4 Хаан түрэнүүд 13:2 - Библи

² Тэрэ Израилиие нүгэлтэ зам уруу хүтэлбэрилһэн Набаадай хүбүүн Еробоһаамай үйлэдэжэ хэһэн хэрэг ябуулгануудые үргэлжэлүүлбэ.

4 Хаан түрэнүүд 13:2 ပူးပေါင်းရင်းမြစ်များ

3 Хаан түрэнүүд 14:16

Еробоһаамай нүгэлэй түлөө, Израилиин уладые нүгэлдэ оруулһанайнь түлөө Эзэн Израилиие орхихо, – гэжэ хэлэбэ.

4 Хаан түрэнүүд 10:29

Еһүү Израилиин газар дээрэ үйлэдэһэн Набаадай хүбүүн Еробоһаамай хэһэн нүгэл хилэнсэгүүдһээ дууһан арсангүй, Бэт-Ээл ба Даанда байһан алтан тугалнуудые үгы хэнгүй, орхёо юм.

4 Хаан түрэнүүд 13:1

Ахазияагай хүбүүн Иудын хаан Ёһаашай хорин гурбан жэлдэ хан түрэеэ засаглажа байхада, Еһүүгэй хүбүүн Ёахааз Самарида Израилиин хаан болобо. Тэрэ арбан долоон жэлдэ хан түрэеэ засаглаба.

4 Хаан түрэнүүд 13:11

Тэрэ Эзэнэй дура гутаадаг харата хэрэгүүдые үйлэдэдэг байба. Тэрэ израильшуудые нүгэлтэ ябадалнуудта түлхиһэн Набаадай хүбүүн Еробоһаамай нүгэл шэбэлһээ зайсангүй, тэрэ нүгэлтэ ябадалнуудые үргэлжэлүүлбэ.

4 Хаан түрэнүүд 13:6

Гэбэшье израильшуудые нүгэлтэ зам руу хүтэлбэрилһэн Еробоһаамай гэр бүлэ нүгэл хэхэеэ болибогүй. Самаридахи Ашэраагай бахана модон тэрэл зандаа үлөөбэ.

4 Хаан түрэнүүд 3:3

Ахаабай хүбүүн Ёраам бүхы Израильда нүгэл хэһэн Набаадай хүбүүн Еробоһаамай үйлэдэһэн хэрэг үргэлжэлүүлбэ.

Һошээ 5:11

Израиль гайтай ехэ сохилто абанхай. Ондоо бурхадта мүргэһэнэйнь аша энэл даа!