4 Хаан түрэнүүд 11:18 - Библи

¹⁸ Тиигээд арад зон Баалай һүмэдэ ошожо һандаргаагаад, үргэлэй шэрээнүүдые, бурхадай һүрэгүүдые үй бута сохёод, Баалай санаарта Маттааниие үргэлэй шэрээнүүдэй урда алаба. Ёядаа харуулшадые Эзэнэй һүмын дэргэдэ орхибо.

4 Хаан түрэнүүд 11:18 ပူးပေါင်းရင်းမြစ်များ

Хуули дабталга 12:3

Тэдэнэй үргэлэй шэрээнүүдые һандаргаагты, нангин шулуун баханануудыень бута сохигты, Ашэраагай баханануудые галдагты, бэшэ хэзээдэшье тэрэ газарта дурсагдахагүйгөөр бурхадайнь һиилэмэл хүрэгүүдые таһа сабшагты.

4 Хаан түрэнүүд 18:4

Тэрэ обоонуудай тахилган болюулба, нангинаар шүтэдэг шулуунуудые буталба, Ашэраагай модон сэргэнүүдые таһар сабшан унагааба, Моисейн бүтээһэн зэд могойе үгы хэбэ. Израильшууд тэрэ үдэр болотор могойн урда үргэлнүүдые шатаадаг, тэрэнээ Нэхуштаан гэжэ нэрэлдэг байгаа.

4 Хаан түрэнүүд 10:26

Тиигээд тэдэнэр тэндэһээ Баалай нангин бэшэгтэй хабтагар шулуунуудые газаа гаргаад, бута сохижо галдабад.

3 Хаан түрэнүүд 18:40

Элияа тэдээндэ захирба: – Баалай лүндэншэдые баригты! Хэншье тэрьедэхэ ёһогүй! Тэдэниие барихадань, Элияа Кишоон горхоной хажууда абаашаад, тэдэниие алаба.

Хуули дабталга 13:5

Эзэн Бурханайтнай захиһан замһаа таанадые хадууруулхаяа һанажа уряалһан, Египедэй газар дайдаһаа гаргаһан, богоол байдалһаатнай мултаруулһан Эзэн Бурхандаа урбахыетнай тухирдаг тэрэ лүндэншые гү, али зүүдэндээ юумэ харадаг хүниие хороохо хэрэгтэй. Өөһэдһөө муу юумэ зайсуулха ёһотойт.

2 Угай бэшэг 34:7

Үргэлэй шэрээнүүдые болон Ашэраа бурханай мүргэлтэй мододые Ёшияа үгы хэбэ. Хүрэгүүдые тооһон болотор тэрэ бута сохибо, уталгын бүхы шэрээнүүдые Израилиин газар дайдаар һалгааба. Тиигээд тэрэ Иерусалим руу бусаа һэн.

2 Угай бэшэг 34:4

Захирһанайнь ёһоор Баалнуудта зорюулагдаһан үргэлэй шэрээнүүдые болон тэдээндэ дүтэ байгааша уталга ууюулдаг шэрээнүүдые албатаниинь үгы хэбэ. Ашэраа бурханай хүрэгүүдые, шудхаһан бусад хүрэгүүдые Ёшияа бута сохибо. Тиигээд хумхаа тооһон болотор бутаргаад, тэдээндэ үргэл үргэгшэ зоной хүүр дээрэ тэрэ хиидхүүлбэ.

2 Угай бэшэг 21:17

Тэдэ Иудын хан түрэ руу добтолон орожо, хаанай ордоной баялиг дээрмэшэлбэ, хүбүүдыень болон һамгадыень баряанда туун абаашаба. Гансал хаанай бага хүбүүн Иохааз үлөө бэлэй.

4 Хаан түрэнүүд 23:14

Тэрэ нангин шулуунуудые буталба, Ашэраагай модон сэргэнүүдые таһар сабшажа унагааба. Тиигээд тэрэ нангин тэдэ газарнуудта үхэһэн хүнүүдэй яһануудые хаяба.

4 Хаан түрэнүүд 23:10

Тэрэ Бэн-Һинноомой хүнхэртэхи Тоопэдтэ Моолох бурханда өөрынгөө хүбүү ба басага галда үгэлгые болюулба.

Хуули дабталга 13:9

Тэрэниие ала! Алахадаа, эхилээд ши тэрээндэ гар хүрэн, шулуу шэдээрэй, удаань бүхы арад зон гар хүрэхэ.

Египедһээ гаралга 32:20

Тугалай хүрэгые галда хаяжа хайлуулаад, уйгааг тоброог болоторнь нюдэбэ. Тэрэнээ уһа руу хаяжа, Израилиин зониие үтэр уугты гэжэ зандаран, тэрэ уһыень уулгаба.

Хуули дабталга 12:2

Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.

4 Хаан түрэнүүд 10:21

Еһүү суглаа зарлаха хүнүүдые Израилиин бүхы орон нютагта эльгээбэ. Баалай бүхы албатадай нэгэншье үлэнгүй, тэрэнэй һүмэ соо багтажа ядан сугларба.

4 Хаан түрэнүүд 10:27

Тиигэжэ тэдэнэр Баалай нангин шулуунуудые ба һүмые үгы хээд, тэрэ һууридань шабхан бариба.

4 Хаан түрэнүүд 23:20

Тиигээд тэрэ үргэлэй шэрээнүүд дээрэ санаартадые алаад, тэдэнэй үхэһэн бэенүүдые шатааба. Тиигээд тэрэ Иерусалимда бусаба.

Хуули дабталга 13:6

Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 13:10

Шулуу шэдэн тэрэниие алаарай! Юуб гэхэдэ, Египедэй газар дайдаһаа гаргаһан, богоол байдалһаашни мултаруулһан Эзэн Бурханһаашни шамайе холодуулхые тэрэ һэдээ бшуу.

4 Хаан түрэнүүд 10:25

Еһүү түгэс шатаалта үргэл дүүргээд, бэе хамгаалуулагшадайнгаа ба харуулайнгаа дарганарта хандажа: – Досоонь орогты! Бултыень хюдагты! Тэдэнэй хэншье һүмэһөө амиды гараха ёһогүй! – гэжэ захирба. Тэдэнэр һэлмээрээ һүмэ соо байгшадые дууһан алажа, үхэһэн бэенүүдыень эндэ тэндэ орхёод, Баалай һүмын нангин таһалгада оробод.