3 Хаан түрэнүүд 1:9 - Библи

⁹ Нэгэтэ Адонияа Рогээл булагай хажуудахи Зоһэлээт гэжэ хабсагайн дэргэдэ хонёор, үхэр болон тарган тугалнуудаар үргэл хэбэ. Тэрэ өөрын аха дүү болохо хаанай бүхы хүбүүдые, Иудын бүхы түшэмэлнүүдые уряа бэлэй.

3 Хаан түрэнүүд 1:9 ပူးပေါင်းရင်းမြစ်များ

2 Хаан түрэнүүд 17:17

Санаартадай хүбүүд Ёнатаан болон Ахимаац Рогээл гэдэг худагай хажууда хүлеэжэ байгаа. Тэдэ Иерусалим руу орожо, бэеэ харуулхаяа һанаагүй. Тиимэһээнь шэбэгшэ эхэнэр тэдээндэ ошожо дуулгаба. Тиихэдэнь тэдэ Давид хаанда ошожо хэлэхэ ёһотой бэлэй.

3 Хаан түрэнүүд 1:19

Олон гэгшын үхэр, тугал, хонёор тэрэ үргэл хэжэ, бүхы хүбүүдыетнай, Абиатаар санаартые, сэрэгэй жанжин Ёһаабые уряа. Теэд Соломоон хүбүүетнай урибагүй.

3 Хаан түрэнүүд 1:25

Мүнөө тэрэ ошожо, олон үхэр, тугал, хонёор үргэл хэжэ, танай бүхы хүбүүдые, сэрэгэй жанжинуудые, Абиатаар санаартые уряа. Иигэжэ тэдэ мүнөө найрлажа, «Адонияа хаан мандатугай!» гэжэ хашхаралдан байна.

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Матвей 22:4

«Найрай хоол мүнөө бэлэн болоо; шахамалнууд гаргаатай, бүхы юумэн түхеэрээтэй байна; түрэдэ хүрэжэ ерэгты», – гэһэн мэдээсэлтэйгээр хаан дахин ондоо зарасанараа урилгатай айлшадта эльгээбэ.

Нүүнэй Иисүүс 15:7

Тиигээд хилэ Ахоор хүндыһөө Дэбиир тээшэ үгсөөд, хойто зүгтэ урадхалай урда талаһаа тобойһон Адуммиимай үндэрэй эсрэг байһан Гилгаал тээшэ годирно; тэндэһээ хилэ Эн-Шээмэшэй уһанда хүрэжэ, Эн-Рогээлэй хажууда дууһана.

Нүүнэй Иисүүс 18:16

Тиигээд хилэ Һинноомой хүбүүнэй хүндын урда, Рэпаиимэй хүндыдэ байдаг үзүүр тээшэ уруудаад, хойшоо Һинноомой хүндыгөөр Евүүсэй урда талада буужа, Эн-Рогээл тээшэ бууна.