3 Хаан түрэнүүд 15:18 - Библи

¹⁸ Эзэнэй Һүмэ соо болон хаанай ордон соо үлөөшэ алта мүнгэ Асаа абажа, түшэмэлнүүдээрээ Дамааск руу, Араамай хаан, Хэзиһооной аша хүбүүн, Табриммооной хүбүүн Бэн-Һадаадта эльгээжэ, иигэжэ хэлэхые захирба:

3 Хаан түрэнүүд 15:18 ပူးပေါင်းရင်းမြစ်များ

Эхин 14:15

Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй.

Эхин 15:2

Тиихэдэнь Абрам хэлэбэ: – Агууехэ Эзэмни! Үхи хүүгэдһээ бэшэ ондоо ямар шагнал намда угаа ехэ байхаб даа. Дамааск хотоһоо уг гарбалтай Элиээзэр зараса минии һүүлээр зөөриием эдлэхэ хүн болохол.

3 Хаан түрэнүүд 14:26

Эзэнэй Һүмын болон хаанай ордоной баялигуудые олзолон абаба. Бүхы юумэ тэрэ хуряан абаа, Соломооной хэһэн бүхы алтан бамбайнуудыешье абаа.

3 Хаан түрэнүүд 15:15

Өөрөө Бурханда зорюулжа, мүн эсэгынгээ Бурханда зорюулһан мүнгэ, алта болон һүмын хэрэгсэлнүүдые Эзэнэй Һүмэ руу тэрэ оруулжа табяа һэн.

4 Хаан түрэнүүд 12:17

Тэрэ сагта Араамай хаан Хазаһээл дайшалхы аяншалга гаргажа, Гаадые добтолон абаба. Тиигээд тэрэ Иерусалимые булимтаран абахаяа һанаашалба.

4 Хаан түрэнүүд 12:18

Тиихэдэнь Иудын хаан Ёһааш Иудын хаашуул байһан Ёшапаат, Иораам болон Ахазияа гэжэ үбгэ эсэгэнэрэйнгээ һүмэдэ зорюулжа үргэһэн бүхы алта мүнгыень Эзэнэй һүмын ба хаанай ордоной дараануудһаа оложо, тэдэнээ Араамай хаан Хазаһээлдэ эльгээбэ. Тиихэдэнь Хазаһээл Иерусалимда добтолон орохоёо болибо.

4 Хаан түрэнүүд 12:19

Ёһаашай хэһэн бусад үйлэ хэрэгүүд тухай «Иудын хаашуулай түүхын ном» соо бэшээтэй юм.

2 Угай бэшэг 15:18

Өөрөө Бурханда зорюулжа, мүн эсэгынгээ Бурханда зорюулһан мүнгэ, алта болон Һүмын хэрэгсэлнүүдые Бурханай Һүмэ руу тэрэ оруулжа табяа һэн.

Ерэмияа 49:27

Дамааскын ханануудые гал дүлэндэ шатаахаб, Бэн-Һадаад хаанайнь ордонгуудые үгы болоторынь галдахаб. Энэ болбол Би, Түмэн Сэрэгтэ Эзэн, айладхана мүн!

Амоос 1:4

Хазаһээлэй ордон руу гал эльгэхэб, Бэн-Һадаадай хэрэмүүд галда дүрэхэ!