3 Хаан түрэнүүд 9:4 - Библи

⁴ Давид эсэгэдээл адли Минии захяа заабаринуудые бултыень үнэнхэ зүрхөөрөө сахин, ёһо гуримуудым, тогтоолнуудым дүүргэжэ ябаа һааш,

3 Хаан түрэнүүд 9:4 ပူးပေါင်းရင်းမြစ်များ

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Эхин 20:5

Тэрэ хүн өөрөө намда энэ эхэнэрые дүү басагамни гэжэ хэлээ юм. Эхэнэр өөрөө мүн лэ тиигэжэ хэлээ! Бэе болон сэдьхэлээрээ би ямаршье муу үйлэ хээгүйлби.

2 Хаан түрэнүүд 22:22

Юуб гэбэл, Эзэнэй замһаа хадуураагүй, өөрын Бурханһаа буруу харан, мууе хээгүйм түлөө.

3 Хаан түрэнүүд 11:38

Минии захин заабарилһан бүхы юумэ сахижа, Минии хойноһоо дахан ябажа, Давид богоолдом адляар Намда таатай хэрэг үйлэдэн, хуули ёһонуудыем, һургаалнуудыем сахин байгаа һааш, Би шамтай байхаб, Давидай түлөө хэһэндэл адляар Израилиин хаан түрэ шамда, үринэртэш хододоо үгэн байхаб.

3 Хаан түрэнүүд 11:4

Соломооной үбгэрхэдэ, һамгадынь тэрэниие хариин бурхадта мүргэдэг болгуулха гэжэ оролдожо эхилбэ. Давид эсэгэдээ адли бэшэ, өөрын Эзэн Бурханда тэрэ бүхы сэдьхэлһээ шүтэхэеэ болибо.

3 Хаан түрэнүүд 11:6

Эзэнэй урда тэрэ нүгэл үйлэдэжэ, Давид эсэгэдээ адли Эзэндэ үнэн сэхэ бэшэ байба.

3 Хаан түрэнүүд 14:8

Давидай уг удамһаа хан түрэ һалгаажа, шамда үгөө бэлэйб. Харин ши Минии һургаал заабаринуудые сахижа, Намда таатай хэрэгүүдые үйлэдэн, бүхы зүрхэ сэдьхэлээрээ Намайе даган ябаһан Давид богоолдомни адли бэшэ байбаш.

3 Хаан түрэнүүд 15:5

Ушар юуб гэбэл, Давид Эзэндэ таатай хэрэг үйлэдэдэг, һургаал заабаринуудыень амиды мэндэ сагтаа хододоо сахин ябаа. Нэгэл дахин тэрэ хээт хүн Урияа гэгшэтэй муу юумэ хэһэн ааб даа.

3 Хаан түрэнүүд 3:14

Өөрын эсэгэ Давидтал адли, Намайе шүтэн, ёһо гуримуудыем, захяа заабаринуудыем сахин байбалшни, ута наһа шамда бэлэглэхэб, – гэжэ айладхаба.

3 Хаан түрэнүүд 3:3

Соломоон Давид эсэгынгээ захяа заабаринуудые сахин, Эзэндэ угаа дуратай һэн. Теэд бусадтал адли тэрэшье мүргэлэй обоонууд дээрэ үргэл, уталгануудые хэдэг бэлэй.

3 Хаан түрэнүүд 3:6

Соломоон: – Минии эсэгэ, Танай богоол Давидта Та ехэ энэрэл хайра үзүүлээт. Тиигээдшье тэрэ Танда үнэн сэхэ, зүб шударгы, сэхэ сэбэр хандадаг бэлэй. Тэрэ ехэ энэрэл хайраяа үргэлжэлүүлэн, хан шэрээдэ мүнөө һуужа байгша хүбүү тэрээндэ үршөөгөөт.

3 Хаан түрэнүүд 6:12

– Минии хуули ёһонуудые эбдэнгүй, зарлигуудыем дүүргэжэ, захяа заабаринуудыем сахижа ябабалшни, Давид эсэгэдэш найдуулһанаа бэелүүлхэб. Барижа байгааша Һүмэ соошни, Өөрын арад Израилиин дунда оршожо, тэдэниие орхингүй анхаран байхаб.

3 Хаан түрэнүүд 8:25

«Үри һадаһадшни шамдал адляар Минии һургаал заабари сахин, зааһан замаарни ябабал, Израилиин хан шэрээ тэдэ хододоо эзэлэн һууха» гэжэ Өөрын зараса, минии эсэгэ Давидта найдуулһанаа бэелүүлыт, Израилиин Эзэн Бурхамнай!

4 Хаан түрэнүүд 20:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

2 Угай бэшэг 17:4

Тэрэ эсэгынгээ Бурханда шүтэдэг, захяа заабаринуудыень дүүргэдэг, израильшуудай хэрэгүүдые һажаадаггүй бэлэй.

Псалманууд 101:2

Эзэн! Зальбаралым шагныт, хашхараамни Тан руу хүрэг лэ.

Псалманууд 128:1

[Үгсэлгын дуун.] «Залууһаамни хойшо олон зон намайе хашаа-харшалаа бэлэй, – гэжэ Израиль хэлэхэ, –

Псалманууд 15:2

Би Эзэндэ хэлэнэб: «Та бол минии Эзэн, минии һайн һайхан – гансал Танһаа!»

Псалманууд 26:1

[Давидай зохёоһон.] Эзэн минии гэрэл туяа, абарални, хэнһээ айхабиб тиимэһээ? Эзэн минии ами наһанай хамгаалалта, хэнһээ һүрдэхэбиб тиимэһээ?

Псалманууд 26:11

Эзэн! Өөрын зам намда заажа, сэхэ харгыгаар дахуулыт! Дайсадтамни зорюута энээниие хыт!

Һургаал 10:9

Үнэн шударга замаар алхагша аюулһаа зайладаг, гажуу харгыда гараһан хүн эсэстээ элишэлэгдэдэг.

Һургаал 20:7

Үнэн шударга хүн гэм зэмэгүй ябадаг. Тиимэ хүнэй үри хүүгэд үреэлдэ хүртэнэ.

Һургаал 28:18

Гэм нүгэлгүй хүн абарагдаха болоно. Харин буруу харгыгаар ябадаг хүн нэгэтэ унажа магадгүй.

Эзэкээл 18:9

Захиралта, хуулинуудыем тэрэ үнэн зүрхэнһөө дүүргэдэг. Иимэ хүн зүб һайн хүн гээшэ, тиимэһээ тэрэ амиды мэндэ байха гэжэ Би, Дээдэ Эзэн, айладханаб.

Захарияа 3:7

Түмэн Сэрэгтэ Эзэн иигэжэ зарлиг болобо: Ши Минии замаар ябажа, Минии үйлэ бүтээ. Тиигэбэл Минии гэр захирхаш, Минии албатанай харуул болохош. Эндэ зогсогшодой дунда сүлөөтэй ябаха эрхэ шамда соёрхохоб.

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Хуули дабталга 28:1

Эзэн Бурханайнгаа үгэ соонь ябажа, минии мүнөөдэр таанадта хэлэһэн Тэрэнэй захяа заабарииень сахин дүүргэжэ байгаа гээшэ һаатнай, Тэрэ таанадые дэлхэйн арадуудһаа дээгүүр үргэхэ.