3 Хаан түрэнүүд 2:3 - Библи

³ Юушье хэбэл, хаанашье ябабал, амжалта туйлахын тула Өөрын Эзэн Бурханиие шүтэн ябаарай. Моисейн хуули соо бэшэгдэһэн Эзэнэй хуули ёһо, зарлигуудые, тогтоол, һургаалнуудые сахин байгаарай.

3 Хаан түрэнүүд 2:3 ပူးပေါင်းရင်းမြစ်များ

2 Хаан түрэнүүд 8:14

Тэрэ Эдоомдо өөрын сэрэг ноёдые һуурижуулба. Бүхы Эдоомоор тэдэ байрлажа, эдоомшууд бултадаа Давидай богоолнууд болобо. Давидай ябаһан газар бүхэндэнь Эзэн туһалан байгаа.

2 Хаан түрэнүүд 8:6

Тиигээд Дамааскын араамшуудые зонхилхо өөрын сэрэг ноёдые дээрэнь табиба, араамшууд богоолынь боложо, ясаг түлэдэг болоо һэн. Давидай ябаһан газар бүхэндэнь Эзэн туһалжа байгаа.

3 Хаан түрэнүүд 3:3

Соломоон Давид эсэгынгээ захяа заабаринуудые сахин, Эзэндэ угаа дуратай һэн. Теэд бусадтал адли тэрэшье мүргэлэй обоонууд дээрэ үргэл, уталгануудые хэдэг бэлэй.

4 Хаан түрэнүүд 18:7

Эзэн Хэзэкияатай хамта. Тиимэһээ Хэзэкияа ямаршье юумэ хэбэл, тэрэнь булта бүтэдэг байгаа. Хэзэкияа Ассириин хаанай урдаһаа эсэргүүсэн бодожо, тэрэнэй засаглал дороһоо гараба.

1 Угай бэшэг 29:19

Гэр бодхоохо талаар минии бэлдэһые сүм дэмжыт, Танай дүримүүдые, Танай захяануудые бэелүүлхынь тула минии хүбүүн Соломоондо хүсэ зориг заяагыт.

Псалманууд 119:2

Эзэн, намайе худалша аманһаа, худал хуурмаг хэлэнһээ абарыт!

Псалманууд 19:7

Эзэн Өөрын ёһолон шэлэһэн хаанаа абардаг гэгшые мүнөө мэдэбэб. Өөрын арюун тэнгэриһээ тэрээндэ харюу үгэжэ, хүсэ шадалта гараараа тэрээндэ илалта туйлуулаа.

Экклезиаст 12:13

Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.

Левит 8:35

Таанад майхан һүмын үүдэндэ үдэр-һүнигүй долоон үдэрэй турша соо байгты, үгы һаа, таанад хосорхот. Иигэжэ Эзэнһээ намда захигдаһан юм.

Малаахи 4:4

«Минии зараса Моисейн Һургаал һанагты. Хорээб хада дээрэ Минии тэрээндэ тушааһан тогтоол, зарлигуудые һанагты. Энэ хадаа бүхы Израильда хэгдэһэн хэрээ захяа гээшэ.

Хуули дабталга 29:8

Тиигээд тэдэнэй газар абажа, Рэүбээн, Гаад гэгшэдэй обогуудта, мүн Мэнашшээ гэгшын обогой хахадтань үгөө бэлэйбди.

Хуули дабталга 29:9

Энэ хэлсээнэй бүхы захяа заабаринуудые сахин дүүргэгты. Тиигэбэл, хэһэн хэрэг бүхэнтнай урагшатай байха.

Хуули дабталга 4:1

Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Хуули дабталга 4:45

Египедһээ гараһанай удаа, Иордан голой зүүн бэедэ, Бэт-Пэһоор хотын урдаһаа тулаһан нюруу дээрэ, Хэшбоондо ажаһууһан Сиһоон хаантай эмоор арадай газарта (Египедһээ гарахадаа, Моисей Израилиин улад зонтой хамта тэрэниие диилээ бэлэй) Израилиин зондо Моисей эрхэ нүхэсэлнүүдые, хуулинуудые, ёһо гуримуудые дамжуулаа һэн.

Хуули дабталга 4:5

Ойлгогты, Эзэн Бурханайнгаа намда захин заабарилһан хуули, ёһо гуримуудта таанадые һурганаб. Эзэлхэ зорилготойгоор ошожо ябаһан тэрэ газартаа эдэниие сахин байгты.

Хуули дабталга 4:8

Мүнөө минии дамжуулжа байһан бүхы энэ һургаал заабаридал адли иимэ үнэн зүб хуули, ёһо гуримтай агууехэ үндэһэтэн үшөө бии юм гү? Үгы!

Хуули дабталга 5:1

Моисей Израилиин бүхы арад зониие дуудажа, иигэжэ тэдээндэ хэлэбэ: – Израилиин арад зон, таанадта мүнөө минии хэлэхэ бүхы хуули, ёһо гуримуудые шагнагты, сээжэлдээд, жэншэдгүй сахин ябагты.

Нүүнэй Иисүүс 22:5

Гансал Эзэнэй богоол Моисейн танда захиһан захяа хуулиие жэншэдгүй сахихые оролдогты: Эзэндэ, танай Бурханда дуратай байгты, Тэрээнэй замаар ябагты, Тэрээнэй захяае хадагалжа ябагты, Тэрээндэ няалдажа, бүхы зүрхөөрөө, бүхы сэдьхэлээрээ алба хэгты.

Нүүнэй Иисүүс 23:6

Тиимэһээ Моисейн Хуулиин номдо бэшэгдэһэниие тон зүбөөр хадагалжа сахихые оролдогты, баруун тээшэшье, зүүн тээшээшье бү хазагайрагты.

1 Хаан түрэнүүд 18:14

Эзэнэй Давидтай хамта байһан ушарһаа тэрэ бүхы хэрэгүүдтээ амжалта туйлагша һэн.

1 Хаан түрэнүүд 18:30

Пилиштүүдэй ноёдой дайлалдахаар ерэхэдэ, Давид Саулай бүхы сэрэгэй түшэмэлнүүдһээ үлүү амжалтануудые туйлан, тэрэнэй нэрэнь улам ехээр алдаршаба.

1 Хаан түрэнүүд 18:5

Иигэжэ Давид Саулай эльгээһэн газар бүридэнь ябажа, амжалта туйладаг байгаа. Саул тэрэниие сэрэгэй ноён болгобо. Энэнь бүхы арад түмэндэ болон Саулай зарасанарта һайшаагдаа бэлэй.