3 Хаан түрэнүүд 11:24 - Библи

²⁴ Һадаад-Ээзэрые Давидай диилэһэнэй удаа Рэзоон дээрмэшэдэй бүлэгэй толгойлогшо болобо. Тэдэ Дамааск руу ошожо, сугларагша зониинь тэрэниие Дамааскын хаан болгобо.

3 Хаан түрэнүүд 11:24 ပူးပေါင်းရင်းမြစ်များ

2 Хаан түрэнүүд 10:18

араамшууд израильшуудһаа тэрьедэбэ. Давид тэдэнэй долоон зуун дайшалхы тэргэтэ сэрэг, дүшэн мянган морито сэрэг хюдажа, сэрэгэй жанжин Шобаахые шархатуулхадань, тэрэ тэндээ хосорбо.

2 Хаан түрэнүүд 10:8

Аммоонууд гаража ерээд, өөрынгөө гол хото Раббаагай бартаануудай дэргэдэ байлдаанай жагсаалаар зогсобо. Цобаа болон Рэһообой араамшууд, мүн Тооб болон Маһахаагай зон амяараа талада тогтобо.

Хэрэгүүд 9:2

Дамааскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Эзэнэй зам баримталһан эхэнэр, эрэшүүлые барижа, Иерусалим туужа абаашаха эрхэ Саулда үгтэбэ.

3 Хаан түрэнүүд 20:34

Бэн-Һадаад тэрээндэ: – Минии эсэгын танай эсэгэһээ абаһан хотонуудые би бусаажа үгэхэб. Мүн Самарида минии эсэгын байгуулһан шэнги худалдаа наймаанай гудамжануудые та Дамааскда байгуулха эрхэтэйт, – гэжэ хэлэбэ. Ахааб харюу үгэбэ: – Иимэ хэлсээ баталбал, би шамайе табихаб. Тиигээд тэрээнтэй хэлсээ баталаад, сүлөө табиба.

3 Хаан түрэнүүд 19:15

– Яба, Дамааскын сүл губи руу ошо. Тиишээ ерэжэ, Хазаһээлые Араамай хаан болгон тоһоло.

Эхин 14:15

Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй.

3 Хаан түрэнүүд 11:25

Соломооной амиды мэндэ байгаа сагта тэрэ хододоо Израилиин дайсан байгаа. Һадаад болон Рэзоон хододоо Израильда сүйд ушаруулдаг һэн. Тэрэ араамшуудые зонхилон хааншалаа.

3 Хаан түрэнүүд 15:18

Эзэнэй Һүмэ соо болон хаанай ордон соо үлөөшэ алта мүнгэ Асаа абажа, түшэмэлнүүдээрээ Дамааск руу, Араамай хаан, Хэзиһооной аша хүбүүн, Табриммооной хүбүүн Бэн-Һадаадта эльгээжэ, иигэжэ хэлэхые захирба:

4 Хаан түрэнүүд 8:7

Араамай хаан Бэн-Һадаадай үбшэлжэ байхада, Элишаа Дамааск ерэбэ. – Бурханай хүн эндэ ерээ, – гэжэ түшэмэлнүүдынь хаанда дуулгаба.

4 Хаан түрэнүүд 14:28

Еробоһаамай дайшалхы баатаршалганууд, тэрэнэй яажа Дамааск болон Хамаат хотонуудые Израильтай хамта Иудын засаглал дороһоо бусаалгаһан ба бусад ябуулганууд тухай «Израилиин хаашуулай түүхын ном» бэшээтэй юм.

2 Хаан түрэнүүд 8:3

Цобаагай хаан, Һадаад-Ээзэрэй хүбүүн Рэһооб Евфрат мүрэнэй нюруугаар өөрынгөө засаг түрые батадхаяа ошожо ябаа. Давид тэрэниие бута сохибо.

2 Хаан түрэнүүд 10:6

Аммоонууд Давидай дайсад болоһоноо ойлгожо, Бэт-Рэһообой болон Цобаагай араамшуудта хандан, хорин мянган ябаган сэрэг, Тообһоо арбан хоёр мянган эрэшүүлые, Маһахаагай хааниие нэгэ мянган хүнтэйнь хүлһэлэн абаба.