3 Хаан түрэнүүд 18:7 - Библи

⁷ Обадияа ябажа байтараа Элияае харажархиба. Танимсаараа тэрэ доошоо һүгэдэн: – Минии эзэн Элияа та мүн гүт? – гэжэ асууба.

3 Хаан түрэнүүд 18:7 ပူးပေါင်းရင်းမြစ်များ

Эхин 18:12

Тиимэһээ Сарра энеэн алдаад, досоогоо бодобо: «Бидэ хоёр үтэли амитад юундэ залуу мэтэ хамта унтажа байхабибди даа».

Эхин 18:2

Абраһаам гурбан эрэ хүнэй зогсожо байхые хараба. Тэрэ гүйжэ ошоод, тэдээндэ газар хүрэтэр доро дохин хэлэбэ:

Эхин 44:16

– Эрхим хүндэтэ эзэн! Бидэ юун гэжэ хэлэхэбибди даа. Өөһэдынгөө гэмгүйе яажа гэршэлхэбибди? Бурхан маанадта гэм зэмэ олоод, мүнөө зарга шиидхэжэ байна. Эрхим хүндэтэ эзэмнай, ядуухан бидэтнай аяга хулгайлһан, хулгайлаагүйтэеэ бултадаа танай богоол болобобди, – гэжэ Иуда харюусаба.

Эхин 44:20

«Үндэр наһатай эсэгэтэйбди, тэрэнэймнай үтэлһэн хойно гараһан нэгэ дүү хүбүүн бии. Тэрэ дүүгэймнай түрэһэн аха наһа баранхай. Тиигээд дүүгэймнай эхэһээ гансаараа үлэһэн болохолоорнь эсэгэмнай тэрээндээ угаа дуратай юм» гэжэ харюусаа бэлэйлди.

Эхин 44:33

Тиимэһээ, эрхим хүндэтэ эзэмнай, би, танай богоол, иигэжэ гуйха байнаб: дүүгэйнгээ орондо эндэ богоол болон үлэһүүлби. Харин тэрэмнай аханартаяа бусаг лэ.

Эхин 50:18

Аха дүүнэрынь тэрээндэ ерэжэ, урдань һүгэдэжэ мүргөөд, хэлэбэ: – Бидэ мүнөө танай богоолшье болохоор бэлэн байнабди!

2 Хаан түрэнүүд 19:18

Иигээд тэдэ хаанай гэр бүлэдэ, түшэмэлнүүдтэнь гол гаталхадань туһалба. Хаанай Иордан гол гаталхадань, Гэраагай хүбүүн Шимэй урдань газарта унаба.

3 Хаан түрэнүүд 11:29

Нэгэтэ Еробоһаамай Иерусалимһаа гараад ябажа байхада Шилооной Ахияа лүндэншэ шэнэ хубсаһа үмдэнхэй урдаһаань дайралдаба. Хээрэ талада ганса тэдэл байгаа.

3 Хаан түрэнүүд 18:6

Тэдэ газар шэнжэхээр өөр хоорондоо хубаагаад ябаба: Ахааб нэгэ харгыгаар, Обадияа нүгөө харгыгаар ошобо.

3 Хаан түрэнүүд 18:8

Тэрэнь: – Би. Элияа эндэ ерээд ябана гэжэ эзэндээ ошожо хэлэ, – гэбэ.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Тоололго 12:11

Аһароон Моисейдэ иигэжэ хэлэбэ: – Минии эзэн, гуйнаб, мунхажа тэнэгээр дуугарһан маанадай нүгэлые хүлисыт.

Матвей 11:8

Таанар юу үзэхэеэ тиишэ ошообта? Зөөлэн хубсаһа үмдөөд ябаһан хүниие гү? Теэд зөөлэн хубсаһа үмдөөд ябадаг хүнүүд хаанай үргөөдэ ажаһуунал.

Матвей 3:4

Иоанн тэмээнэй нооһон хубсаһа үмдэдэг, һур бэһэ бэһэлээд ябадаг бэлэй. Тэрэ таршаагаар, зэрлиг зүгын балаар хооллодог байгаа.

1 Хаан түрэнүүд 20:41

Зараса хүбүүнэй ябахада, Давид урда зүгһөө гаража ерэн, нюураараа газар шаан унажа, гурба удаа һүгэдэн мүргэбэ. Тэдэ бэе бэеэ таалажа, хамтадаа уйлалдаба. Давид үлүү ехээр уйлаа бэлэй.