3 Хаан түрэнүүд 2:7 - Библи

⁷ Галаад нютагай Барзиллай гэдэг хүнэй хүбүүдтэ хайра үзүүлжэ, шамтай хамта эдеэ хоол баридаг зоной дунда һуулгаарай. Абшалоом ахаһааш тэрьедэн байха үедэм тэдэ намда туһалһан юм.

3 Хаан түрэнүүд 2:7 ပူးပေါင်းရင်းမြစ်များ

Эхин 40:14

Зүгөөр та бүхы юумэнэйнгээ һайжархада, нам тухай һанаарайт. Намда үршөөл хайраяа үзүүлжэ, фараондо нам тухай хэлэжэ, энэ түрмэһөө сүлөөлхэ арга хыт даа.

2 Хаан түрэнүүд 19:28

Минии үбгэ эсэгын гэр бүлэ хаанай урда юуншье бэшэ, үхэл тарааха зон байгаашье һаань, та намайе өөрынгөө шэрээдэ, тантай хамта эдеэ хоол баридаг зоной дунда һуулгаат. Би юундэшье гомдохо эрхэгүйб, – гэжэ Мэпибоошэт харюусаба.

2 Хаан түрэнүүд 9:10

Эзэнэйшни аша хүбүүнэй хоол хүнэһэтэй байхын тула ши, хүбүүдшни, богоолнуудтнай газарынь элдүүрилжэ, үрэ жэмэсыень асаран үгэжэ байгты. Тэрээнһээ гадна эзэнэйшни аша хүбүүн Мэпибоошэт минии шэрээдэ һуужа, намтай хамта эдеэ хоол бариха эрхэдэ хүртэхэ. Цибаа арбан табан хүбүүтэй, хорин богоолтой бэлэй.

2 Хаан түрэнүүд 9:7

– Бү ай. Би шинии эсэгэ Ёнатаанай түлөө шамда энэрэл хайра заабол үзүүлхэб, хүгшэн абыншни Саулай бүхы газарые шамда бусаахаб. Ши минии шэрээдэ һуужа, намтай хамта хододоо эдеэ хоол баридаг байхаш, – гэжэ Давид тэрээндэ хэлэбэ.

4 Хаан түрэнүүд 25:29

Ехонияа түрмэдэ һуухадаа үмдэжэ байһан хуушан хубсаһаа тайлажа, шэнэ хубсаһа үмдэбэ. Тиигээд Ехонияа тэрэ үдэрһөө эхилжэ, үхэн үхэтэрөө Вавилооной хаантай хамта шэрээдэ һуужа эдеэлдэг байба.

4 Хаан түрэнүүд 25:30

Тиигэжэ тэрэ наһа баратараа Вавилооной хаанһаа үдэр бүхэндэ тэдхэмжэ тэжээл ходол абажа байһан юм.

Эзраа 2:61

Тэдэнһээ гадна санаартадһаа гэбэл: Хабайяагай уг, Һаккооцой уг, мүн Барзиллайн уг. Барзиллай бол Галаад нютагай Барзиллайн басагадай нэгые һамган болгоод, нэрэдэнь ороһон түүхэтэй.

Һургаал 27:10

Өөрын нүхэдые ба эсэгын нүхэдые бү марта. Гай гашуудал болоходонь аха дүүгэй гэр тээшэ бү зори. Холо һуудаг аха дүүһээ ойро һуудаг хүршэ дээрэ.

Ерэмияа 52:33

Ехонияа түрмэдэ һуухадаа үмдэжэ байһан хуушан хубсаһаа тайлажа, шэнэ хубсаһа үмдэбэ. Тиигээд Ехонияа тэрэ үдэрһөө эхилжэ, үхэн үхэтэрөө Вавилооной хаантай хамта шэрээдэ һуужа эдеэлдэг байба.

Лука 12:37

Эзэнэйнгээ ерэхэдэ, һэргэлэн байһан зарасанар жаргалтай! Үнэн зүрхэнһөө таанадтаа хэлэнэб: эзэниинь дэгэлээ тайлаад, зарасанараа шэрээдэ һуулгажа, өөрөө тэдэнээ хүндэлхэ.