3 Хаан түрэнүүд 12:16 - Библи

¹⁶ Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: «Давидай гэр бүлэ маанарта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанарта бү хамаархаг». Тиигэжэ Израилиин бүхы улад зон гэр гэртээ тараа бэлэй.

3 Хаан түрэнүүд 12:16 ပူးပေါင်းရင်းမြစ်များ

2 Хаан түрэнүүд 15:13

Тиихэдэ Давидта мэдээ асарагша нэгэн ерэжэ, иигэжэ дуулгаба: – Израильшууд Абшалоомой тала баряад байна.

2 Хаан түрэнүүд 16:11

Тиигээд Давид Абишай болон бүхы түшэмэлнүүдтээ иигэжэ хэлэбэ: – Минии түрэһэн хүбүүнэй намайе алаха гэжэ байгаа хадань энэ бэньямиин хүнэй тиихэньшье бүри ехэ шалтагаантай юм бэшэ гү? Орхигты тэрэниие! Эзэн тэрээндэ захираа, тэрэ хараажал байг.

2 Хаан түрэнүүд 20:1

Бэньямиин хүн Бихрии гэгшын бирагүй, үймөө үүдхэдэг абари зантай Шэбаа хүбүүн тэндэ байлсаа. Тэрэ зониие суглуулхаяа эбэр бүреэгээр үлеэжэ, иигэжэ хэлэжэ байба: – Давидтай хамта бү байя! Тэрээнэй хойноһоо бү ябая! Израилиин улад зон, гэр гэртээ тарая!

3 Хаан түрэнүүд 11:11

Эзэн Соломоондо: – Иимэ юумэ үйлэдэжэ, Минии шамда захиһан хэлсээ заабариием сахяагүй байһанайш тула Би шамһаа хаан түрэ заатагүй хуулан абажа, түшэмэлдэш үгэхэб.

3 Хаан түрэнүүд 11:13

Харин бүхы хан түрэ хуулан абахагүйб, минии богоол Давидай болон шэлэн абаһан Иерусалимайнгаа түлөө Би нэгэ обогые хүбүүндэш үлөөхэб, – гэжэ айладаба.

3 Хаан түрэнүүд 11:34

Гэбэшье Соломоонһоо бүхы хаан түрые хуряан абахагүйб, Минии һургаалнуудые, хуули ёһонуудые сахидаг байһан Давидай, Минии шэлэн абагша богоолой, аша габьяагай түлөө Соломоониие амиды мэндэ сагтань хаан зандань байлгахаб.

3 Хаан түрэнүүд 11:35

Харин тэрэнэй хүбүүнһээ хаан түрые абажа, арбан обогыень шамда үгэхэб.

3 Хаан түрэнүүд 11:36

Хүбүүндэнь нэгэ обог үлөөхэб. Тиихэдэм Намда мүргэдэг байхын тула Минии шэлэн абаһан Иерусалимда Давид богоолойм үри һадаһан хододоо хааншалан байха.

3 Хаан түрэнүүд 11:39

Давидай үринэртэ зэмэ амасуулан хэһээхэб, гэбэшье хододоо хэһээжэ байха бэшэб.

3 Хаан түрэнүүд 22:17

тэрэ хэлэбэ: – Хонишонгүй хонид мэтэ хада уулаар таранхай Израилиин сэрэг харанаб. «Тэдэ удамаршагүй. Дай үүдхэнгүй, гэр руугаа амар тайбан бусаг лэ» гэжэ Эзэн айладана.

3 Хаан түрэнүүд 22:36

Наранай орожо байхада, Израилиин бүхы жагсаалаар иимэ захирал соносхогдобо: – Бултадаа өөрын хото руу, өөрын газар руу ябая!

2 Угай бэшэг 10:16

Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: – Давидай гэр бүлэ маанадта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанадта бү хамаархаг. Тиигэжэ Израилиин бүхы улад зон гэр гэртээ тараа бэлэй.

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Һургаал 15:1

Эелдэр зөөлэн харюу уур хилэн зайлуулна. Дээрэлхүү хүйтэн үгэ уур хилэн хүдэлгэнэ.

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Исай 7:2

Эпрааимай газар дайдада Араамай сэрэгэй ороод байһан тухай мэдээсэл Давидай гэр бүлэдэ дуулдахадань, Ахааз хаан арад зонтоёо хамта һалхинда найгажа байһан ойн модод мэтэ шэшэрэлдэн айба.

Ерэмияа 33:21

Тон тиимэ хэлсээ Өөрын албатан Давидтай баталааб, тэрэ хаан болохо уг удамтай хододоо байха. Левит санаартадтай тон тиимэ хэлсээ баталааб, тэдэ Намда алба хэдэг байха. Эдэ хэлсээнүүд хэзээдэшье эбдэгдэхэ ёһогүй.

Эзэкээл 37:16

– Хүнэй үри Эзэкээл! Хабтагай модо абажа, «Иудын хан түрэ болон тэрээнтэй эбтэй Израилиин үри һадаһад» гэжэ дээрэнь бэшэ. Нүгөөдэ хабтагай модо абаад, «Иосифой хан түрэ болон тэрээнтэй эбтэй Израилиин үри һадаһад» гээд мүн лэ бэшэ.

Марк 3:24

Хубааралдаад, хоорондоо дайлалдажа байһан хаан орон удаан байнгүй бутарха.

Лука 19:14

Харин албата зониинь тэрээниие үзэн ядадаг ушарһаа: «Энэ хүниие хаанаар табиха дурагүйбди», – гэжэ хэлэхыень элшэн сайдые хойноһоонь эльгээбэ гэхэ.

Лука 19:27

Намайе хаан болгохо дурагүй байһан дайсадыемни асаржа, хараһаар байтарни хюдажа алагты», – гэжэ эзэн хэлэбэ.

Иоанн 13:8

– Минии хүл угаахатнай гү? Яабашье угаалгахагүйб! – Хэрбээ шамайе угаагаагүй һаамни, ши хойшодоо минии бэшэш.

Ударидагшад 8:35

Мүн Израильда хамаг һайн юумэ хэһэнэйнь түлөө тэдэнэр Еруббаалай гэхэ гү, али Гидооной гэр бүлэдэ энэрэл хайра үзүүлбэгүй.

Ударидагшад 9:28

Ээбэдэй хүбүүн Гааһал иигэжэ асууба: – Абимээлэх хэн бэ? Шэхээм юун бэ? Юундэ бидэнэр тэрээндэ алба хэхэ болообибди? Еруббаалай хүбүүн Абимээлэх, тэрэнэй нютагай засаг баригша Зэбүүл хоёр Шэхээмэй эсэгын Хамоорой хүнүүдтэ алба хэхэ ёһотойл. Юундэ бидэнэр Абимээлэхдэ алба хэхэ болонобибди?