3 Хаан түрэнүүд 13:18 - Библи

¹⁸ – Би тандал адли лүндэншэ гээшэб. Эльгээмэл Эзэнэй үгэ намда дамжуулан, «тэрэниие гэртээ оруулжа, эдеэ хоол, унда таби» гэжэ айладхаа юм, – гэжэ үндэр наһатай лүндэншэ хэлэбэ. Гэбэшье тэрэ худалаар хэлээ.

3 Хаан түрэнүүд 13:18 ပူးပေါင်းရင်းမြစ်များ

Эхин 27:24

Гэбэшье Исаак дахин асууба: – Тиихэдээ ши үнэхөөрөө минии хүбүүн Эсаав болоно гүш? – Мүн даа, тиимэб, – гэжэ Яков харюусаба.

Эхин 3:13

– Юундэ ши тиигэбэш? – гэжэ Эзэн Бурхан эхэнэрһээ асууба. – Минии ухаае могой төөрюулээ, үгэдэнь орожо эдеэлби даа, – гэжэ тэрэ эхэнэр харюусаба.

3 Хаан түрэнүүд 13:19

Бурханай хүн үбгэн лүндэншэтэй хамта гэртэнь ерэжэ, эдеэ хоол бариба, ундалба.

3 Хаан түрэнүүд 20:35

Эзэнэй захирһанай ёһоор, нэгэ лүндэншэ нүгөөдэ лүндэншэдэ: – Намайе сохи! – гэбэ. Теэд тэрэнь сохихоёо арсаба.

3 Хаан түрэнүүд 22:22

Тэрэ «би ошожо, тэрэнэй бүхы лүндэншэдые худал абарал буулгадаг болгохоб» гэбэ. Эзэн «шадахаш. Ошожо, энээнээ бүтээ» гээ һэн.

Һургаал 12:19

Үнэншын үгэ мүнхэ наһатай, худалшын үгэ агшан зуура үгы болодог.

Һургаал 12:22

Эзэн худалшаһаа зэбүүсэдэг, үнэниие хэлэгшэ Тэрэнэй талархалда хүртэдэг.

Һургаал 19:5

Хүниие хардагшада хэһээлтэ бууха. Худалша хүн зугадажа шадахагүй.

Исай 36:10

Тиигээдшье би Эзэнэй зүбшөөлгүйгөөр энэ газарта дайлаха гэжэ ошохо һэн гүб? Үгы ааб даа. Энэ орон нютагта ошожо, һандарал ушаруулха тухайм Эзэн Өөрөө намда захираал!

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Ерэмияа 23:14

Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Ерэмияа 23:17

Минии үгэ дуулахаһаа арсадаг зондо тэдэ «Амар амгалан байхат» гэжэ хэдэн дахин хэлэжэл байна. Үсэд, һанаашаараа юумэ хэдэг зондо «гай тодхор таанадтай тохёолдохогүй» гээд хэлэнэ.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 29:31

Вавилоондо баряанда байгааша бүхы зондо Шэмаяа тухай иимэ мэдээсэл дуулгахыемни захираа: – Би, Эзэн, Нэхэлаамай Шэмаяа гэгшые, тэрэнэй уг удамые хэһээхэб. Би тэрэниие эльгээгээгүйб, теэд тэрэ таанадтай лүндэншэ мэтээр хөөрэлдөө, таанадые худал юумэндэ этигүүлээ. Тиимэһээ тэрэ үри хүүгэдгүй байха. Намда эсэргүүсэн номлоһонойнгоо түлөө тэрэ улад зондоо Минии хэхэеэ байһан һайн һайхан юумэнүүдые харахагүй. Энэ болбол Би, Эзэн, айладхана мүн!

Ерэмияа 5:12

Израилиин болон Иудын зон Эзэниие буруушаажа, иигэжэ хэлээ: «Тэрэ үгы! Гай гасалан бидэнтэй ушархагүй, дайн дажар, үлэсхэлэн хооһон байдал үзэхэгүйбди».

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Эзэкээл 13:22

Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.

Эзэкээл 13:8

Тиимэһээ Эзэн Бурхан иигэжэ айладхана: – Таанад худалаар хэлэнэт, үзэлтнайшье худал. Тиимэһээ Би таанадай урдаһаа тулахаб.

Тоололго 22:35

Эзэнэй Эльгээмэл Балаһаамда: – Ши эдэнэртэй суг хамта ошолдо. Болгоомжолжо ябахые оролдо. Би шамда юун гэжэ айладанабиб, эгээл тэрэниием эдээндэ хэлэхэш, – гэжэ айладаба. Балаһаам Балаагай эльгээһэн тайжануудтай суг хамта харгы замаа үргэлжэлүүлэн, саашаа ошобо.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Римэйхиндэ 16:18

Тэдэ зон тиимэ юумэ хэхэдээ, манай Эзэн Христоосто бэшэ, харин өөрынгөө гэдэһэ ходоодо алба хэнэ. Тэдэнэр уран гоё үгэ хүүрээрээ гэнэн гэдэргэ зонииел зангадаа оруулдаг.

Коринфынхидтэ 2-дохи 11:3

Могой мэхэ гохо гарган, Евые яажа мэхэлээ һэм, тон тиигэжэл таанад мэхэлүүлээд, Христоосто үнэн сэхэ, арюун сэбэр һанал бодолнуудаа хубилгана гүт гэжэ би айнаб.

Галадуудта 1:8

Таанадта урдань номногдоһон һургаалһаа ондоо һургаалые зааһан хүн бүхэн, бишье бай, али тэнгэриһээ бууһан Эльгээмэлшье бай, булта хатуу хэһээлтэдэ хүртэг лэ.

Тимофейдэ 1-дэхи 4:1

Һүүлшын үдэрнүүдтэ зарим хүнүүд һүзэгөө алдаха, ада шүдхэрнүүдэй альбанда орохо, шолмосой һургаалые анхарха гээд Арюун Һүлдэ элеэр хэлэнэ.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа, һэшхэлээ алдаһан билдагууша худалшадай оролдолгоор тараха.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Ударидагшад 13:3

Эзэнэй Эльгээмэл Манооһаагай һамганай урда бии болоод, тэрээндэ иигэжэ айладаба: – Ши үхибүүтэй болодоггүй байнаш, харин мүнөө хээлитэй боложо, хүбүү түрэхэш.