3 Хаан түрэнүүд 2:5 - Библи

⁵ Үшөө Нээрэй хүбүүн Абнээр, Етээрэй хүбүүн Амасаа гэгшэдтэ – Израилиин хоёр жанжинда Цэруяагай хүбүүн Ёһаабай юу хэһые һанана ёһотойш. Амгалан тайбан байдалай тогтоод байхада тэрэ дайнай үедэ мэтэ тэдэниие алаа бэлэй. Гарынь тэдэнэй шуһанда зууралданхай.

3 Хаан түрэнүүд 2:5 ပူးပေါင်းရင်းမြစ်များ

2 Хаан түрэнүүд 17:25

Абшалоом Ёһаабай орондо Амасаа гэгшые сэрэгэй ударидагшаар томилоо. Амасаа хадаа Езрээл хотын Итраа гэгшын хүбүүн; тэрэнэй эхэнь Абигааһил, Абигааһил гээшэ Наһаашай басаган, Ёһаабай эхэ Цэруяагай дүү бэлэй.

2 Хаан түрэнүүд 18:12

тэрэ Ёһаабта хэлэбэ: – Намда мянганшье шээкэл мүнгэ үгөө һаань, би хаанай хүбүүндэ гар хүрэхэгүйб. Маанадай шагнажа байхада хаан танда болон Абишай, Иттай гэгшэдтэ «Абшалоом хүбүүе минии түлөө дүмөөрэйгты» гэжэ захираа бэлэйл.

2 Хаан түрэнүүд 18:14

Ёһааб иигэжэ хэлэбэ: – Би эндэ шамтай сагаа дэмы үнгэргэжэ байнаб. Тиигээд тэрэ ошоод, гартаа гурбан модо абаад, сарса модондо үлгэлдэнхэй, үшөө амиды байһан Абшалоомой сээжэ руу зообо.

2 Хаан түрэнүүд 18:5

Тэрэ Ёһаабта, Абишайда болон Иттайда иигэжэ захирба: – Минии түлөө Абшалоом хүбүүе дүмэгты, гар бү хүрэгты. Абшалоом тухай хаанай сэрэгэй бүхы ударидагшадта тиигэжэ захиржа байһые бүгэдэ зон шагнаа һэн.

2 Хаан түрэнүүд 2:13

Цэруяа гэдэг эхэтэй Ёһааб Давидай сэрэг ударидан, мүн лэ гаража, тэдэ Гибэһооной сөөрэмэй хажууда уулзаба. Тэдэнэй нэгэнь сөөрэмэй наада талада, нүгөөдэнь саада таладань байгаа.

2 Хаан түрэнүүд 2:18

Тэндэ Цэруяагай гурбан хүбүүд Ёһааб, Абишай, Асаһээл гэгшэд байлсаа. Асаһээл хадаа талын зээрэн мэтэ хурдан хүлтэй байгаа.

2 Хаан түрэнүүд 20:10

Харин Амасаа Ёһаабай гарта байһан һэлмэһээ болгоомжолбогүй. Ёһаабай Амасаае хэбэл руунь хадхахада, гэдэһэниинь газарта гоожобо. Тэрэ амяа табижа, Ёһаабай дахин тэрэниие хадхахань хэрэггүй болоод байгаа. Удаань Ёһааб болон тэрэнэй дүү Абишай Бихриин хүбүүн Шэбаагай хойноһоо мүрдэн ошобо.

2 Хаан түрэнүүд 3:27

Иигээд Абнээрэй Хэброондо асарагдахада, Ёһааб тэрээнтэй хүнгүйгөөр хөөрэлдэхэеэ бартаанууд тээшэ абаашаад, гэдэһэ руунь хадхажа алаба. Ёһаабай дүү Асаһээлые алаһанайнгаа түлөө иигэжэ Абнээр наһа бараа бэлэй.

2 Хаан түрэнүүд 3:39

Би хаан түрэдэ тоһоор түрхюулэн ёһолуулһаншье һаа, мүнөөдөө үшөөл хүсэгүйб, харин Цэруяагай хүбүүд угаа хэрзэгы хатуу. Эзэн мууе үйлэдэгшэдэ хэһэн хэмээрнь тэрэнииень амасуулхань болтогой!

3 Хаан түрэнүүд 1:7

Цэруяагай хүбүүн Ёһаабтай, Абиатаар санаартантай тэрэ хөөрэлдэжэ, тэдэнь өөрыень дэмжэжэ эхилбэ.

3 Хаан түрэнүүд 2:32

Давид эсэгымни мэдээгүй байтар Ёһааб ямаршье зэмэгүй, өөрһөөнь һураггүй эрхим хоёр хүниие – Нээрэй хүбүүн, Израилиин жанжин Абнээрые, мүн тиихэдэ Етээрэй хүбүүн, Иудын жанжин Амасаае һэлмээр сабшан алаа һэм шуу. Эзэн энэ шуһые өөрынь толгой дээрэ буулгаха.

Ерэмияа 2:34

Мүн дэгэлэйтнай хормой дээрэ гэм зэмэгүй, үгытэй ядуу зоной шуһан харагдана. Теэд тэдэ зоной дээрмэдэжэ байхань үзэгдөөгүйл.

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Матвей 3:4

Иоанн тэмээнэй нооһон хубсаһа үмдэдэг, һур бэһэ бэһэлээд ябадаг бэлэй. Тэрэ таршаагаар, зэрлиг зүгын балаар хооллодог байгаа.

Хуули дабталга 27:24

«Нэгэ яһанай хүнөө нюусаар хороогшо нэгэн хараалай ехэ хараалтай!» Бүхы арад зон харюусаха: «Болтогой!»