3 Хаан түрэнүүд 4:29 - Библи

²⁹ Бурханай хайраар Соломоон сэсэн мэргэн, угаа ехэ эрдэмтэй, хизааргүй ухаатай байгаа.

3 Хаан түрэнүүд 4:29 ပူးပေါင်းရင်းမြစ်များ

Эхин 41:49

Далайн эрьеын элһэн мэтэ элбэг орооһо таряа тэрэ нөөсэлбэ, һүүлдэнь хэмжэхэ, тоолохошье аргагүй болоо бэлэй.

3 Хаан түрэнүүд 3:12

зай, тиимэһээ шинии гуйһанай ёһоор хэрэг ябуулхам: сэсэн мэргэн, бүхы юумэ ойлгохо ухаа шамда үршөөнэб. Шамдал адли ухаатай иимэ хүн байгаагүй, шинии удаашье тиимэ хүн мүндэлхэгүй.

3 Хаан түрэнүүд 3:28

Израилиин бүхы улад зон хаанай яажа энэ хэрэг шиидхэһые дуулахадаа, үнэн зүбөөр зарга хэрэгүүдые шиидхэхэ сэсэн мэргэн ухаа Бурхан тэрээндэ үршөөгөө гэжэ ойлгожо, хааниие ехэ хүндэлжэ эхилбэ.

3 Хаан түрэнүүд 4:20

Иуда болон Израилиин арад зон тэрэ үедэ далайн эрьеын элһэн мэтэ тоолошогүй олон болотороо үдэжэ, баян садхалан, жаргалтай хүхюу ажаһуугаа.

Һургаал 2:6

Юуб гэхэдэ, Эзэн сэсэн мэргэниие үршөөдэг, Тэрэнэй аманһаа ухаан ба мэдэлгэ гарадаг.

Экклезиаст 1:16

«Иерусалимда намһаа урид хаан түрэ эзэлэгшэдһээ үлүү боложо, ёһото мэргэн ухаан юун гээшэб гэжэ мэдэжэ абааб» гэжэ би зосоогоо сэдьхээ һэмби.

Экклезиаст 2:26

Нюдэндөө һайшаагдаһан хүндэ Тэрэ мэргэн ухаа, мэдэлгэ, баяр жаргал үгэдэг. Тиихэдээ Өөрынгөө урда гэмгүй нэгэндэ үгэхын тулада суглуулха, нөөсэлхэ ажалые нүгэлтэй хүнөөр хүүлэдэг байна. Энэньшье дэмы хүлгөөн, һалхи намнаһантай адли.

Исай 60:5

Эдэ бүгэдые хараад, баярлахаш, зүрхэншни хүдэлэн баясаха. Үндэһэ яһатадай баялиг таанадай болохо, далайгаар дамжан тэрэ ерэхэ.

Ерэмияа 33:22

Огторгойн одо мүшэдые гү, али далайн эрьеын элһэ тооложо барахагүйдэл адли олон Давидай уг удамые, мүн левит санаартадые болгохоб.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Аввакуум 1:9

Тэдэ бии хүсөөрөө урагшаа шармайн, дээрмэшэлхэеэ ерэнэ. Баряанда абааша зониинь элһэн мэтэ тоо томшогүй.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Яковай хандалга 1:5

Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг.

Ударидагшад 7:12

Мидианууд, амалээгүүд болон зүүн зүгтэ ажаһуугшад мүрэнэй тэрэ гол газарта байрлан тогтобо. Таршаа мэтэ олон тэдэниие, далайн эрьеын элһэн мэтэ олон тэмээнүүдыень тоолохын аргагүй үй түмэн байба.