3 Хаан түрэнүүд 9:25 - Библи

²⁵ Соломоон түгэс шатаалта болон амгалан байдалай түлөө үргэлнүүдые Эзэндэ зорюулан бариһан үргэлэй шэрээ дээрэ жэлдээ гурба дахин үргэдэг байгаа. Эзэнэй урда тэрээн дээрээ уталгануудыешье ууюулдаг бэлэй. Иигэжэ тэрэ Һүмэ барижа дүүргэбэ.

3 Хаан түрэнүүд 9:25 ပူးပေါင်းရင်းမြစ်များ

3 Хаан түрэнүүд 6:14

Соломоон Һүмэ барижа дүүргэбэ.

3 Хаан түрэнүүд 6:38

Арбан нэгэдэхи жэлдээ, жэлэй наймадахи бүүл һарада Һүмын барилга бүхыдөө түгэсөө, бүхы хэрэгсэлнүүдынь хэгдээ, һанаһан юумэн булта бүтөө һэн. Соломоон хаан тэрэниие долоон жэл баряа бэлэй.

3 Хаан түрэнүүд 6:9

Иигэжэ тэрэ Һүмые барижа дүүргэбэ. Хушалтыень хуша модон хабтагайнуудаар бүрхөөгөө.

1 Угай бэшэг 23:13

Амраамай хүбүүд: Аһароон ба Моисей. Аһароон хамагай нангин бүтээлнүүдтэ зорюулагдан абтаа, тэрэ, мүн тэрэнэй хүбүүд хэтэдээ Эзэнэй шарайн урда алба бэелүүлхэ, Тэрэнэй нэрэһээ үреэлдэ хүртөөхэ, Тэрээндэ алба хэхэ уялгатай.

2 Угай бэшэг 29:11

Хүбүүдни! Сагаа дэмы гээжэ бү байгты, юуб гэхэдэ, Өөрэйнь урда зогсожо, алба хэжэ, уталгануудые ууюулхыетнай, албалхыетнай Эзэн Таанадые шэлээ бшуу.

2 Угай бэшэг 34:25

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй.

2 Угай бэшэг 8:16

Иигэжэ Соломоон барилга дүүргэбэ. Тэрэ Һүмын һуури табяа, тэрэл түгэсэтэрнь баряа. Эзэнэй Һүмэ дууһан бүтэн болоо бэлэй.

Египедһээ гаралга 30:7

Энэ шэрээ дээрэ хүжэ санзай ууяжа байха – Аһароон үглөө бүри бүхэһэн зула дэнгүүдээ заһан шэнэлдэг, үдэшэ бүри носоодог уялгатай байг. Эзэнэй үмэнэ хүжэ санзай саг үргэлжэ, үеһөө үедэ утагдажа байха ёһотой.

Египедһээ гаралга 34:23

Жэлдээ гурба дахин танай эрэшүүл Минии, Израилиин Эзэн Бурханай, үмэнэ зогсохо зэргэтэй.

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

Ударидагшад 11:40

Жэл бүхэндэ Израилиин басагад дүрбэн үдэр соо ябажа, Галаад угай Иптаагай басаган тухай дуу дууладаг юм.