3 Хаан түрэнүүд 9:3 - Библи

³ Тиигээд Эзэн Соломоондо иигэжэ айладхаба: – Би шинии зальбарал дуулааб. Намайе хүндэлжэ шинии бариһан Һүмые арюудхааб, тиигээд хододоо тэрэниие анхаран байхаб.

3 Хаан түрэнүүд 9:3 ပူးပေါင်းရင်းမြစ်များ

3 Хаан түрэнүүд 8:29

«Эндэ Минии нэрэмни оршохо» гэжэ Та айладхаа бэлэйт. Үдэр, һүнигүй энэ газарые – Һүмые мэлмытнай хаража байг лэ! Танай зарасын тэрэ газарта зальбархада, тэрэниие анхаржа, шагнажа байгыт!

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

4 Хаан түрэнүүд 21:7

Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха гэжэ Эзэнэй Давидта, Соломоон хүбүүндэнь айладхаһан эгээл тэрэ Һүмэ соо Мэнашшээ һиилэмэл хэмэл Ашэраагай дүрсэ табиба.

2 Угай бэшэг 33:7

«Минии захин заабарилһан, Моисейн дамжуулһан бүхы хуули ёһо, гурим, тогтоолнуудые тэдэнэй сахижа байбал, үбгэ эсэгэнэртэнь үгэһэн энэ орон нютагһаа холуур хариин газарта зайгуултажа байхыень израильшуудые дахин хэзээдэшье баалан хашахагүйб. Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха» гэжэ Эзэнэй Давидта, Соломоон хүбүүндэнь айладхаһан Бурханай һүмэ соо Мэнашшээ һиилэмэл хэмэл дүрсэ табиба.

2 Угай бэшэг 6:40

Эзэн Бурхамнай! Маанадые харыт, энэ газарһаа манай зальбаран мүргэхэдэ, Та шагныт.

Эзраа 6:12

Энэ зарлигыемни эбдэхэеэ һанаһан ямаршье хаан, ямаршье арад байг, Иерусалимдахи Бурханай һүмэдэ сүйд хээ һаань, Өөрынгөө нэрые тэндэ оршохо гэжэ тодорхойлһон Бурхан тэдэниие илгаагүй һүнөөг. Би, Даарий хаан, энэ зарлиг табибаб. Энэ зарлигни тон наринаар бэелүүлэгдэхэ болтогой».

Псалманууд 116:1

Бүхы үндэһэтэд, Эзэниие магтагты! Бүхы арадууд, Тэрэниие үргэмжэлэгты!

Псалманууд 34:17

Ай, Эзэн! Та хэды болотор хаража байхабта? Минии ами наһые хорото хэрэгүүдһээнь, ори ганса амиием арсалангуудһаа абарыт!

Псалманууд 65:3

Бурханда иигэжэ хэлэгты: «Хэрэгүүдтнай хэды һүрөөтэйб! Агууехэ хүсэтэйт, дайсадтнай Танай урда билдагуушална.

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Египедһээ гаралга 29:44

Майхан һүмые болон үргэлэй шэрээ нангин болгохоб. Аһароон болон тэрэнэй хүбүүдые адислажа, Минии санаартад болгохоб.

Ерэмияа 15:1

Тиигээд Эзэн намда: – Моисей, Самуил гэгшэдэйшье Минии урда зогсожо байгаа һаань, Би энэ арад түмэниие хайрлахагүйб. Энэ арад зониие Минии хажууһаа зайлуула, тэдэниие ябуул!

Ерэмияа 7:10

энээнэй удаа ерэжэ, Минии нэрээр нэрлэгдэһэн энэ үргөө соо урдамни зогсоод, «Бидэ абарагдаабди!» гэжэ хэлэнэт. Тиигээд эдэ бүхы жэгшүүрилтэ зүйлнүүдые саашадаашье хэжэл байнат.

Даниил 9:23

Шинии мүргэн зальбаржа эхилхэдэ, зарлиг гараа һэн. Тиигээд шэлэжэ абтаһан шамда тэрэниие дуулгахаяа ерээб. Тэрэ зарлигые ойлго, үзэгдэлые таажа аба.

Тоололго 16:38

Тэдэнэй эзэдынь нүгэлэйнгөө түлөө үхөө. Бойпуурнуудые дабтан хабтайлгажа, нимгэн түмэр болгуулаад, үргэлэй шэрээнүүдые бүрхөөн хушаг. Тэдэ амһартануудые Эзэн руу асардаг байгаа, тиигээд тэдэ арюун болонхой. Тэдэ хушалтанууд уридшалан һэргылэмжын тэмдэг израильшуудта боложо үгэг.

Матвей 6:9

Иигээд зальбаржа байгаарай: Тэнгэридэ оршодог Эсэгэмнай! Нангин нэрэтнай алдаршахань болтогой.

Иоанн 11:42

Та Намайе хододоо дуулажа байдагта гэжэ Би мэдэнэб. Намайе Та эльгээгээт гэжэ эндэ зогсогшо хүнүүдэй этигэхынь тула Би тиигэжэ хэлээб! – гэжэ

Хэрэгүүд 10:31

«Корнелий, шинии зальбарал болон хэһэн буяншни Бурханда хүрөө. Тэрэ шамайе һанаандаа барижа байна.

Хуули дабталга 11:12

Эзэн Бурхантнай тэрэ газарые анхаралаар хүреэлдэг, түхэреэн жэлэй туршада харааһаа табидаггүй.

Хуули дабталга 12:11

Эзэн Бурханайтнай нэрэеэ нэрлүүлхэ газар шэлэн заахадань, тиишэнь минии хэлэһэн бүхы юумэ асарагты: түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөрынгөө хубиин үргэл, Эзэндэ үргэһэн шахаа тангаригаартнай хараалагдаһан эрхим үргэл.

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Иоаннай 1-дэхи хандалга 5:14

Тиимэһээл Бурханай урда этигэл зоригтой байхабди. Бурханай дура хүсэлөөр бидэнэй юушье эреэ һаа, Бурхан дуулана. Энээндэ бидэ этигэн найданабди.