3 Хаан түрэнүүд 10:10 - Библи

¹⁰ Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнһээ үлүү иимэ ехэ гүгэл бэшэ хэзээдэшье асаржа байгаагүй юм.

3 Хаан түрэнүүд 10:10 ပူးပေါင်းရင်းမြစ်များ

Эхин 43:11

– Зай, яахаб, – гэбэ Израиль. – Тиигээ һаа, иимэ юумэ хэгты: энэ газар дайдын хамагай һайн бэлэг бэлдээд, тэрэ хүндөө абаашагты. Бага-багаар янза бүриин үнэ сэнтэй гүгэлнүүдые, зүгын бала, бүйлөөһэ, миндаль һамарһаашье абалсаад ошогты.

3 Хаан түрэнүүд 10:2

Тиигээд тэрэ Иерусалим руу ехэ баялиг асарба: арюун хангалтай гүгэл уталгануудые, алта мүнгэ, эрдэни шулуунуудые дүүрэн ашаһан тэмээн хамбытай хүрэжэ ерэбэ. Соломоондо орожо, һанаһан тухайгаа асуужа, тэрээнтэй хөөрэлдэбэ ха.

3 Хаан түрэнүүд 9:14

Тиигээд Хираам Соломоон хаанда зуун хорин талаант алта харюудань гэжэ эльгээ бэлэй.

Псалманууд 68:29

Амиды мэндэ зоной номһоо тэдэ хаһагдан аршагдаг, зүб шударга зонтой хамта бү бэшэгдэг.

Псалманууд 72:10

Иимэ зоной хойноһоо арад түмэмни дагана, дүүрэн адхан уһыень уунал!

Псалманууд 72:15

Иигэжэ бодомжолжо байгаа гээшэ һаа, Танай хүбүүдэй угай урда гэмтэй байха һэм.

Египедһээ гаралга 30:34

Эзэн Моисейдэ зарлиг болобо: – Натаат, шэхэлээт, галбаан гэжэ хангал үнэртэй бодосуудые сан ууюулдаг дабирхайтай холижо,

Һургаал 20:15

Алта мүнгэн болон эрдэни зүүдхэл байбашье, ухаатай юумэ хэлэдэг аман бүришье үнэтэй.

Экклезиаст 2:8

Мүн баһа хаашуул болон орон нютагуудһаа алта мүнгэ асаруулааб. Эмэгтэй эрэгтэй дуушадые урижа, шэхэнэй шэмэг зугаа болохо аялга хүгжэмэй зэмсэгүүдые суглуулааб.

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.

Гэршэлгэ 21:11

Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа.