4 Хаан түрэнүүд 17:34 - Библи

³⁴ Тэдэнэр мүнөө болотор урданайнгаа ёһо заншалые сахиһаар зандаа юм. Тиимэһээ тэдэнэр Эзэндэ шүтэн мүргэхэеэ, Яковай нэрые «Израиль» гэжэ һэлгээд, тэрэнэй уг удамуудта сахигты гэжэ захиһан Эзэнэй бүхы захяа заабаринуудые, хуулинуудые болон Һургаалнуудые сахихаяа болишобо.

4 Хаан түрэнүүд 17:34 ပူးပေါင်းရင်းမြစ်များ

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

Эхин 32:29

– Өөрынгөө нэрэ намда хэлыт! – гэжэ Яковай гуйхада, – Ши Минии нэрэ мэдээд яаха гээбши? – гэжэ Тэрэнь харюусаад, үреэл табяад, ошобо.

Эхин 33:20

Тэндээ тэрэ үргэлэй шэрээ түхеэржэ, «Израильшуудай шүтэдэг Эзэн Бурханай үргэлэй шэрээ» гэжэ нэрлээ һэн.

Эхин 35:10

Бурхан тэрээндэ иигэжэ айладхаа: – Мүнөө болотороо ши эхэ, эсэгынгээ үгэһэн «Яков» гэжэ нэрээр ябааш. Харин энэ сагһаа эхилэн, ши Минии үгэһэн «Израиль» нэрэтэй болобош.

3 Хаан түрэнүүд 11:31

Тиигээд тэрэ Еробоһаамда иигэжэ хэлэбэ: – Энээнэй арбан хубиие аба. Юуб гэхэдэ, Израилиин Эзэн Бурхан иигэжэ айладаа: Соломоонһоо хан түрэ хуряан абажа, шамда арбан обог үгэнэм.

3 Хаан түрэнүүд 18:11

Харин мүнөө «Элияа эндэ байна гэжэ тэрээндэ дуулга» гэнэт.

3 Хаан түрэнүүд 18:31

Элияа Яковай хүбүүдэй обогуудай тоогоор арбан хоёр шулуу абаба. Яковые Эзэн Израиль гэжэ нэрлээ һэм шуу.

4 Хаан түрэнүүд 17:25

Тэдэнэр тэндэ нүүжэ ерэхэдээ, түрүүшээр Эзэниие шүтэдэггүй, хүндэлдэггүй байба. Тиихэдэнь Эзэн тэдээндэ арсалануудые эльгээбэ. Арсаланууд добтолжо, тэдэниие аладаг болобо.

4 Хаан түрэнүүд 17:33

Теэд тэдэнэр Эзэндэ мүргөөшье һаа, өөһэдынгөө бурхадта шүтэдэг байба. Ушар юуб гэхэдэ, хари газарта нүүжэ ерэһэн тэдэнэр эхэ орондоо шүтэжэ байһан өөһэдынгөө бурхануудые мартабагүй.

4 Хаан түрэнүүд 17:40

Теэд тэдэнэр Эзэнэй үгые дуулангүй, өөһэдынгөө хэжэ ябаһан урданай ёһо заншал үргэлжэлүүлжэ,

Һургаал 14:2

Зүб ябадалта хүн Эзэнһээ бэшэрдэг хүн сэхэ харгытай, Тэрэниие тоодоггүй хүн замһаа хадуурна.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.