түшэмэлнүүдэй хүндэ дарлалтаһаа тэдэ һаяар зобожо-тулижа эхилхэ.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.