3 Хаан түрэнүүд 2:22 - Библи

²² Соломоон харюудань: – Адонияада Шүнээмэй Абишаагые үгэхэ тухай юундэ гуйбат?! Минии аха һэн тулань нэгэ мүртөө тэрээндэ хаан түрыешье гуйгыт! Абиатаар санаартан, Цэруяагай хүбүүн Ёһаабшье тэрэнэй тала барина бэшэ аал?! – гэжэ хэлэбэ.

3 Хаан түрэнүүд 2:22 ပူးပေါင်းရင်းမြစ်များ

2 Хаан түрэнүүд 12:8

Би шамда хаанта ордон, һамгадыешни үгөөб, шамайе Израилиин болон Иудын хаан болгооб. Хэрбээ энээнэй багадаа һаань, Би шамда үшөө ехэ юумэ үгэхэ һэм.

2 Хаан түрэнүүд 16:21

Ахитоопэл харюусаба: – Гэрээ һахюулхаар эсэгынгээ үлөөһэн бага һамгадтай унтагты. Таниие эсэгэдээ үзэн ядуулхаар юумэ хэһыетнай, үнэхөөр дайсаниинь болоһыетнай бүхы Израиль дуулажа, танай тала баригшад бүри ехээр таниие дэмжэжэ эхилхэ.

3 Хаан түрэнүүд 1:11

Тиихэдэнь Натаан Соломооной эхэ Бат-Шээбэдэ: – Хаггиидэй Адонияа хүбүүн өөрыгөө хаан болгоо гэжэ дуулаа һэн гүт? Давид эзэн хаамнай энээн тушаа юушье мэдэнэгүй!

3 Хаан түрэнүүд 2:15

– Хан түрэ минии болохо ёһотой гэжэ Израилиин зон һанажа, намайе ерээдүй хаан гээд тоолодог байгаа. Харин ондоогоор хэрэг эрьежэ, минии дүү хүбүүн хаан болобо. Энэ хадаа Эзэн иигэжэ шиидээ!

1 Угай бэшэг 3:2

гурбадахинь – Гэшүүрэй хаан Талмаайн басаган Маһахааһаа гараһан Абшалоом; дүрбэдэхинь Хаггиидэй хүбүүн Адонияа;

1 Угай бэшэг 3:5

Иерусалимда түрэһэн тэрэнэй хүбүүд: Шимаа, Шобааб, Натаан, Соломоон. Эдэ дүрбэн хүбүүд Аммиһээлэй басаган Бат-Шууаһаа гараһан;

Матвей 20:22

Иисүүс харюудань: – Таанад юун тухай гуйжа байһанаа үнэхөөрөө ойлгоногүйт. Минии амсаха ёһотой зоболонгой аягаһаа таанад уужа амсажа шадаха аалта? – гэбэ. Тиихэдэнь Яков Иоанн хоёр: – Шадахабди, – гэжэ тэрээндэ харюусаба.

Марк 10:38

– Таанад юун тухай гуйжа байһанаа үнэхөөрөө ойлгоногүйт. Минии амсаха ёһотой зоболонгой аягаһаа таанад уужа амсажа шадаха аалта? Минии хүртэхэ ёһотой зоболонто уһан арюудхалгада таанад хүртэжэ шадаха аалта? – гэжэ Иисүүс хэлэбэ.

Яковай хандалга 4:3

Тиихэдэ гуйхадаашье, тэдэ юумэнүүдээ абанагүйт, юундэб гэхэдэ, таанад һайн һайханай тула бэшэ, харин өөрынгөө хүсэлэнгүүдые хангахын тула гуйнат.