3 Хаан түрэнүүд 17:1 - Библи

¹ Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 17:1 ပူးပေါင်းရင်းမြစ်များ

3 Хаан түрэнүүд 17:12

Харин тэрэ эхэнэр: – Танай Эзэн Бурханай нэрээр тангаригланаб, намда хилээмэн үгыл. Аяга соо нэгэ адха гурил, нэгэ дуһал болохо гэхээр оливын тоһон бии. Харагты даа, би хоёр модо оложо суглуулаад, гэртээ ошожо, энээниие бэлэдхэжэ болгохоб, тиигээд хүбүүнтэеэ хамта эдеэд, удаань хоюулаа үхэхэбди, – гэбэ.

3 Хаан түрэнүүд 17:2

Эзэн тэрээндэ иигэжэ айладхаба:

3 Хаан түрэнүүд 18:1

Олон сагай үнгэрһэнэй удаа, ган гасуурай гурбадахи жэлдэ Эзэн Элияада иигэжэ айладаба: – Ошожо, Ахаабтай уулза. Би энэ нютаг руу бороо оруулхаб.

3 Хаан түрэнүүд 18:10

Эзэн Бурханайтнай нэрээр тангаригланаб, минии хаан таниие бэдэржэ, бүхы хаан түрэнүүдээр, арад уласуудаар зониие эльгээгээ һэн. «Үгы» гэжэ хэлэхэдэнь, тэрэ хан түрэһөө болон арад түмэнһөө танай олдоогүй тухай хаамнай тангариг шахаа абадаг байгаал.

3 Хаан түрэнүүд 18:15

Элияа хэлэбэ: – Минии шүтэдэг Түмэн Сэрэгтэ Эзэнэй нэрээр тангаригланаб! Мүнөөдэртөөл би хаанда харагдахаб.

3 Хаан түрэнүүд 22:14

Михай: – Эзэнэй нэрээр тангаригланаб! Эзэнэйл айладаһан үгэ би дамжуулхаб, – гэбэ.

3 Хаан түрэнүүд 8:35

Арад зоной Танай урда нүгэл хэхэдэнь, Та бороо хура эльгэхэеэ болибо гэлэйт. Харин тэдэнэй Һүмэ руу хандан зальбаржа, нэрыетнай дурдан магтажа, хэһээлтэ амсаһан нүгэлөө мэдэрэн гэмшэжэ, Танда зальбаран гуйбалнь,

4 Хаан түрэнүүд 1:3

Эзэнэй Эльгээмэл Самариин хаанай элшэдые угтаха ба иигэжэ асууха захиралта Тишбиигэй Элияада үгэбэ: «Израильда Бурхан үгы юм аал? Экрооной шүтөөн Баалзэбүүлһээ үршөөл хайра һураха гэжэ юундэ ерэбэ гээшэбта?

4 Хаан түрэнүүд 3:14

Элишаа тэрээндэ иигэжэ хэлэбэ: – Би шүтэн мүргэжэ алба хэдэг, Түмэн Сэрэгтэ Эзэнэй зүгһөө тангаригланаб. Хэрбэеэ би Иудын хаан Ёшапаадые хүндэлөөгүй һаа, би шамайе харахашьегүй байгааб.

4 Хаан түрэнүүд 4:38

Элишаа Гилгаал бусаба. Тиихэдэ бүхы орон дотор үлэн хооһон байдал ушараад байба. Лүндэншэдэй зүблэлэй гэшүүд Элишаае тойрон сугларба. – Томо тогоо гал дээрэ табяад, бултанда шэнгэн эдеэ шана, – гэжэ Элишаа Гэһаази зарасадаа хэлэбэ.

4 Хаан түрэнүүд 5:16

Элишаа тэрээндэ хандажа: – Би шүтэн мүргэжэ, алба хэжэ байдаг Эзэнэй зүгһөө тангариглажа, шамһаа бэлэг абахагүйб, – гэжэ хэлэбэ. Наамаан бэлэг абахыень Элишаае баалаба. Теэд Элишаа тэрэнэй бэлэгһээ арсаба.

4 Хаан түрэнүүд 5:20

Бурханай хүн гэжэ тоологдодог Элишаагай зараса Гэһаази: «Минии эзэн араам Наамаанай асарһан бэлэгые абабагүй. Эзэнтэй хамта тангаригланаб. Би тэрэниие хүсэжэ, юушье һаань, абаха ёһотойб», – гэжэ сэдьхээд,

2 Угай бэшэг 21:12

Элияа лүндэншэнһөө бэшэг тэрээндэ ерээ һэн. Тэрэ бэшэг соо иигэжэ бэшээтэй байгаа: – Элинсэг хулинсаг Давид эсэгыншни Эзэн Бурханай айладхал дуулгахам. Абынгаа, Ёшапаат хаанай, хүгшэн абынгаа, Иудын Асаа хаанай, жэшээ халан абангүй,

2 Угай бэшэг 6:26

Арад зоной Танай урда нүгэл хэхэдэнь, Та бороо хура эльгэхэеэ болибо гэлэйт. Харин тэдэнэй Һүмэ руу хандан зальбаржа, нэрыетнай дурдан магтажа, хэһээлтэ амсаһан нүгэлөө мэдэрэн гэмшэжэ, Танда зальбаран гуйбалнь,

Иоов 12:15

Тэрэнэй уһа тогтоохо гэбэл, ган болохонь зайлашагүй, уһа табибалнь дэлхэй дүүргэхэ.

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Ерэмияа 28:8

Минии, шинии урда тээ ажаһуугша лүндэншэд олон үндэһэ яһатан руу, ехэ хан түрэнүүд руу дайн дажар, үлэсхэлэн хооһон байдал, тахал үбшэн бууха гээд лүндэн табиһан юм.

Хаггай 1:10

Энээнэйл түлөө таанарта тэнгэри шүүдэр, аадар үгэнэгүй, газар үрэжэл үгэнэгүй.

Матвей 11:14

Хэрбээ таанад тэдэ номуудта этигэжэ байбал, мэдэгты: Иоанн болбол ерэхэ ёһотой гэжэ уридшалан хэлэгдэһэн Элияа гээшэ.

Матвей 16:14

– Зарим хүнүүд Таниие Уһаар Арюудхагша Иоанн гэнэ, бусадынь Элияа гэжэ һанана, баһа нүгөөдүүлынь Ерэмияа гү, али ондоо лүндэншэдэй нэгэн гэлсэнэ, – гэжэ тэдэнь харюусаба.

Матвей 27:47

Тэндэ зогсожо байһан зарим зон хэлэһыень дуулаад: – Тэрэ Элияае дуудана, – гэлсэбэ.

Матвей 27:49

Харин бусад зон: – Байза, Элияа Тэрээниие абархаяа ерэгшэ аа гү, харая, – гэлдэбэ.

Матвей 7:29

Юундэб гэбэл, Иисүүс Хуули заадаг багшанарта, фарисейнүүдтэ адляар бэшэ, харин эрхэ засаг баригшада адляар улад зониие һургажа байгаа.

Лука 1:17

Хүбүүншни Эзэнэй урда Элияадал адли һүр хүсөөр, һүнэһэ һүлдөөр дүүрэн ерэхэ. Тиигэжэ үбгэ эсэгэнэрые үри хүүгэдтэйнь эблэрүүлхэ, өөрынхеэрээ ябадаг хүнүүдые Бурханай эрхэ хүсэл бэелүүлхэ тээшэнь тэгүүлхэ. Иигэжэ арад зониие Эзэнтэй уулзуулхада бэлэн болгожо байха.

Лука 1:19

– Би болбол Бурханай ойро оршодог Габриһээл гээшэб. Энэ һайн мэдээсэл дуулгахыемни Бурхан намайе шамда эльгээгээ юм.

Лука 21:36

Тэрэ сагта тохёолдохо хамаг аюул дабажа гарахын тула, Хүн түрэлхитэнэй Хүбүүнэй урда зохистой байхын тула үргэлжэ зальбаржа, һэргэг хёрхо байгты!

Лука 9:30

Гэнтэ Иисүүстэй хөөрэлдэжэ байһан хоёр хүн харагдаба. Тэдэ Моисей Элияа хоёр байгаа.

Лука 9:33

Тэдэ хоёрой Иисүүстэй хахасажа байхада: – Багша! Эндэ байхадамнай манда ямар һайн гээшэб! Гурбан майхан бодхоое, нэгыень Танда, нэгыень Моисейдэ, үшөө нэгыень Элияада, – гэжэ Пётр юун гэжэ байһанаа өөрөөш мэдэнгүй дуугаржархиба.

Лука 9:54

Тиихэдэнь Яков Иоанн хоёр шабинарынь: – Эзэн аа, тэнгэриһээ гал буулгажа, эдэ зониие бултыень шатаахамнай гү? – гэжэ багшаһаа һураба.

Иоанн 1:21

– Тиихэдээ ши хэн гээшэбши? Элияа гүш? – гэжэ тэдэнь һураба. – Бэшэб. – Ерэхэ ёһотой тэрэ лүндэншэ гүш? – Бэшэб.

Иоанн 1:25

– Ши Бурханай табисуурта бэшэ, Элияа бэшэ, тэрэ лүндэншэ бэшэ аад, юундэ хүнүүдые уһаар арюудханабши? – гэжэ тэдэ һурана.

Хэрэгүүд 27:23

Эрхэ мэдэлдэнь байдаг, минии шүтэдэг Бурхан үнгэрһэн һүни Эльгээмэлээ намда эльгээгээ.

Римэйхиндэ 11:2

Эхинһээ нааша шэлэжэ абаһан арадһаа Бурхан арсаагүй. Нангин Бэшэг соо Израилиин арадые зэмэлэн, Элияагай Бурханда хандаһые һананагүй аалта?

Хуули дабталга 10:8

Тэрэ үедэ Эзэн Левиин обогой зониие бусадһаа тусгаар илгажа, Өөрынгөө хэлсээнэй ханза абан ябахыень даалгаба. Тэдэнэр Эзэнэй урда зогсодог, санаартанай уялга дүүргэдэг, Тэрэнэй нэрээр зониие үреэдэг болобо. Мүнөөшье болотор тэдэ энэ ажалаа хэһээр.

Яковай хандалга 5:17

Элияа маанадтал адли хүн байгаад, бороо бү ороһой гэжэ ханалтайгаар зальбаран мүргөө, тиин бороо гурба хахад жэл соо ороогүй.

Гэршэлгэ 11:6

Тэдэ хоёрой Бурханай үгэ айладхажа байха бүхы үдэрнүүдтэнь хура бороогой орохогүйн тула тэдэндэ огторгойе хаажархиха эрхэ засаг үгтэхэ; уһа мүрэнүүдые шуһан болгожорхихо, газар дэлхэйдэ өөһэдынгөө дура зоргоор гай аюул тохёолдуулха эрхэ засаг үгтэхэ.

Ударидагшад 12:4

Иптаа Эпрааимай обогойнхидые үй бута сохимсоороо, Галаадта ажаһуудаг бүхы эрэшүүлыень суглуулаад, тэдээндэ иигэжэ хэлэбэ: – Таанад Эпрааимай угайнь оргодолнууд гээшэт. Таанад өөһэдын газар үгыт. Таанадай заримашуул Эпрааимайшье болон Мэнашшээгэйшье угайхид болоно.