3 Хаан түрэнүүд 2:32 - Библи

³² Давид эсэгымни мэдээгүй байтар Ёһааб ямаршье зэмэгүй, өөрһөөнь һураггүй эрхим хоёр хүниие – Нээрэй хүбүүн, Израилиин жанжин Абнээрые, мүн тиихэдэ Етээрэй хүбүүн, Иудын жанжин Амасаае һэлмээр сабшан алаа һэм шуу. Эзэн энэ шуһые өөрынь толгой дээрэ буулгаха.

3 Хаан түрэнүүд 2:32 ပူးပေါင်းရင်းမြစ်များ

Эхин 4:11

Одоо Би газар хүрьһэнтэйш хамта шамда хараал шэнгээхэм. Алаһан дүүгэйш шуһан энэ газарта нэбтэрэнхэй.

Эхин 42:22

Тиихэдэнь эгээл аха болохо Рэүбээн бусадтаа хандажа хэлэбэ: – Тэрэ үхибүүндэ мууе бү хэгты гэжэ минии хэды хэлээшье һаа, таанад дуулаагүй һэн бэшэ гүт? Харин мүнөө шуһыень урдахуулһанайнгаа түлөө харюусажа байнабди.

Эхин 9:6

Хэрбээ хэн нэгэн хүниие алаа һаа, өөрөө алуулха. Юундэб гэхэдэ, хүн гээшэ Минии, Бурханай, түһөөгөөр бии болгогдоо.

2 Хаан түрэнүүд 1:16

Давид амалээг хүндэ иигэжэ үгүүлээ бэлэй: – Ши өөрөө өөртөө тодхор татааш. «Эзэнэй тоһолһон хүниие алааб» гэжэ хэлэхэдээ, ши өөрынгөө урдаһаа гэршэлээш.

2 Хаан түрэнүүд 17:25

Абшалоом Ёһаабай орондо Амасаа гэгшые сэрэгэй ударидагшаар томилоо. Амасаа хадаа Езрээл хотын Итраа гэгшын хүбүүн; тэрэнэй эхэнь Абигааһил, Абигааһил гээшэ Наһаашай басаган, Ёһаабай эхэ Цэруяагай дүү бэлэй.

2 Хаан түрэнүүд 3:29

Тэрэнэй шуһан Ёһаабай болон түрэл гаралайнь толгой дээрэ буухань болтогой! Венерическэ, һэлхэ үбшэнтэн, таяг тулаашад, һэлмээр сабшуулагшад, үлэн хооһон зон Ёһаабай уг удамһаа бү һалаг!

2 Хаан түрэнүүд 3:37

Иигэжэ Нээрэй хүбүүн Абнээрэй гээгдэһэндэ хаанай ямаршье хамаагүй байһые бүхы Иуда болон бүхы Израиль тэрэ үдэр ойлгоо һэн.

2 Хаан түрэнүүд 3:39

Би хаан түрэдэ тоһоор түрхюулэн ёһолуулһаншье һаа, мүнөөдөө үшөөл хүсэгүйб, харин Цэруяагай хүбүүд угаа хэрзэгы хатуу. Эзэн мууе үйлэдэгшэдэ хэһэн хэмээрнь тэрэнииень амасуулхань болтогой!

2 Хаан түрэнүүд 4:11

Харин мүнөө харатай муу зоной гэмгүй хүниие гэртэнь, өөрынь орон дээрэ алаад байхада, би тэрээнэйнь түлөө тэдэниие харюусалгада татахаб! Таанадые газарай хүрьһэнһөө аршажа хаяхаб!

3 Хаан түрэнүүд 2:44

Хаан Шимэйдэ иигэжэ хэлэбэ: – Минии эсэгэ Давидта хэһэн бүхы муу муухай хэрэгүүдээ мэдэнэш, сүм ойлгонош. Эзэн муу муухай хэрэгүүдыеш толгой дээрэш бусаан буулгаг!

3 Хаан түрэнүүд 2:5

Үшөө Нээрэй хүбүүн Абнээр, Етээрэй хүбүүн Амасаа гэгшэдтэ – Израилиин хоёр жанжинда Цэруяагай хүбүүн Ёһаабай юу хэһые һанана ёһотойш. Амгалан тайбан байдалай тогтоод байхада тэрэ дайнай үедэ мэтэ тэдэниие алаа бэлэй. Гарынь тэдэнэй шуһанда зууралданхай.

3 Хаан түрэнүүд 8:32

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

2 Угай бэшэг 21:13

Израилиин хаашуулһаа жэшээ абажа, Ахаабай болон уг удамайнь хэдэгтэл адляар, Иудын болон Иерусалимай ажаһуугшадые Эзэнһээ буруу харуулһанайш түлөө, шамһаа үлүү һайн дүү хүбүүдээ усадхаһанайш түлөө

2 Угай бэшэг 21:14

Эзэн арад түмэнииеш, үхи хүүгэдыеш, һамгадыеш, зөөри хогшолыеш угаа ехээр хюдаха.

Эстээр 1:19

Эзэн хаан, танай һанаанда таарамжатай һаань, иимэ зүбшэл хэлэхэ байнаб: Баштии Ахашвероош хаанай нюур хэзээшье бэшэ харахагүй гэһэн зарлиг буулгаад, энэ зарлигаа Перс, Мидиин уласай хуули ёһонуудта оруулха. Хэншье тэрэ хуули болюулжа шадахагүй болоно. Баштии хатанһаа үлүү һайхан эхэнэрые шэлэн абажа, хатан болгохо.

Псалманууд 7:16

Ондоо хүндэ унаха нүхэ малтагша нэгэн өөрөөл тиишээ халин унаха!

Псалманууд 7:17

Муу юумэнь өөрынь урдаһаа эрьехэ, өөрынь толгойдо бууха!

Эзэкээл 17:19

Минии нэрээр тангариглан, Минии урда хэлсээ баталһан аад, тэдэнээ эбдэһэнэйнь түлөө Би энэ хэлсээнэй хараалые өөрынь толгой дээрэ буулгахаб. Энээн тушаа Би Өөрөөрөө тангаригланаб!

Тоололго 32:23

Эдэ бүгэдые бэелүүлээгүй һаа, Эзэндэ нүгэл хээд, хэһэн нүгэлэйнгөө түлөө хэһээлтэдэ таанад орохот.

Ударидагшад 9:57

Тиигээд Бурхан Шэхээмдэ ажаһуугшадай бүхы мууень тэдэнэй өөһэдынь толгой дээрэ буулгаба. Иигэжэ Еруббаалай хүбүүн Ётаамай хараал тэдээндэ тохёолдобо.

1 Хаан түрэнүүд 15:28

Самуил тэрээндэ: – Эзэн мүнөөдэр шамһаа Израилиин хаан түрэ таһалан абаа, тэрэниие шамһаа үлүү хүндэ үгэбэ.