3 Хаан түрэнүүд 22:8 - Библи

⁸ Израилиин хаан Ёшапаадта: – Эзэнэй харюу дамжуулан хэлэдэг үшөө нэгэ хүн биил даа, теэд би тэрээндэ дурагүйб, юуб гэхэдэ, тэрэ нам тушаа гансал муугаар уридшалан хэлэдэг, һайн юумэ хэлээгүй. Имлаагай хүбүүн Михай гээшэ, – гэбэ. Ёшапаат тэрээндэ: – Үгы, хаан, тиигэжэ бү хэлыш, – гэбэ.

3 Хаан түрэнүүд 22:8 ပူးပေါင်းရင်းမြစ်များ

Эхин 37:8

Тиихэдэнь аханарынь хэлэбэ: – Тиихэдээ ши манай хаан болохо гээ гүш? Үнэхөөр маанадай дээрэ гараха гэжэ байна гүш? Иигэжэ тэдэ энэ зүүдэнһөөнь боложо, тэрэниие бүри ехээр үзэн ядадаг болобо.

3 Хаан түрэнүүд 18:4

Эзэнэй лүндэншэдые Изээбэлэй хюдажа байхада, Обадияа зуун лүндэншые таби табяар хубаагаад, агы нүхэн соо нюужа, эдеэ хоолоор, ундаар хангадаг бэлэй.

3 Хаан түрэнүүд 19:10

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

3 Хаан түрэнүүд 19:14

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

3 Хаан түрэнүүд 22:13

Михай гэгшые дуудахаяа ошогшо нэгэн: – Михай, лүндэншэд нэгэн хүн мэтэ бултадаа хаанда һайн мэдээ дуулган, лүндэн табина. Танайшье үгэ тэдээндэл адли байг лэ, һайн мэдээ дуулгыт даа, – гэбэ.

3 Хаан түрэнүүд 22:18

Израилиин хаан Ёшапаадта: – Тэрэ нам тушаа һайнаар бэшэ, гансал муугаар уридшалан айладхадаг гэжэ би хэлээ бэшэ һэн гүб? – гэбэ.

3 Хаан түрэнүүд 22:27

Энээниие түрмэ шорондо хаяжа, минии амиды мэндэ бусатар хилээмэ, уһаар үл залгуулан байгты гээд хаан захирна гэжэ хэлэгты.

3 Хаан түрэнүүд 22:7

Харин Ёшапаат: – Эзэнһээ асууха үшөө ондоо лүндэншэ эндэ бии гээшэ гү? – гээд асууба.

3 Хаан түрэнүүд 22:9

Тиихэдэнь Израилиин хаан нэгэ түшэмэлөө дуудажа: – Имлаагай хүбүүн Михай гээшые түргөөр дуудажа асара, – гэбэ.

4 Хаан түрэнүүд 9:22

Ёраам Еһүүтэй золгон уулзаад: – Еһүү, амар амгаланаар ерэбэ гүш? – гэжэ һураба. – Шинии эхэ Изээбэлэй забхайрал, тэрэнэй эди шэдинүүд бидэндэ ямар амар амгалан байлгахаб? – гэжэ Еһүү харюусаба.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Псалманууд 34:21

Тэдэ нам руу амаа ангайлгажа, «Тиимэ, тиимэ, бидэ бүгэдые хараабди!» гэжэ гүжэрдэнэ.

Һургаал 15:12

Тэнэг хүн өөрыень зэмэлэгшые үзэн ядадаг. Тиимэһээ мэргэн хүн тээшэ шэглэхэгүй.

Һургаал 29:10

Алууршад гэмгүй хүниие үзэн ядадаг, сэхэ сэбэр хүнүүд ами наһан тухайнь һанаагаа табидаг.

Һургаал 9:8

Һэнгэргүй хүниие бү зэмэлэ, тэрэш шамайе үзэн ядаха. Харин сэсэн хүн зэмэлэлгые үнэтэйдэ тоолохо.

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 30:10

Тэдэ үзэлшэдтэ «үзэл бү үзэгты» гэнэ, мэдэлшэдтэ «мүн болохо юумэ бидэндэ бү харуулагты, бидэнэй дуулахаяа һанаһан юумэ хэлэгты, аятай юумэ мэргэлэгты.

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 20:10

«Тойроод ехэ аюултай! Мүргэе! Тэрээн тухай засаг баряашадта дуулгая!» гэжэ олоной шэбэнэлдэхые би шагнааб. Минии дүтын нүхэдшье бүдэрхыем хүлеэн хаража байна: «Тэрэ мэхэдэ орожо магадгүй. Тиигээ һаань, бидэ тэдэниие диилэжэ, үһөөгөө абахабди», – гэлдэнэ.

Ерэмияа 36:23

Иеһудиигэй гурба-дүрбэн бадаг уншаад байхада, хаан тэрэнииень багахан хутагаар отолоод, гал руу хаяжа байба. Иигэжэ бүхы хуйламал ном шатаагдан, үгы хэгдээ бэлэй.

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Амоос 5:10

Шүүхын газарта гэмнэгшые тэдэ үзэн ядадаг, үнэн зүб тунхаглаашадые тоодоггүй.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Михей 2:7

Яковай үринэр! Таанарта хэлэгдээгүй юм һэн гү? Эзэн тэсэбэригүй гэжэ гү? Эдэ болбол Тэрэнэй үйлэ хэрэгүүд гү? Зүб шударгаар хэрэг эрхилэгшэдэ Тэрэ «Һайн» гэжэ айладанагүй юм гү?

Захарияа 11:8

Би нэгэ һарын туршада гурбан хонишодые үлдэбэб. Ушарынь хадаа тэдэниие тэсэжэ байха Минии тэсэбэри дууһаа бэлэй, тэдэшье үзэн ядадаг болобо.

Матвей 10:22

Минии түлөө таанадые булта үзэн ядаха; зүгөөр эсэстэнь хүрэтэр тэсэжэ гараһаниинь абарагдаха.

Иоанн 17:14

Танай Үгые Би шабинартаа дамжуулааб, тиихэдэмни дэлхэйн зон тэдэндэ зэбүүрхэн дурагүйлхөө, тэдэнэр Намдал адли энэ дэлхэйн зоноор нэгэн бэшэ ха юм.

Иоанн 7:7

Дэлхэйн хүнүүд таанарта дурагүйлхэхэгүй, харин Намда тэдэ дурагүйлхэдэг, тэдэ хүнүүдэй үйлэ хэрэгэйнь ёро муутай байһые Би гэршэлэн харуулна ха юмбиб.

Галадуудта 4:16

Таанадта үнэн зүбые номноһон хэрэгээрээ дайсантнай болобо гүб?