3 Хаан түрэнүүд 17:18 - Библи

¹⁸ Тэрэ эхэнэр Элияада: – Би танда ямар муу юумэ хээбиб? Бурханай хүн гэжэ таниие һанаалби. Харин та минии нүгэлые һануулжа, хүбүүем хюдахаяа ерэһэн байгаат, – гэбэ.

3 Хаан түрэнүүд 17:18 ပူးပေါင်းရင်းမြစ်များ

Эхин 44:16

– Эрхим хүндэтэ эзэн! Бидэ юун гэжэ хэлэхэбибди даа. Өөһэдынгөө гэмгүйе яажа гэршэлхэбибди? Бурхан маанадта гэм зэмэ олоод, мүнөө зарга шиидхэжэ байна. Эрхим хүндэтэ эзэмнай, ядуухан бидэтнай аяга хулгайлһан, хулгайлаагүйтэеэ бултадаа танай богоол болобобди, – гэжэ Иуда харюусаба.

Эхин 50:15

Эсэгынгээ наһа бараһанай һүүлээр Иосифой аха дүүнэр хоорондоо хөөрэлдэбэ: – Олон жэлэй урда тээ бидэ Иосифто муу юумэ хэһэн гээшэбди. Тиимэһээ тэрэ мүнөө маанадта муу һанажа, үһөөгөө абахаяа һанаа һаань, яахабибди?

Эхин 50:17

«Урдань шамда муу юумэ хэһэн аханараа, зэмыень, тэдэнэйгээ үйлэдэһэн нүгэлыень хүлисыш даа гэжэ Иосиф хүбүүндэмни дамжуулаарайгты». Тиимэһээ эсэгымнай шүтэн зальбардаг Бурханай богоолнууд болохо маанадые хүлисыш даа гэжэ бидэ мүнөө шамайе гуйнабди. Эдэ үгэнүүдые шагнахадаа, Иосиф уйлаа һэн.

2 Хаан түрэнүүд 16:10

Хаан: – Цэруяагай хүбүүд, таанад яанабта? Хэрбээ Эзэнэй тэрээндэ «Давидые хараа» гэжэ хэлээ хадань, тэрэ харааһан болобол, хэн тэрээндэ «Ши юундэ иинэбши?» гэжэ хэлэхэ юм? – гэбэ.

2 Хаан түрэнүүд 19:22

Гэбэшье Давид хэлээ һэн: – Цэруяагай хүбүүд, энэ болбол минии шиидхэхэ хэрэг. Израилиин хаан мүн гээшэб гэжэ мүнөөдэр мэдээб. Мүнөөдэр хэншье Израильда алуулха ёһогүй.

3 Хаан түрэнүүд 12:22

Гэбэшье Бурхан лүндэншэ Шэмаяада иигэжэ айладхал буулгаба:

3 Хаан түрэнүүд 13:1

Зай, уталга ууюулхаяа бэлдэжэ, үргэлэй шэрээгэй хажууда Еробоһаамай зогсожо байхада, Бурханай хүн Иудаһаа Бэт-Ээлдэ Эзэнэй зарлигаар ерэбэ.

3 Хаан түрэнүүд 17:17

Энээнэй удаа гэрэй эзэн эхэнэрэй хүбүүн ехэ үбшэлжэ, амисхалынь таһалдаба.

3 Хаан түрэнүүд 17:19

– Хүбүүгээ намда үгэ, – гэжэ хэлээд, хүбүүень тэрэ үргэн абажа, өөрынгөө байдаг таһалга руу абаашаад, унтари дээрээ хэбтүүлбэ.

3 Хаан түрэнүүд 18:9

Обадияа хэлэбэ: – Минии ямар нүгэл хэһэндэ та намайе Ахаабай гарта алахыень дамжуулхаяа байнат?

3 Хаан түрэнүүд 20:28

Бурханай хүн Израилиин хаанда дүтэлжэ, иигэжэ хэлэбэ: – Эзэн иигэжэ айладана: «Намайе тала газарай бэшэ, хада уулын бурхан гэжэ араамшуудай хэлэһэндэнь Би шамда илалта үршөөхэб, ши иимэ ехэ сэрэг диилэхэш. Таанад Намайе Эзэн гээд ойлгохот».

4 Хаан түрэнүүд 1:9

тэрээн руу табитын даргые табин сэрэгшэдтэйнь хамта эльгээбэ. Табитын дарга хадын орой дээрэ һууһан Элияада ерэбэ. – Бурханай хүн, – гэжэ тэрэ Элияада хандаба. – Доошоо буу гэжэ хаан шамда захирна!

4 Хаан түрэнүүд 3:13

Элишаа Израилиин хаанда хандажа: – Шамда намһаа юун хэрэгтэйб? Өөрынгөө эхэ эсэгын лүндэншэдтэ ошо! – гэжэ хэлэбэ. – Тиигэжэ бү хэлыш даа. Моһаабуудай гарта үгэхэ гэжэ Эзэн бидэниие, гурбан хаашуулые эндэ асараа, – гэжэ Израилиин хаан Элишаада хэлэбэ.

2 Угай бэшэг 35:21

Нээхо тэрээндэ элшэнэрые эльгээжэ, иигэжэ дуулгахыень захирба: – Иудын хаан, шинии урдаһаа бэшэ, дайсадайнгаа урдаһаа добтолноб. Бурхан намда яарахыем айладхаа. Бурхан минии талада байна, тиимэһээ урдаһаань бү һөөргэдэ, үгы һааш, Тэрэ шамайе усадхаха!

Иоов 13:23

Танай урда би ямар гэмтэй гээшэбиб? Хамаг нүгэлыем нюултагүй хэлэгты.

Иоов 13:26

Шиидхэлтнай хатуудажа байна. Эдир залуугай алдуу мүнөөдэрэй шиидхэлые хүндэ болгожо байна.

Тоололго 5:15

үбгэниинь һамгаяа санаартада абаашаг. Тиихэдээ һамганайнгаа түлөө эфаагай арбанай нэгэ хуби ешмээнэй гурил асараг. Тэрэ ешмээнэйнь гурилда оливын тоһон болон уталга хэгдээгүй байха ёһотой. Ешмээнэй гурил – Эзэндэ үргэһэн хилээмэн үргэл атаа жүтөөрхэлэйнь үргэл болоно. Энэ үргэлынь өөрынгөө һамгые үнэн сэхэ бэшэ гэжэ үбгэнэйнь сэдьхэн бодоһоной тэмдэг болоно.

Матвей 8:29

Тиигээд тэдэ галзуу амитад: – Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

Марк 5:7

– Иисүүс, Дээдэ Бурханай Хүбүүн, би Танда ямар хамаатай хүнбиб? Намайе бү зобоогыт даа гэжэ Бурханай нэрээр гуйнаб! – гэжэ байгаад бархирба.

Марк 6:16

Харин Ирод энээн тухай дуулахадаа: – Энэ намда толгойгоо таһа сабшуулһан Иоанн амидыраа, – гэжэ хэлэбэ.

Лука 4:34

– Һэ-ээ! Назаредэй Иисүүс, Та бидэниие яаха гээбта? Та маниие үгы хэхэеэ ерээ гүт? Би Таниие мэдэхэб: Та Бурханай Арюун Хүбүүнта! – гэжэ шангаар хашхарба.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Лука 8:28

Иисүүсые хараһаар тэрэ хүн хашха хуугай табяад, хүлдэнь унажа: – Иисүүс, Дээдэ Бурханай Хүбүүн, би Танда ямар хамаатай хүнбиб? Намайе бү зобоогыт даа, ехэтэ гуйнаб! – гэжэ ори дуу табиба.

Иоанн 2:4

– Эжымни, эндэ Минии хэрэг юуб даа? Сагни үшөө ерээгүй, – гэжэ Иисүүс харюусаба.

Ударидагшад 13:6

Тэрэ эхэнэр өөрынгөө үбгэндэ гүйжэ ерээд, иигэжэ хэлэбэ: – Бурханай хүн намда ерээл. Тэрэнэй шарайнь аймшагтай байба. Би тэрэнэй хаанаһаа ерэһые һураагүйб. Тэрэ намда нэрэеэшье хэлээгүйл.

1 Хаан түрэнүүд 16:4

Иигэжэ Самуил Эзэнэй айладхал бүтээжэ, Бэтлэһээм руу ерэбэ. Хотын аха захатан тэрэниие угтахаяа шэшэрэлдэн гаража: – Та амгалан тайбан хэрэгээр ерээ гүт? – гэжэ асууба.