3 Хаан түрэнүүд 13:21 - Библи

²¹ Иудаһаа ерээшэ Бурханай хүндэ тэрэ иигэжэ шангаар соносхобо: – Эзэн иигэжэ айладажа байна: Минии үгэ дуулангүй, захиралтыем дүүргээгүй байһанайш түлөө,

3 Хаан түрэнүүд 13:21 ပူးပေါင်းရင်းမြစ်များ

Эхин 3:7

Нюдөө нээһэн юумэдтэл, бэе бэеынгээ нюсэгэн байһаниие тэдэ обёоржо, инжир модоной набшаһаар халхабша хэжэ, нюсэгэн габаа халхалба.

2 Хаан түрэнүүд 24:13

Гаад Давид руу ошожо, асууба: – Юу шэлэхэбта? Орон нютагтатнай гурбан жэл үлэсхэлэн хооһон байдал тохёолдог гү? Үгы һаа, дайсадтнай таниие мүрдэн мүшхэжэ, та тэдээнһээ гурбан һарын туршада тэрьедэн байха гүт? Үгышье һаа, орон нютагтатнай гурбан үдэрэй туршада тахал үбшэн дэлгэрхэнь гү? Энээн тушаа бодоод, намайе эльгээһэн Бурханда минии ямар харюу бусаахые хэлээрэйгты.

2 Хаан түрэнүүд 6:7

Эзэн тэрэ дары Уззаада уур хилэн боложо, Бурханһаа түбэгшөөхэгүй ябадалайнь түлөө тэндэнь һалгаажа, тэрэ Бурханай ханзын дэргэдэ гээгдэбэ.

3 Хаан түрэнүүд 13:20

Эдеэ хоолой шэрээгэй саана тэдэнэй һуужа байха үедэ Эзэнэй үгэ үбгэн лүндэншэдэ хүрэжэ ерэбэ.

3 Хаан түрэнүүд 13:22

һөөргөө бусажа, Минии хориһон газарта эдеэлжэ ундалжа байһанайш түлөө иимэ юумэн тохёолдохо: наһа барахадаш, шамайе үбгэ эсэгэнэрэйш булашада хүдөөлүүлхэгүй.

3 Хаан түрэнүүд 20:36

Тиихэдэнь тэрэ: – Эзэнэй үгэ дуулаагүйншни түлөө намһаа холодон ошоходош арсалан шамайе барижа алаха, – гэбэ. Тэрэнэй ошоходонь, арсалан дайралдажа, тэрэ хүниие алажархиба.

Эстээр 6:13

Тиигээд Һамаан Зээрэш һамгаяа, хани нүхэдөө суглуулжа ерүүлээд, өөртэйнь ямар ушарай тохёолдоһые хөөрэжэ үгэбэ. – Шамайе доошонь унагааһан тэрэ Мордохай иудей үндэһэтэн юм һаань, ши тэрэнэй урдаһаа тэмсээд, юумэ олохогүйш, харин өөрөө һүйдхэлдэ орохош, – гэжэ тэдэ сэсэн мэргэн зүблэгшэдынь ба Зээрэш һамганиинь тэрээндэ хэлээ бэлэй.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Тоололго 20:12

Эзэн Моисей Аһароон хоёрто иигэжэ айладаба: – Таанад Намайе хүндэлэнгүй, бүхы израильшуудтаа Минии арюун нангиниие харуулаагүйт, Намда этигэжэ ябадагаа гэршэлээгүйт. Энэ арадта найдуулагша газараа Би үгэхэб. Теэд таанад түрэл арадаа дахуулжа, тэрэ газартамни орохогүйт!

Тоололго 20:24

– Аһароон элинсэг хулинсагтаа ниилэг. Израильшуудта Минии найдуулһан тэрэ газарта Аһароон орохогүй. Мэрибаагай уһанай дэргэдэ айладагша Минии зарлигые та хоюулан дүүргэбэгүйт.

Гэршэлгэ 3:19

Дуратай хүнүүдээ Би элишэлэн шүүмжэлдэг, хэһээдэгби. Тиимэһээ таанад хэшээл оролдолго гаргагты, нүгэл хэхэеэ болигты.

1 Хаан түрэнүүд 15:19

Ши юундэ Эзэнэй үгыень дуулаагүйбши, олзо шүүрэн абажа, Эзэнэй урда бузар мууе хээбши? – гэбэ.

1 Хаан түрэнүүд 4:18

Тэрэнэй Бурханай ханза тухай дурдамсаарнь, Элии хаалгануудай хажуудахи һандалиһаа гэдэргээ унан, хүзүүгээ хухалжа гээгдэбэ. Ушарынь хадаа тэрэ үндэр наһатай, нүһэр бэетэй болоһон байгаа. Дүшэн жэлэй туршада тэрэ Израилиин ударидагша байгаа.