3 Хаан түрэнүүд 6:1 - Библи

¹ Израилиин улад зоной Египедһээ гараһаар дүрбэн зуун наян жэлэй үнгэржэ байхада, Израилиин хан шэрээ эзэлһээр дүрбэдэхи жэлдээ, жэлэй хоёрдохи һара болохо зиив һарада Соломоон Эзэнэй Һүмэ барижа эхилээ бэлэй.

3 Хаан түрэнүүд 6:1 ပူးပေါင်းရင်းမြစ်များ

3 Хаан түрэнүүд 6:2

Баригша Эзэнэй Һүмэнь уташаа жаран тохой, хүндэлөөшөө хорин, үндэрөөрөө гушан тохой һэн.

3 Хаан түрэнүүд 6:37

Соломоон хан шэрээ эзэлһээр дүрбэдэхи жэлэйнгээ ябажа байхада, жэлэй хоёрдохи һара зиивэй үргэлжэлдэ Эзэнэй Һүмын һуури табиһан байна.

1 Угай бэшэг 29:19

Гэр бодхоохо талаар минии бэлдэһые сүм дэмжыт, Танай дүримүүдые, Танай захяануудые бэелүүлхынь тула минии хүбүүн Соломоондо хүсэ зориг заяагыт.

1 Угай бэшэг 6:10

Ёханаанай хүбүүн Азаарияа, тэрэ Иерусалимда Соломооной бариһан Һүмэдэ санаартан байгаа.

2 Угай бэшэг 3:3

Бурханай Һүмын һууриие Соломоон утаашаа жаран тохой, хүндэлөөшөө хорин тохой гээд табяа һэн.

Эзраа 5:11

Тэдэ манда иигэжэ харюусаба: «Бидэ тэнгэри болон газар бүтээһэн Эзэнэй богоолнууд һэн тула энэ Һүмэ һэргээн бодхоожо байнабди. Олон жэлэй урда тээ Израилиин агууехэ хаан энэ Һүмые барижа, арюудхаа юм.

Египедһээ гаралга 12:41

Дүрбэн зуун гушан жэлэй үнгэрһэн хойно энэ һүни Эзэнэй сэрэг шэнгеэр жагсаһан арад Египедһээ мултаран гаража ошобо.

Египедһээ гаралга 12:51

Тэрэ үдэр Эзэн Израиль угсаатаниие Египедһээ сэрэг шэнгеэр жагсаан гаргаба.

Эзэкээл 41:1

Удаань хүтэлэгшэ намайе Һүмын дотоодо үргөө руу оруулба. Хаалгын хоёр таладахи гадаада хажуу ханануудай үргэниие хэмжэхэдэнь, зургаан тохой үргэнтэй гэжэ элирбэ.

Хаггай 1:8

Хада өөдэ гаража, модо отолон, Һүмэ барижа эхилэгты! Би тэрээндэ сэдьхэлээ ханан, тэрээн соо магтуулан, Өөртөө мүргүүлэн байхаб.

Захарияа 6:15

Хаана холоһоо хамаг зон ерэжэ, Эзэнэй Һүмэ бодхоолгодо хабаадалсаха. Тиигэжэ Түмэн Сэрэгтэ Эзэн намайе танда эльгээгээ гэжэ мэдэхэт. Хэрбээ өөрын Эзэнэй үгэ түгэс дуулан дагабалтнай, эдэ бүгэдэ хүсэхэл даа.

Тоололго 1:1

Израильшуудай Египедэй газар дайдаһаа гаража ошоһонһоо хойшо хоёрдохи һарын нэгэдэхи үдэр, Синайн сүл губида майхан һүмэ соо Эзэн Моисейдэ иигэжэ айладаба:

Хэрэгүүд 13:19

Ханаһаанай газар нютагта долоон үндэһэтэниие тэрэ һүнөөгөөд, газарыень манай үбгэ эсэгэнэртэ эзэлжэ байхаарнь үгөө һэн.

Хэрэгүүд 7:47

Гэбэшье тэрэ Бурханай гэр Соломоон баряа юм.

Коринфынхидтэ 1-дэхи 6:19

Бэетнай Бурханһаа таанадта үгтэһэн зосоотнай оршодог Арюун Һүлдын һүмэ юм гэжэ мэдэхэгүй аалта? Таанад өөһэдынгөө дураар бэшэт, Бурханай мэдэлдэ байнат.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Колоссынхидтэ 2:7

Таанадые һургаһан ёһоор Тэрээн соо үндэһэеэ гүнзэгы табигты, Тэрэниие һуури болгон ажамидаралаа зохёогты, бүри ехээр Тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Еврейнүүдтэ 11:10

Бурханай зохёон бодхооһон бата һууритай хотые Абраһаам хүлеэжэ байгаа.

Еврейнүүдтэ 9:11

Харин Христоос ерээдүйн һайн һайханай Ахамад Санаарта болон ерээ. Тэрэнэй алба хэжэ байһан майхан бүри ехэ, улам һайхан, тэрэ майхан хүнүүдэй гараар бүтээгдээгүй, тиимэһээ зохёон бүтээгдэһэн энэ газар дэлхэйн хубинь бэшэ.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Ударидагшад 11:26

Израильшууд гурбан зуун жэл соо Хэшбоондо болон Ароһээртэ, тэдэниие тойроод байһан хотонуудта болон Арноон мүрэнэй эрье дээгүүрхи бүхы хотонуудта ажаһууна. Таанад эдэ олон жэлнүүд соо тэдэнэй газарнуудые юундэ бусаажа абаагүйбта?