3 Хаан түрэнүүд 22:6 - Библи

⁶ Израилиин хаан дүрбэн зуугаад лүндэншые суглуулжа: – Галаадай Рамоодто добтолхомнай гү, али үгы гү? – гэжэ асууба. Тэдэ: – Добтологты, Эзэн тэрэниие танай гарта үгэжэ байна, – гээд харюусаба.

3 Хаан түрэнүүд 22:6 ပူးပေါင်းရင်းမြစ်များ

3 Хаан түрэнүүд 12:9

– Эсэгынтнай маанад дээрэ ашаһан хүндэ ажалые хүнгэлыт гэжэ намда хэлэжэ байгааша арад зондо юун гэжэ харюу үгэхэбиб, намда зүбшэл хэлэгты, – гэжэ тэрэ тэдээндэ хандаба.

3 Хаан түрэнүүд 18:19

Мүнөө хадаа Израилиин бүхы улад зониие Кармээл хада дээрэ суглуула. Баалай дүрбэн зуун табин лүндэншые ба Изээбэлэй шэрээгэй саана эдеэ хоол баридаг, Ашэраа бурханай дүрбэн зуун лүндэншые тиишэнь асара.

3 Хаан түрэнүүд 18:20

Ахааб Израилиин бүхы арад түмэниие дуудажа ерүүлбэ, Кармээл хада дээрэ бүхы лүндэншэдые суглуулба.

3 Хаан түрэнүүд 22:10

Израилиин хаан болон Иудын Ёшапаат хаан хаан хубсаһаяа үмдэнхэй, Самари хотын талмай дээрэ, хаалгануудай хажууда өөр өөрын хаан шэрээдэ заларанхай һуугаа. Бүхы лүндэншэд урдань абарал буулгажа байгаа бэлэй.

3 Хаан түрэнүүд 22:15

Тэрэ хаанда ерэбэ. Хаан тэрээнһээ: – Михай, Галаадай Рамоодто добтолон орохомнай гү, али үгы гү? – гэжэ асууба. Тэрэ: – Добтолон орогты, амжалта туйлахат, Эзэн тэрэниие танай гарта үгэнэ, – гэбэ.

3 Хаан түрэнүүд 22:5

Удаань Ёшапаат Израилиин хаанда: – Түрүүн Эзэнһээ зүбшөөл һурыш, – гэбэ.

4 Хаан түрэнүүд 10:19

Мүнөө таанад нэгэшье хүниие үлөөнгүй, Баалай лүндэншэдые, тэрэнэй бүхы санаартадые суглуулжа, намда асарагты! Би Баалда агууехэ үргэл үргэхэ гэбэб! Өөрынгөө дураар намда ерээгүй хүнэй толгой таһарха! – гэжэ хэлэбэ. Үнэн дээрээ, Еһүү Баалда шүтэн мүргэгшэдые бултыень үгы хэхэ гэһэн иимэ мэхэ гаргаһан байба.

4 Хаан түрэнүүд 3:13

Элишаа Израилиин хаанда хандажа: – Шамда намһаа юун хэрэгтэйб? Өөрынгөө эхэ эсэгын лүндэншэдтэ ошо! – гэжэ хэлэбэ. – Тиигэжэ бү хэлыш даа. Моһаабуудай гарта үгэхэ гэжэ Эзэн бидэниие, гурбан хаашуулые эндэ асараа, – гэжэ Израилиин хаан Элишаада хэлэбэ.

2 Угай бэшэг 18:14

Тэрэ хаанда ерэбэ. Хаан тэрээнһээ: – Михай, Галаадай Рамоодто добтолон орохомнай гү, али үгы гү? – гэжэ асууба. Тэрэ: – Добтолон орогты, амжалта туйлахат, Эзэн тэрэниие танай гарта үгэнэ, – гэбэ.

Исай 36:10

Тиигээдшье би Эзэнэй зүбшөөлгүйгөөр энэ газарта дайлаха гэжэ ошохо һэн гүб? Үгы ааб даа. Энэ орон нютагта ошожо, һандарал ушаруулха тухайм Эзэн Өөрөө намда захираал!

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Эзэкээл 13:22

Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Тимофейдэ 2-дохи 4:3

Ушарынь юуб гэхэдэ, хүнүүд зүйтэй һургаал дуулахаяа болёод, шагнаха дуратай юумыень хэлэдэг багшанарые өөрынгөө дураар шэлэдэг саг ерэхэ.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.