4 Хаан түрэнүүд 10:5 - Библи

⁵ Хаанай түшэмэлнүүд, хотын дарга, аха захатан болон һахюулай харуулшад Еһүүдэ иимэ харюу эльгээбэ: «Бидэ танай барлагуудби. Танай бидэндэ хэлэһэн юумэ бүримүһэн бүтээхэбди. Бидэ хэниишье хаан болгохогүйбди. Та яаха гэнэт, тэрэнээ бэелүүлэгты, бүтээгты».

4 Хаан түрэнүүд 10:5 ပူးပေါင်းရင်းမြစ်များ

3 Хаан түрэнүүд 20:32

Тэдэ шэрүүн таар хубсаһа нарин матаргайдаа тойруулаад, олоһо хүзүүндээ уяад, Израилиин хаанда ерэжэ, иигэжэ хэлэбэ: – Танай богоол болохо Бэн-Һадаад «ами наһыем хайрлыт» гэнэ. – Тэрэ амиды мэндэ юм аал? Тэрэ болбол минии дүү бшуу, – гэжэ Ахааб дуугарба.

3 Хаан түрэнүүд 20:4

Израилиин хаан иимэ харюу үгэбэ: «Танай хэлээшээр болохонь болтогой, эзэн хаамни. Би болон минии бүхы юумэн танай болог».

4 Хаан түрэнүүд 10:6

Еһүү тэдээндэ хоёрдохи бэшэгээ эльгээбэ. Тэрэ бэшэг соонь иигэжэ бэшээтэй: «Хэрбээ таанад намайе үргэмжэлөө һаа, минии үгэ дуулажа, Ахаабай хүбүүдэй толгойнуудые таһар сабшаад, үглөөдэр энэл сагта тэдэнээ намда Езрээл асарагты!» Далан хаан хүбүүд байгаа. Хотын мэдээжэ хүнүүд тэдэниие хүмүүжүүлжэ томо болгоо.

4 Хаан түрэнүүд 18:14

Иудын хаан Хэзэкияа Лахиишдэ байһан Ассириин хаанда элшэдээ эльгээхэдээ: «Би зэмэтэйб! Намһаа холодо. Намда ямаршье алба татабари тохонош, би бултыень түлэхэб», – гэжэ захиба. Ассириин хаан Иудын хаан Хэзэкияада гурбан зуун талаант сэбэр мүнгэ, гушан талаант алта түлэхыень уялгалба.

Ерэмияа 27:17

Бү шагнагты тэдэниие! Вавилооной хаанай мэдэл доро орогты, тиигээд амиды мэндэ үлэхэт. Энэ хото юундэ һандаргагдаха юм?

Тоололго 11:12

Энэ бүхы арад зоной эхэ юм гүб? Тэдэниие би түрөө юм гүб? Үхибүү харууһалдаг эхэнэр мэтэ эдэнэрые үргөөд яба гэжэ Та намайе юундэ бааланабта? Үбгэ эсэгэнэртэтнай үгэхэб гэжэ тангариглан найдуулһан газартам эдэниие дахуулан абааша гэжэ Та намайе юундэ албаданабта?

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Нүүнэй Иисүүс 9:11

Иимэ юумэ дуулахадаа, манай үбгэн түрүүшүүл, манай газарай бүхы зон манда иигэжэ хэлээ: – Харгыдаа хилээмэ абаад, урдаһаань ошожо, «Бидэ танай богоолнуудбди, мантай эб найрамдал тухай хэлсээ баталагты», – гэгты.

Нүүнэй Иисүүс 9:8

Тэдэ Иисүүстэ хэлэбэ: – Бидэ шинии богоолнуудбди. Иисүүс тэдээндэ хэлэбэ: – Хэд гээшэбта, хаанаһаа ерээбта?